HEBRU 1:7 - KA BAIBL

⁷ Bad shaphang kita ki angel, u ong: “Uba pynlong ïa ki angel jong u ki lyer, bad ïa ki shakri jong u, u thylliej ka ding.”

Khasi CL Bible (BSI)

⁷ Hynrei shaphang kita ki angel U Blei u la ong, “U Blei u la pynlong ïa la ki angel kum ki lyer, bad ïa ki shakri jong u kum ki thylliej ding.”

HEBRU 1:7 Mawu Ofanana

JENESIS 3:24

Kumta keiñ u la beh noh ïa uta u briew; bad u la buh ïa ki Kherub shaphang mihngi ka kper Eden, bad ïa kaba kum ka waitlam baphyrnai, kaba da khih talain baroh sawdong, ïa ka ban sumar ïa ka lynti sha uta u dieng ka jingim.

1 SYIEM 22:19

U te u la ong, “Namar kata, to sngew ïa ka ktien U Trai: nga la ïohi ïa U Trai ba u shong halor ka khet jong u, bad u paidbah bneng baroh u ïeng hajan jong u sha ka kti kamon jong u bad sha kadiang.

2 SYIEM 2:11

Te katba ki la nang ïaïaid, bad ïakren, ha khmih, la paw ka kali ding, bad ki kulai ding, kiba la pynïakhlad ïa ki baroh ar ngut; bad u Elijah u la leit kiew ha ka 'erïong sha bneng.

2 SYIEM 6:17

Bad u Elisha u la duwai, bad u la ong, “A Trai, nga kyrpad ïa me, to pynpeit ïa ki khmat jong u, ba un ïohi.” Te U Trai u la pynpeit ïa ki khmat jong uta u samla; bad u la ïohi: te ha khmih, u lum u la dap da ki kulai bad ki kali ding baroh sawdong u Elisha.

SALM 104:4

uba pynlong ïa ki lyer ki nonglam-ktien jong u; ïa la ki shakri ka ding kaba meh:

ISAÏAH 6:2

Ki Seraph ki la ïeng haneng jong u: uwei uwei u la don hynriew tylli ki thapniang: da ki ar tylli u tap la ka khmat, da ki ar tylli ruh u tap la ki kjat, bad da ki ar tylli u her.

DANIEL 7:10

Ka wah ding ka la mih bad ka la tuid noh na khmat jong u: hajar ki hajar ki la shakri ïa u, bad shiphew hajar sien shiphew hajar ki la ïeng ha khmat jong u: ka jingbishar la long, bad ki kitab la plied.

SEKHARAÏAH 6:5

Uta u angel u la ïathuh te bad u la ong, “Kine ki long kita ki saw tylli ki lyer jong ka bneng, kiba leit mih na kaba ki ïeng ha khmat U Trai jong ka khyndew baroh.

HEBRU 1:14

Hato kita baroh kim long ki mynsiem bashakri, ïa kiba la phah noh ïa ka ban shakri na ka bynta kita ki ban sa ïoh ïa ka jingpynim?