HEBRU 1:1 - KA BAIBL

¹ U Blei, haba u la lah kren mynhyndai ha ki kpa tymmen da ki bun bynta bad ha ki bun rukom ha ki nongïathuhlypa, ha kine ki sngi ki bakhatduh u la kren ha ngi ha U Khun;

Khasi CL Bible (BSI)

¹ Ha ki por mynbarim, U Blei u la kren ha ki kpa tymmen jong ngi bunsien bad ha ki rukom kiba bun lyngba ki nongïathuhlypa.

HEBRU 1:1 Mawu Ofanana

JENESIS 3:15

Bad ïa ka jingshun ruh ngan buh hapdeng jong me bad kata ka briew, bad hapdeng u symbai jong me bad u symbai jong ka; u symbai jong ka un pynlwet ïa ka khlieh jong me, bad me men pynlwet ïa ka khongdong'jat jong u.”

JENESIS 6:3

Te U Trai u la ong, “U Mynsiem jong nga un ym ïaleh bad u briew junom, namar ba u hi u long ka doh: la kumta ruh, ki sngi jong u kin long shispah arphew snem.”

JOEL 2:28

“Te kan jia hadien kata, ba ngan theh buk ïa la U Mynsiem halor ka doh baroh; bad ki khun shynrang bad ki khun kynthei jong phi kin ïathuhlypa, ki tymmen jong phi kin phohsniew ki jingphohsniew, ki samla jong phi kin ïohi ïa ki jingithuhpaw:

LOUKAS 1:55

(kumba U la ïathuh ha ki kpa jong ngi) ïa u Abraham, bad ïa u symbai jong u ha la ka rta.”

LOUKAS 1:72

ban pyni ka jingisynei ïa ki kpa jong ngi, bad ban kynmaw ïa ka jutang bakhuid jong U;

LOUKAS 24:27

Te haba u la sdang na u Moses, bad na Ki Nongïathuhlypa baroh, u la pynpaw ha ki ha Ki Jingthoh baroh ïa kiei kiei ruh shaphang ïa lade.

LOUKAS 24:44

U la ong ruh ha ki, “Kine ki long kita ki ktien ïa kiba nga la kren ha phi, mynba nga dang don lem bad phi, ba ka dei ba yn pyndep ïa kiei kiei baroh, ïa kiba la thoh ha Ka Hukum u Moses bad ha Ki Nongïathuhlypa, bad ha Ki Salm de, shaphang jong nga.”

ÏOANNIS 16:13

Hynrei, ynda u la wan ma u, U Mynsiem ka jingshisha keiñ, un ïalam ïa phi sha ka jingshisha baroh: namar un ym kren na lade, hynrei, ïa kiei kiei ruh katba un ïohsngew, un kren, bad un pynpaw ha phi ïa kiei kiei ruh ki ban sa wan.

ÏOANNIS 7:22

U Moses u la buh ïa ka jingotsher ha phi (ym ba ka long na u Moses, hynrei, na kita ki kpa); phi otsher ïa u briew ha ka sngi Sabbaton ruh:

ÏOANNIS 9:29

Ngi, ngi ïatip ba U Blei u la kren ha u Moses, hynrei, une, ngim tip nangno U long.”

KI KAM 13:32

Bad ngi wallam ha phi ïa ka khubor babha, kata ka jingkular ba la kular ha ki kpa, kumno ba U Blei u la pyndep noh ïa kata ha ki khun jong ngi, ha kaba u la pynmih pat ïa U Jisu.

KI KAM 2:30

Namar kata, ba u long u nongïathuhlypa, bad ba u tip ba U Blei u la lah kular da ka jingsmai ha u, ba na u soh ka syngkai jong u, un pynmih ïa uwei u ban shong ha ka khet jong u;

KI KAM 28:23

Te kumta haba ki la ïabuh sngi bad u, ki la ïawan shibun ha u hapoh ka ïingbasa jong u; ha kita u la pynpaw, u da phla ïa ka hima U Blei, bad u da pynkohnguh ïa ki shaphang U Jisu, na Ka Hukum u Moses, bad na Ki Nongïathuhlypa ruh, naduh mynstep haduh janmiet.

KI KAM 3:21

ïa uba ka dei ïa ka bneng ban pdiang haduh ki aïom ka jingpynthymmai ïa kiei kiei baroh, ïa kiba U Blei u la kren da ka shyntur ki nongïathuhlypa bakhuid jong U kiba naduh mynbarim.

HEBRU 11:18

ha uba la ong: “Ha u Isaak yn khot ‘u symbai jong me’:”

HEBRU 11:2

Namar ha ka, la phla babha ïa kita ki kpa tymmen.

HEBRU 12:25

To sumar ba phin ym kyntait noh ïa uta uba kren. Namar lada kita kim shym lait, haba ki la kyntait ïa uta uba la maham ïa ki ha ka khyndew, sa katno tam te ma ngi kiba phai noh na uta uba maham na bneng:

HEBRU 2:2

Namar lada kata ka ktien ïa kaba la kren da ki angel ka la long kaba skhem, bad ba ka jingpalat bad ka jingbymkohnguh baroh ka la pdiang ïa ka bainong hok;

HEBRU 2:3

kumno ngi ngin ïohlait keiñ, lada ngi lyndet ïa ka jingpynim bakhraw katta katta? haba la kren ïa ka ha kaba mynnyngkong da U Trai, la pynskhem ïa ka ha ngi da kita kiba la ïohsngew;

HEBRU 3:5

Te u Moses shisha u la long uba ïaineh ha ka ïing jong u baroh kum u shakri, ïa ka ban phla ïa kita kiei kiei ruh ïa kiba yn kren hadien;

HEBRU 4:8

Namar lada u Joshua u la lah ai ka jingshongthait ïa ki, un ym da la kren hadien kata, shaphang kawei pat ka sngi.

HEBRU 5:5

Kumta, U Khrist ruh um shym la pyndonburom ïa lade ïa ka ban long Rangbah lyngdoh; hynrei, uta uba la ong ha u: “Me, me long U Khun jong nga, ha kane ka sngi, nga la pynkha ïa me.”

HEBRU 9:19

Namar ynda u Moses u la lah kren ïa ka hukum baroh ha uta u paidlang baroh katba kum ka hukum, u la shim ka snam ki khun masi bad ki blang, lem bad ka um, bad u 'ñiuh langbrot basaw hain, bad u Hyssop, bad u la synreit ïa kata Ka Kitab hi ruh bad ïa uta u paidlang baroh,