HEBRU 1:2 - KA BAIBL

² ïa uba u la thung ban long u nongïoh pateng ïa kiei kiei baroh, da u ruh, la thaw ïa ki pyrthei;

Khasi CL Bible (BSI)

² Hynrei ha kine ki sngi kiba khatduh u la kren ha ngi lyngba U Khun jong u. U la long uta da uba U Blei u la thaw ïa ka pyrthei, uta ïa uba U Blei u la jied ban long u nongïoh kynti ïa kiei kiei baroh ha kaba kut.

HEBRU 1:2 Mawu Ofanana

JENESIS 49:1

Ynda kumta, u Jakob u la khot ïa la ki khun shynrang, bad u la ong, “To ïalang hajuh, ba ngan ïathuh ha phi kaei kan jia ïa phi ha ki sngi ki ban sa wan.

ISAÏAH 2:2

Te kan long ha ki sngi bakhatduh, ba yn pynskhem ïa u lum ka ïing U Trai ha kliar ki lum bah, bad yn pynkyntiew halor ki lum rit; bad ki jaid bynriew baroh kin tuid sha ka.

ISAÏAH 44:24

Kumne u ong U Trai, u nongsiewspah jong me, bad uba la thaw ïa me naduh ka kpoh: “Nga long U Trai, uba pynlong ïa kiei kiei baroh; uba pynpyiar ïa ki bneng marwei; uba siang ïa ka khyndew; don mano bad nga?

ISAÏAH 45:12

Nga la pynlong ïa ka khyndew, nga la thaw ruh ïa u briew halor jong ka: ma nga, ki kti jong nga hi, ki la pynpyiar ïa ki bneng, bad ïa u paidbah jong ki baroh nga la hukum.

ISAÏAH 45:18

Naba kumne u ong U Trai uba la thaw ïa ki bneng; uta u long U Blei; u la thaw ïa ka khyndew bad u la pynlong ïa ka; u la thung ïa ka, um shym la thaw suda ïa ka, u la thaw ïa ka ban shong briew: “Nga, nga long U Trai; te ym don uwei pat.

JEREMAÏAH 30:24

Ka jingbitar ba-itieng jong U Trai kan ym wan phai pat, tad ynda u la pyndep, bad tad ynda u la leh ïa ki jingthmu ka dohnud jong u: ha ki sngi ki bakhatduh phin sa sngewthuh ïa ka.

JEREMAÏAH 48:47

Hynrei, ngan pynphai pat ïa ka jinglongmraw ka Moab ha ki sngi bakhatduh,” ong U Trai. Haduh katta long ka jingpynshitom ka Moab.

ESEKIEL 38:16

bad men wan kiew ban ïaleh ïa ki briew jong nga ki Israel, kum u lyoh ïa ka ban tap lup ïa ka ri; kan jia te ha ki sngi ki bakhatduh, ba ngan wallam ïa me ban ïaleh ïa ka ri jong nga, khnang ba ki jaid bynriew kin ithuh ïa me, haba yn pynkyntang ïa nga ha me, ko Gog, ha khmat jong ki.”

DANIEL 10:14

Mynta nga la wan ban pynsngewthuh ïa me shaphang kata ka ban jia ïa ki briew jong me ha ki sngi ki bakhatduh: namar ka jingithuhpaw ka long ïa kaba lawei lathai.”

DANIEL 2:28

hynrei, don U Blei ha bneng uba pynpaw ïa ki jingbuhrieh, bad u la pyntip ïa u Nebukhadnessar syiem ïa kaei ka ban jia long ha ki sngi ki bakhatduh. Ka jingphohsniew jong me, bad ki jingithuhpaw ka khlieh jong me ha la ka jingthiah, ki long kine:

HOSIA 3:5

hadien kata, ki khun Israel kin sa phai, bad kin sa wad ïa U Trai U Blei jong ki, bad ïa u Dabid u syiem jong ki de; te kin sa wan da ka jingsheptieng ha U Trai bad ha ka jinglehsbun jong u ha ki sngi ki bakhatduh.

