HEBRU 1:3 - KA BAIBL

³ uba haba u long ka jingtyngshaiñ ka burom jong u, bad ka dur hi ka jinglong tynrai jong u, bad uba kyrshan ïa kiei kiei baroh da ka ktien ka bor jong u, haba u la lah pynlong ka jingpynkhuid ïa ki pop, u la shong ha ka kti kamon jong U Bakhraw Tam sha jrong;

Khasi CL Bible (BSI)

³ U pynpaw ïa ka jingtyngshaiñ ka burom U Blei bad u ïasyriem thik bad ka dur U Blei hi, uba kyrshan ïa ka pyrthei da ka ktien badonbor jong u. Hadien ba u la ïohpdiang ka jingmap ïa ki pop u khunbynriew, u la shong ha bneng ha ka liang kamon jong U Blei, U Bakhrawbor Tam.

HEBRU 1:3 Mawu Ofanana

1 KHRONIKL 29:11

Ka jong me, A Trai, long ka jingkhraw, bad ka bor, bad ka burom, bad ka jinglah, bad ka jinglong syiem: naba baroh kaba don ha bneng bad ha ka khyndew ka long ka jong me; ka jong me long ka hima, A Trai, bad la kyntiew ïa me kum u khlieh halor baroh.

Ka Kitab U Job 37:22

Na ka shatei ka wan ka jingphyrnai kum ka ksiar: U Blei u kup ïa ka jinglong burom kaba itriem.

SALM 110:1

U Trai u la ong ha U Trai jong nga, “To shong ha ka kti kamon jong nga, tad ynda ngan pynlong ïa ki nongshun jong me ka jingïuh kjat ïa me.”

SALM 75:3

Ka khyndew bad baroh kiba shong ha ka ki la pra noh: nga la pynïeng ma nga ïa ki rishot jong ka. Selah.

EKLESIASTIS 8:4

Namar ka ktien u syiem ka don bor; bad uei u ban ong ha u, “Me leh aïu?”

LEBITIKOS 15:15

bad u lyngdoh un kñia ïa ki, kawei ïa ka ban long ka jingkñia namar ka pop, bad kawei pat kum ka jingkñia ainguh thang; bad u lyngdoh un pynlong ka jingpynïasuk na ka bynta jong u ha khmat U Trai namar ka jingliat ksuit jong u.

MIKAH 5:4

Bad un ïeng, bad un bsa ïa la ka kynhun ha ka bor U Trai, ha ka burom ka kyrteng U Trai U Blei jong u: bad kin ïashong; naba hangta un long uba khraw haduh ki bakut ka pyrthei.

MATHAÏOS 22:24

ki da ong, “Ko Nonghikai, u Moses u la ong, ‘Lada uno uno ruh u ïap noh, u bymdon khun, ba u para jong u un shongkurim ïa ka tnga jong u, bad un pynmih symbai ïa la u hynmen.’

MARKOS 16:19

Kumta te ïa U Trai Jisu, hadien ba U la lah kren ha ki, la pdiang soit sha bneng, bad U la shong sha kamon U Blei.

ÏOANNIS 1:14

Uta U Ktien te u la kynja doh, bad u la shong sah hapdeng jong ngi; bad ngi la ïoh-khmih shaiñ ïa ka burom jong u, ka burom kaba da kat ka jong uba la kha marwei na U Kpa, ba la dap da ka jingaiei bad ka jingshisha.

ÏOANNIS 1:29

Ha kaba lashai, u Ïoannis u ïohi ïa U Jisu ba U wan ha u, bad u ong, “Ha khmih, U Khun langbrot jong U Blei, uba kit noh ïa ka pop ka jong ka pyrthei!

ÏOANNIS 1:4

Ha u, la don ka jingim; bad kata ka jingim ka la long ka jingshai jong ki briew.

KI KAM 2:33

Namar kata, haba la kyntiew ïa u da ka kti kamon U Blei, bad haba u la ïoh diang na U Kpa ïa ka jingkular ïa U Mynsiem Bakhuid, u la theh noh ïa kane, ïa kaba phi mynta phi ïohi bad phi ïohsngew.

KI KAM 7:56

bad u la ong, “Ha khmih, nga ïohi ïa ki bneng ba la plie, bad ïa U Khun u briew ba U da ïeng sha ka kti kamon U Blei.”

Ka Shithi U Paul Sha Ki Nong Rom 1:16

Namar ngam sngewlehrain ïa ka gospel U Khrist; naba ka long ka bor U Blei ïa ka ban pynim ïa uwei pa uwei uba ngeit, ïa u Jiw nyngkong bad ïa u Grik ruh.

Ka Shithi U Paul Sha Ki Nong Rom 8:34

Uei uta uba pynrem? Dei U Khrist uba la ïap, shisha kham tam keiñ uba la mihpat ruh, uba long ruh sha ka kti kamon U Blei, uba ïai-ïasaid ruh na ka bynta jong ngi.

2 KORINTH 4:4

ha kiba u blei jong kane ka pyrthei u la pynmatlah noh ïa ki jingmut kita ki bymngeit, khnang ba ka jingshai ka gospel ka burom U Khrist, uba long ka dur U Blei, kan ym tyngshaiñ ha ki.

