HEBRU 1:10 - KA BAIBL

¹⁰ Bad: “Me ha kaba mynnyngkong, A Trai, me la pynshong nongrim ïa ka khyndew; bad ki bneng ki long ki kam ki kti jong me;

Khasi CL Bible (BSI)

¹⁰ U la ong ruh, “Me, A Trai, ha kaba mynnyngkong me la thaw ïa ka pyrthei, bad da la ki kti hi me la thaw ïa ki bneng.

HEBRU 1:10 Mawu Ofanana

JENESIS 1:1

Ha kaba mynnyngkong U Blei u la thaw ïa ka bneng bad ïa ka khyndew.

SALM 19:1

Ki bneng ki pynbna ïa ka burom U Blei; bad ka sahit bneng ka pyni ïa ki jingleh ki kti jong u.

PROBERB 8:29

mynba u la buh ha ka duriaw ïa la ka pud, ba ki um kin ym ryngkang ïa ka hukum jong u: mynba u la pynthikna ïa ki nongrim jong ka khyndew:

ISAÏAH 40:12

Uei ba la thew ïa ki um ha ka lynghoh kti jong u, bad ba la thew ïa ka bneng da kiba tda, bad ba la thep ïa ka 'dewmet ka khyndew ha ka pyrha, bad ba la thew ïa ki lum bah da ka man, bad ïa ki lum rit ha ka tarajur?

ISAÏAH 42:5

Kumne u ong U Blei U Trai, uta uba la thaw ïa ki bneng, bad ba la pynpyiar ïa ki; uta uba la siang ïa ka khyndew bad ïa kaba mih na ka; uta u ba ai ka jingpyrsad mynsiem ïa ki briew kiba ha ka, bad ka mynsiem ha kita kiba ïaid ha ka:

ISAÏAH 48:13

Shisha keiñ, ka kti jong nga ka la pynshong nongrim ïa ka khyndew, bad ka kti kamon jong nga ka la pynpyiar ïa ki bneng: haba nga, nga khot ïa ki, ki ïaïeng lang buk.

ISAÏAH 51:13

bad me la klet ïa U Trai u nongthaw jong me, uba la pynpyiar ïa ki bneng, bad uba la pynshong nongrim ïa ka khyndew; bad me ïaisheptieng baroh shi sngi namar ka jingkhih bitar jong uba banbeiñ, haba u khreh ban pynjot noh? Te hangno kata ka jingkhih bitar u nongbanbeiñ?

ISAÏAH 51:6

To khmied ïa la ki khmat sha ki bneng, to khmih ruh ïa ka khyndew shapoh: naba ki bneng kin jah noh kum ka tdem, ka khyndew ruh kan man rim kum ka jaiñ, bad kiba shong ha ka kin ïap kumjuh: hynrei, ka jingpynim jong nga kan sah ha la ka rta, ka hok jong nga ruh kan ym duh noh.

ISAÏAH 64:8

Hynrei mynta, A Trai, me long U Kpa jong ngi; ngi long ka 'dewbyrtha, bad me u nongthaw khiew jong ngi; te ngi baroh ngi long ka kam ka kti jong me.

JEREMAÏAH 32:17

“A Trai U Blei! ha khmih, me la thaw ïa ka bneng bad ïa ka khyndew da ka borbah jong me bad da ka ksang'ti ba la kner jong me; ym don ei ei ka bym lah bad me:

SEKHARAÏAH 12:1

Ka jingkit ka ktien U Trai ïa ki Israel. Kumne u ong U Trai, uba siang ïa ki bneng, bad uba seng ïa ka nongrim ka khyndew, bad uba pynlong ïa ka mynsiem u briew hapoh jong u:

DEUTERONOMI 4:19

ba ïoh men khmied ruh ïa la ki khmat sha bneng, bad haba me ïohi ïa ka sngi, bad ïa u bnai, bad ïa ki khlur, ïa u paidbah bneng baroh keiñ, yn pynleh ïa me ban mane ïa ki, bad shakri ïa ki, ïa kiba U Trai uba U Blei jong me u la ïasam ha ki jaid bynriew baroh hapoh ka bneng baroh kawei.

HEBRU 12:27

Te kane ka ktien, “Sa shi wat shuh”, ka pyni ïa kata ka jingpynkynriah ïa kita kiei kiei ruh ïa kiba la pynkhih, kum ïa kiei kiei ruh ba la shu thaw, khnang ba kita kiei kiei ruh ïa ki bym shym pynkhih, kin ïoh sah.

JINGPYNPAW 3:14

“Bad ha uta u angel jong ka balang ha Laodikaïa to thoh: Ïa kine kiei kiei ruh u ong U Amen, U Nongphla U Baïaineh bad U Bashisha, ka jingsdang ka jingpynlong jong U Blei: