HEBRU 1:11 - KA BAIBL

¹¹ kita kin jot noh; hynrei, me, me ïaisah: bad kita baroh kum ka jaiñ kin rim noh;

Khasi CL Bible (BSI)

¹¹ Kita kin jah noh, hynrei me men ïaisah; baroh kin sa jot noh kum ki jaiñ.

HEBRU 1:11 Mawu Ofanana

SALM 10:16

U Trai u long syiem junom junom: ki jaid bynriew ki la ïap duh noh na ka ri jong u.

SALM 102:26

Kine kin duh noh, hynrei, me men ïaisah: ho-oid keiñ, kita baroh kin man rim kum ka jaiñ; kum ka jaiñkup men pynkylla ïa ki, te yn pynkylla ïa ki:

SALM 29:10

U Trai u la shong kum u syiem ha ka jingshlei; shisha keiñ, U Trai u shong kum u syiem junom.

SALM 90:2

Mynba mem pat pynmih noh ïa ki lum, lymne ba mem pat thaw dur ïa ka khyndew bad ïa ka pyrthei, wat naduh bymjukut haduh bymjukut, me, me long U Blei.

ISAÏAH 34:4

Ïa ki paid bneng baroh ruh yn pynduh noh, bad ïa ki bneng yn kli lang kum ka jingkli: bad u paid jong ki baroh un jlop noh, kum ka sla kaba tlor noh na u dieng Waiñ, bad kum ka sla batlor na u dieng Dumbur.

ISAÏAH 41:4

Uei ba la trei bad ba la leh ïa kane, u da khot ïa ki pateng bynriew naduh kaba mynnyngkong? Ma nga U Trai, u banyngkong, lem bad u bakhatduh ruh, nga long uta.

ISAÏAH 44:6

Kumne u ong U Trai, U Syiem u Israel, bad u Nongsiewspah jong u, U Trai ki paid: “Nga, nga long u banyngkong, bad nga, nga long u bakhatduh; bad nalor jong nga ym don Blei shuh.

ISAÏAH 50:9

Ha khmih, U Trai U Blei un ïarap ïa nga; uei uta u ban pynrem ïa nga? Ha khmih, ki baroh kum ka jaiñ kin ïaman rim; u khñiang un bam duh ïa ki.

ISAÏAH 51:6

To khmied ïa la ki khmat sha ki bneng, to khmih ruh ïa ka khyndew shapoh: naba ki bneng kin jah noh kum ka tdem, ka khyndew ruh kan man rim kum ka jaiñ, bad kiba shong ha ka kin ïap kumjuh: hynrei, ka jingpynim jong nga kan sah ha la ka rta, ka hok jong nga ruh kan ym duh noh.

ISAÏAH 51:8

Namar u khñiang un bam ïa ki kum ïa ka jaiñ, bad u khñiang un bam ïa ki kum ïa u 'saiwul: hynrei, ka hok jong nga kan sah ha la ka rta, ka jingpynim jong nga ruh pateng la pateng bynriew.”

ISAÏAH 65:17

“Naba, ha khmih, ngan pynlong ïa ki bneng bathymmai bad ïa ka khyndew bathymmai: bad ïa kiei kiei kiba mynshuwa yn ym kynmaw, lymne kin ym wan ha ka jingmut.

MATHAÏOS 24:35

Ka bneng bad ka khyndew kin leit noh, hynrei, ki ktien jong nga kin ym leit noh satia.

MARKOS 13:31

Ka bneng bad ka khyndew te kin duh noh, hynrei, ki ktien jong nga kin ym duh noh satia.

LOUKAS 21:33

Ka bneng bad ka khyndew kin duh noh, hynrei, ki ktien jong nga kin ym duh noh.

HEBRU 12:27

Te kane ka ktien, “Sa shi wat shuh”, ka pyni ïa kata ka jingpynkynriah ïa kita kiei kiei ruh ïa kiba la pynkhih, kum ïa kiei kiei ruh ba la shu thaw, khnang ba kita kiei kiei ruh ïa ki bym shym pynkhih, kin ïoh sah.

HEBRU 8:13

Da kaba u ong, “ka jutang bathymmai”, u la pynlong rim ïa kata ka banyngkong. Te kata kaba nang rim bad ba nang tymmen ka la jan duh noh.

JINGPYNPAW 1:11

ka da ong, “Nga long ma nga U Alpha bad U Omega, u banyngkong bad u bakhatduh: ïa kaba me ïohi, to thoh ha ka kitab, bad to phah ha kita ki hynñiew balang; sha Ephesos, bad sha Smyrna, bad sha Pergamos, bad sha Thiateira, bad sha Sardis, bad sha Philadelphia, bad sha Laodikaïa.”

JINGPYNPAW 2:8

“Bad ha uta u angel jong ka balang ha Smyrna to thoh: Ïa kine kiei kiei ruh u ong uta u banyngkong bad u bakhatduh, uba la jia long u baïap, bad u la im pat:

JINGPYNPAW 20:11

Bad nga la ïohi ïa ka khet balieh bakhraw, bad ïa uta uba shong halor jong ka, na khmat jong u, ba ka khyndew bad ka bneng ki la ïaphet noh; te ïa ka jaka ym shym la shem shuh ïa ki.

JINGPYNPAW 21:1

Bad nga la ïohi ïa ka bneng bathymmai bad ïa ka khyndew bathymmai; namar kata ka bneng banyngkong bad kata ka khyndew banyngkong ki la leit noh; bad ka duriaw kam don shuh.