KOLOSSAI 3:1

Namar kata, lada la pynmih lem ïa phi bad U Khrist, to wad ïa kiei kiei ruh kiba haneng, ha kaba U Khrist u don, uba shong sha ka kti kamon U Blei.

TITOS 2:14

uba la aiti noh ïa lade na ka bynta jong ngi, ba un ïoh siewspah noh ïa ngi na ka jingbymhok baroh, bad ba un pynkhuid ha lade hi ïa u paidlang ban long ka bynta kynti jong u hi, uba shitrhem ïa ki jingleh babha.

HEBRU 1:13

Hynrei, hano na kita ki angel u la ong mynno mynno, “To shong ha ka kti kamon jong nga, tad ynda ngan pynlong ïa ki nongshun ïa me ka jingïuh hapoh ki kjat jong me”?

HEBRU 10:12

hynrei, Une, haba u la lah ainguh tang kawei ka jingkñia namar ki pop junom, u la shong ha ka kti kamon U Blei;

HEBRU 12:2

da kaba khmih sha U Jisu U Nongpynlong bad U Nongpynjanai ïa ka jingngeit jong ngi, uba namar kata ka jingkmen ïa kaba la buh ha khmat jong u, u la shah ïa ka diengphna, u da ibeiñ ïa ka jinglehrain, bad u la shong ha ka kti kamon ka khet U Blei.

HEBRU 4:14

Namar kata, haba ngi don U Rangbah lyngdoh Bakhraw uba la leit lyngba ïa ki bneng, U Jisu U Khun U Blei, to ngin ïabat skhem ïa la ka jingphla.

HEBRU 7:27

u bymdonkam ha la ka sngi kum kita ki rangbah lyngdoh, ban kñia jingkñia shuwa namar ki pop la ki jong hi, bad hadien kata, namar ki pop u paidlang; namar ïa kane, u la leh tang shi sien leh, mynba u la kñia noh ïa lade.

HEBRU 8:1

Te shaphang kine kiei kiei ïa kiba ngi kren, kaba kongsan ka long kane: Ngi don U Rangbah lyngdoh kat uta, uba la shong sha ka kti kamon ka khet U Bakhraw Tam ha ki bneng;

HEBRU 9:16

Namar ha kaba don ka testament, ka la dei hi ba u la ïap uta uba thaw ïa ka.

HEBRU 9:26

lymda kumta, ka la dei ïa u ban shah bunsien naduh myndanglong ka pyrthei; hynrei, mynta, tang shi sien la pynpaw ïa u ha ka bakut ki Ïa, ïa ka ban pyndam noh ïa ka pop da kaba kñia ïa lade.

1 PETROS 1:21

kiba ngeit da u ha U Blei, uba la pynmih pat ïa u na ki baïap, bad uba la ai ka burom ha u; ba kumta, kata ka jingngeit jong phi bad ka jingkyrmen kin ïoh long ha U Blei.

1 PETROS 3:22

uba long sha ka kti kamon jong U Blei, haba u la leit sha bneng, haba la pynlong hapoh jong u ïa ki angel, bad ïa kiba don bor, bad ïa ki bor bah.

2 PETROS 1:16

Namar ngim shym la bud noh ïa ki puriskam kai ba la thaw nang sianti, mynba ngi la pyntip ha phi ïa ka bor bad ïa ka jingwan U Trai jong ngi U Jisu Khrist, hynrei, ngi la ïoh long ki nongïohi ïa kata ka jinglong burom jong u.

2 PETROS 1:17

Namar u la pdiang na U Blei uba U Kpa ïa ka jinglong burom bad ïa ka jingpyndonburom, mynba la wan kat kane ka ktien ha u na kata ka burom bakhraw batyngshaiñ eh: “Une u long u khun jong nga uba ieit ha uba nga sngewbha eh.”

1 ÏOANNIS 1:7

hynrei, lada ngi ïaid ha kata ka jingshai kumba u long ma u ha kata ka jingshai, ngi don ka jingïasyllok lem paralok hi, bad ka snam U Jisu U Khun jong u ka pynkhuid ïa ngi na ka pop baroh.

1 ÏOANNIS 3:5

Bad phi tip ba la pynpaw ïa u khnang ba un da ïoh kit noh ïa ki pop jong ngi; bad ka pop kam don ha u.

JUDAH 1:25

ha U Blei U Bastad tang ma u hi uba U Nongpynim jong ngi, da U Jisu Khrist uba U Trai jong ngi, to long ka burom, bad ka jingkhraw tam, ka jingsynshar bad ka bor, mynta ruh, bad sha ki bymjukut baroh: Amen.

JINGPYNPAW 3:21

Uta uba jop, ngan ai ha u ban shong lem bad nga halor ka khet jong nga, kumba nga ruh nga la jop, bad nga la shong lem bad U Kpa jong nga halor ka khet jong u.

JINGPYNPAW 4:11

“Me long uba dei, A Trai bad U Blei jong ngi, ban pdiang ïa kata ka burom bad ïa kata ka jingpyndonburom bad ïa kata ka bor, naba me la thaw ma me ïa kiei kiei baroh, bad namar kata ka mon jong me ki ïalong, bad la thaw ïa ki.”