MIKAH 4:1

Hynrei, ha ki sngi ki bakhatduh kan long, ba ïa u lum ka ïing U Trai yn pynskhem halor ka khlieh ki lum, bad yn pynkyntiew ïa ka ha khlieh ki lum rit; bad ki paidbah kin ïatuid noh ha u.

JINGKHEIÑ 24:14

Mynta te, ha khmih, ngan sa leit noh sha la ki jong ki briew: to ale te, bad ngan ïathuh ïa me ïa kaba kine ki briew kin leh ïa ki briew jong me ha kita ki sngi ki bakhatduh.”

MATHAÏOS 13:39

uta u nongshun uba la bet ruh ïa ki, u long u Soitan; kata ka aïom ot ruh, ka long kaba wai noh ka pyrthei; kita kiba ot ruh, ki long ki angel.

MATHAÏOS 17:5

Haba u dang kren, ha khmih, u lyoh batyngshaiñ u la kah ïa ki: ha khmih ruh, ka ktien na uta u lyoh ka la ong, “Une u long U Khun jong nga uba ieit, ha uba nga sngewbha: phin sngew ïa u.”

MATHAÏOS 21:38

Hynrei, haba kita ki nongsumar bri ki la ïohi ïa uta u khun, ki la ïa-ong paralok hi, ‘Une u ban sa long u trai ka brisoh; ïa ngin ïa-pynïap noh ïa u, ngin ïashim ruh ïa ka bynta jong u.’

MATHAÏOS 26:63

Hynrei, U Jisu u la shu sngap. Te u rangbah lyngdoh u da ïathuh u la ong ha U, “Nga pynsmai ïa me ha U Blei U Ba-im, ba men ïathuh ha ngi, la me long uba U Khrist, U Khun U Blei!”

MATHAÏOS 28:18

U Jisu te u da wan u la kren ha ki, u da ong, “La ai ha nga ka bor baroh ha bneng bad ha ka khyndew:

MATHAÏOS 3:17

Ha khmih ruh ka ktien na ki bneng, ka da ong, “Une u long U Khun jong nga uba ieit, ha uba nga sngewbha eh.”

MARKOS 1:1

Kaba sdang ka gospel U Jisu Khrist, U Khun U Blei.

MARKOS 12:6

Te u dang don sa uwei, u khun uba ieit eh jong u; u la phah ïa uta ruh uba khatduh ha ki, u da ong, ‘Kin burom ïa u khun jong nga.’

MARKOS 12:7

Hynrei, kita ki nongsumar bri ki la ïa-ong paralok hi, ‘Une u ban sa long u trai ka brisoh; ïa, ngin ïa-pynïap noh ïa u, te ka bynta kan long ka jong ngi’:

ÏOANNIS 1:10

U la long ha ka pyrthei, bad ka pyrthei ka la long da u, pynban, ka pyrthei kam shym la ithuh ïa u.

ÏOANNIS 1:14

Uta U Ktien te u la kynja doh, bad u la shong sah hapdeng jong ngi; bad ngi la ïoh-khmih shaiñ ïa ka burom jong u, ka burom kaba da kat ka jong uba la kha marwei na U Kpa, ba la dap da ka jingaiei bad ka jingshisha.

ÏOANNIS 1:3

Da u, la long kiei kiei baroh; bad khlem ma u, ym shym la long kaei kaei ruh kaba la long.

ÏOANNIS 13:3

U Jisu, u da tip ba U Kpa u la aiti noh ïa kiei kiei baroh ha ki kti jong U, bad ba U la mih noh na U Blei, bad ba un sa leit noh sha U Blei,

ÏOANNIS 13:32

Lada la pyndonburom ïa U Blei ha u, U Blei ruh un pyndonburom ïa u ha lade, bad un pyndonburom ïa u kumne kumne ruh.

ÏOANNIS 15:15

Ngam khot shuh ki shakri ïa phi, naba u shakri um tip ïa kaei ba u leh u kynrad jong u: hynrei, nga la khot ‘ki lok’ ïa phi, namar ïa kiei kiei baroh kiba nga la ïohsngew na U Kpa jong nga, nga la pyntip ha phi.

ÏOANNIS 16:15

Kiei kiei baroh katba U Kpa u don, ki long ki jong nga; namar kata, nga la ong, ba un shim na ka jong nga, bad un pynpaw ha phi.

