EKSODOS 9:28 - KA BAIBL

²⁸ To kyrpad ïa U Trai; naba katne ki la biang ki pyrthat U Blei bad u phria; te ngan pyllait noh ïa phi, bad phin ym shong shuh.”

Khasi CL Bible (BSI)

²⁸ To duwai ha U Trai! Ngi la shah la biang ïa une u pyrthat bad u phria! Nga kular ban pyllait ïa phi; phim donkam ban dang sah shuh hangne.”

EKSODOS 9:28 Mawu Ofanana

EKSODOS 8:8

Ynda kumta, u Pharaoh u la khot ïa u Moses bad ïa u Aaron, bad u la ong, “To kyrpad ïa U Trai ba un shim noh ïa kine ki jakoid na nga, bad na ki briew jong nga; te ngan sa pyllait noh ïa uta u paidbah, ba kin ïoh kñia ha U Trai.”

EKSODOS 10:17

Mynta te, nga kyrpad ïa me, to map ïa ka pop jong nga sa tang kane shi sien hi, bad to kyrpad ruh ïa U Trai U Blei jong phi, ba un shim noh na nga sa tang kane ka jingpynïap.”

EKSODOS 8:28

Bad u Pharaoh u la ong, “Ngan shah ba phin ïaleit, ba phin kñia ha U Trai U Blei jong phi ha kata ka ri khlaw; hynrei, tang ba phin ym leit jngai eh: to duwai na ka bynta jong nga.”

KI KAM 8:24

U Simon te u la ïathuh bad u la ong, “To duwai ma phi na ka bynta jong nga ha U Trai, ba kawei ruh na kita ïa kiba phi la kren, kan ym jia ha nga!”

EKSODOS 11:1

Te U Trai u la ong ha u Moses, “Ngan da wallam shuh sa kawei ka jingpynïapthem halor u Pharaoh, bad halor ka ri Ijipt; hadien kata te, un sa pyllait noh ïa phi nangne: haba un da pyllait noh ïa phi, shisha un da beh noh ïa phi nangne baroh phar.

EKSODOS 8:25

Te u Pharaoh u la khot ïa u Moses bad ïa u Aaron, bad u la ong, “To khie leit phi, to kñia ïa U Blei jong phi ha kane ka ri.”

EKSODOS 10:8

Te la wallam pat ïa u Moses bad ïa u Aaron ha u Pharaoh: bad u la ong ha ki, “To khie noh, to shakri ïa U Trai U Blei jong phi: hynrei, kino ki ban leit?”

EKSODOS 10:24

U Pharaoh te u la khot ïa u Moses, bad u la ong ruh, “To khie leit phi, to shakri ïa U Trai; kin sah sa tang ki langbrot bad ki masi jong phi: to ai ba ki khynnah jong phi ruh kin leit lem bad phi.”

1 SAMUEL 12:19

Te u paidbah baroh u la ong ha u Samuel, “To duwai na ka bynta ki shakri jong me ha U Trai uba U Blei jong me, ba ngin ym ïap: namar ngi la pynlang ha ki pop jong ngi baroh sa kane ka jingbymman, ha kaba pan syiem.”

1 SYIEM 13:6

Te u syiem u la ïathuh bad u la ong ha uta u briew U Blei, “To kyrpad mynta ïa ka jingisynei U Trai U Blei jong me, bad to duwai na ka bynta jong nga, ba yn pynbha pat ïa ka kti jong nga.” Te uta u briew U Blei u la kyrpad ïa U Trai, bad ïa ka kti u syiem la pynbha pat, bad ka la long kumba mynshuwa.

JEREMAÏAH 21:2

“Nga kyrpad ïa me, to ïakylli na U Trai na ka bynta jong ngi; naba u Nebukhadressar u syiem ka Babilon u ïaleh thma ïa ngi: lehse U Trai un leh bad ngi katba kum ki kam phylla jong u baroh, ba un leit kiew noh na ngi.”

EKSODOS 8:4

kita ki jakoid te kin ïarynsied halor jong me, bad halor ki briew jong me, bad halor ki shakri jong me baroh.” ’ ”

JINGKHEIÑ 21:7

Te namar kata, kita ki briew ki la wan ha u Moses, ki la ong ruh, “Ngi la leh pop, ba ngi la kren pyrshah ïa U Trai, bad pyrshah ïa me ruh; to duwai ha U Trai, ba un shim noh ïa kine ki bseiñ napdeng jong ngi.” Bad u Moses u la duwai na ka bynta uta u paidbah.