ÏOANNIS 17:2

kumba me la ai ha u ka bor halor ka doh baroh, ba ïa kita baroh kiba me la ai ha u, un ai ha ki ka jingim bymjukut.

ÏOANNIS 3:16

“Naba U Blei u la ieit katta katta ïa ka pyrthei katba u la aiti noh ïa la U Khun ba la kha marwei, ba uei uei ruh uba ngeit ha u, un ym jot shuh, hynrei, un ïoh ka jingim bymjukut.

ÏOANNIS 3:25

Ynda kumta, la mih ka jingïasaid na ki synran u Ïoannis bad u Jiw, shaphang ka niam jingpynkhuid.

ÏOANNIS 5:26

Namar kumba U Kpa u don ka jingim ha lade, kumta u la ai ha U Khun ruh ban ïoh ka jingim ha lade:

ÏOANNIS 5:27

bad u la ai ruh ha u ka bor ïa ka ban bishar, naba u long U Khun u briew.

ÏOANNIS 9:29

Ngi, ngi ïatip ba U Blei u la kren ha u Moses, hynrei, une, ngim tip nangno U long.”

KI KAM 10:36

Kata ka ktien ïa kaba U la phah ha ki khun Israel, da kaba ïalap ïa ka gospel ka jingsuk da U Jisu Khrist (long ma u, U Trai halor baroh),

KI KAM 2:17

“ ‘Kan jia ruh ha ki sngi ki bakhatduh,’ ong U Blei, ‘ba ngan theh noh na U Mynsiem jong nga halor ka doh baroh; te ki khun shynrang jong phi bad ki khun kynthei jong phi kin ïathuhlypa, bad ki samla jong phi kin ïohi ïa ki jingithuhpaw, bad ki tymmen jong phi ruh kin phohsniew ki jingphohsniew:

Ka Shithi U Paul Sha Ki Nong Rom 1:4

ïa uba la pynithuh shynna ba u long U Khun U Blei da ka bor, katba kum U Mynsiem ka jingkhuid, da ka jingmihpat na ki baïap, U Jisu Khrist keiñ uba U Trai jong ngi,

Ka Shithi U Paul Sha Ki Nong Rom 8:17

kumta, lada ngi long ki khun, ngi long ki nongïoh pateng ruh; ki nongïoh pateng U Blei keiñ bad ki nongïaïoh pateng lem bad U Khrist de; lada shisha ngi ïashah shitom lem bad u, yn ïoh pyndonburom lem ïa ngi ruh bad u.

1 KORINTH 2:7

hynrei, ngi kren ïa ka jingstad kaba rieh jong U Blei, ïa kaba la buhrieh, kaba U Blei u la thmu lypa mynshuwa ki rta, khnang ïa ka burom jong ngi;

1 KORINTH 8:6

hynrei, ïa ngi, don tang uwei U Blei U Kpa, na uba long kiei kiei baroh, bad ma ngi ha u; bad uwei U Trai uba U Jisu Khrist, da u, ba long kiei kiei baroh, bad ma ngi da u.

GALATIA 4:4

hynrei, haba la jia ka Ïa kaba biang U Blei u la phah ïa la U Khun, ïa uba la kha na ka briew, ïa uba la kha hapoh ka hukum,

EPHESOS 1:10

ba ha ka jingpynïaid ka jingdap biang ki Ïa, yn lum lang ïa kiei kiei baroh ha U Khrist, ïa kiei kiei ruh kiba ha ki bneng, bad ïa kiei kiei ruh kiba ha ka khyndew.

EPHESOS 3:9

bad ïa ka ban pynsngewthuh ïa ki briew baroh, kaei long kata ka jingpynïaid jong kata ka jingmaïan, ïa kaba la buhrieh na bymjukut ha U Blei uba la thaw ïa kiei kiei baroh:

DEUTERONOMI 18:15

“U Trai uba U Blei jong me un pynmih ha me ïa u nongïathuhlypa napdeng jong me, na ki para jong me, uba kum ma nga: ïa u phin shahshkor;

DEUTERONOMI 31:29

Namar nga tip, ba ynda nga la ïap, phin pynsniew khoit ïa lade, bad phin ïaphai noh lyndet na kata ka lynti ïa kaba nga la hukum ïa phi; ka jingpynsniew te kan ngat ha phi ha kita ki sngi ki bakhatduh; namar phin leh pop ha khmat U Trai, ïa ka ban pynbitar ïa u da ki kam ki kti jong phi.”

DEUTERONOMI 4:30

Haba me long ha ka jingjynjar, bad haba kine kiei kiei baroh ki la jia ha me, ha kita ki sngi ki bakhatduh men phai khmat sha U Trai uba U Blei jong me, bad men kohnguh ruh ïa ka ktien jong u;

HEBRU 1:5

Namar hano na kita ki angel u la ong mynno mynno, “Me, me long U Khun jong nga, ha kane ka sngi nga la pynkha ïa me?” Pat ruh, “Nga ngan long kpa ïa u, u ruh un long Khun ïa nga?”

HEBRU 1:8

Hynrei, shaphang uta U Khun, u ong: “Ka khet jong me, A Blei, ka long sha ki bymjukut ki bymjukut; bad u dieng synshar ka hima jong me u long u dieng synshar ka jinglehhok.

HEBRU 11:3

Da ka jingngeit, ngi sngewthuh ba la thaw ïa ki pyrthei da ka ktien U Blei, ba kumta, ym shym thaw ïa kita kiei kiei ba ïohi na kita kiei kiei bapaw.

HEBRU 2:3

kumno ngi ngin ïohlait keiñ, lada ngi lyndet ïa ka jingpynim bakhraw katta katta? haba la kren ïa ka ha kaba mynnyngkong da U Trai, la pynskhem ïa ka ha ngi da kita kiba la ïohsngew;

HEBRU 3:6

hynrei, U Khrist kum U Khun halor ka ïing jong u hi, ka ïing jong uba ngi long ma ngi, lada ngi ïaibat skhem ïa ka jingshaniah jong ngi bad ïa ka jingkmen ka jingkyrmen jong ngi haduh ka bakut.

HEBRU 4:14

Namar kata, haba ngi don U Rangbah lyngdoh Bakhraw uba la leit lyngba ïa ki bneng, U Jisu U Khun U Blei, to ngin ïabat skhem ïa la ka jingphla.

HEBRU 5:8

la u la long U Khun ruh, u la nang ïa ka jingkohnguh na kiei kiei ruh ïa kiba u la shah;

HEBRU 7:28

Namar kata ka hukum ka thung rangbah lyngdoh da ki briew kiba don ka jingtlot; hynrei, kata ka ktien jong kata ka jingsmai, kaba hadien kata ka hukum, ka thung ïa U Khun, ïa uba la pynjanai bymjukut.

HEBRU 7:3

uba khlem kpa, uba khlem kmie, uba khlem jinghiar pateng, u bymdon ka jingsdang ki sngi, lymne ka jingkut ka jingim, hynrei, ïa uba la pynlong syriem ïa U Khun U Blei), u ïaisah u lyngdoh bymjukut.

HEBRU 9:26

lymda kumta, ka la dei ïa u ban shah bunsien naduh myndanglong ka pyrthei; hynrei, mynta, tang shi sien la pynpaw ïa u ha ka bakut ki Ïa, ïa ka ban pyndam noh ïa ka pop da kaba kñia ïa lade.

1 PETROS 1:20

ïa uba la thmu lypa naduh bym pat seng nongrim ïa ka pyrthei, hynrei, la pynmihpaw ïa u ha kine ki Ïa ki bakhatduh na ka bynta jong phi,

2 PETROS 3:3

da kaba phi tip ïa kane nyngkong, ba ha ki sngi ki bakhatduh kin wan ki nongkrenbeiñ da ka jingkrenbeiñ, kiba ïaid katba kum ki jingkwah brai la ki jong hi,

JUDAH 1:18

kumno ki la ju ong ha phi, ba ha ka Ïa ka bakhatduh kin long ki nongkrenbeiñ, kiba da ïaid katba kum kita ki jingkwah brai ki bymriewblei jong ki hi.