EKSODOS 9:15 - KA BAIBL

¹⁵ Naba lada nga la lah kner ïa la ka kti, bad shoh ïa me bad ïa ki briew jong me da ka jingïapthem, te ïa me la lah ot noh na ka pyrthei;

Khasi CL Bible (BSI)

¹⁵ Lada nga la rah ïa la ka kti bad shoh ïa me bad ki briew jong me da ka jingpang, phin jin da la ïap lut khoit.

EKSODOS 9:15 Mawu Ofanana

2 SAMUEL 7:23

Bad kano ka jaid bynriew kawei ha ka khyndew kaba kum u paidlang jong me, kum ki Israel keiñ, ïa kaba U Blei u la leit ban pynim, ba kin long u paidlang ïa u hi, bad ban pynlong ïa lade ka nam, bad ban leh na ka bynta jong phi ïa kiei kiei ki bakhraw, bad ïa kiei kiei kiba itriem na ka bynta ka ri jong me, ha khmat u paidlang jong me, kiba me la pynim na ka ri Ijipt na ka bynta ïa lade, na kita ki jaid bynriew bad na ki blei jong ki?

1 SYIEM 13:34

Te kane ka la wan long ka pop ïa ka ïing u Jeroboam, kat haduh ban pynduh noh ïa ka, bad ban pynjot noh khoit ïa ka na khmat ka khyndew.

2 SYIEM 17:36

hynrei, U Trai, uba la wallam ïa phi na ka ri Ijipt da ka bor bah bad da ka ksang'ti ba la kner, ïa uta keiñ, phin sheptieng, bad ha u phin dem ïa lade, bad ha u phin kñia:

2 SYIEM 19:35

Te ha kata ka miet, u angel U Trai u la mih noh, bad u la shoh ïap ha ka dara ki Assyria shispah phraphew san hajar ngut: te ynda ki briew ki la khie dang step ha kaba lashai, ha khmih, ki la long ki metïap baroh.

EKSODOS 14:28

Kita ki um te ki la ïawan phai pat, bad ki la ïatyllep noh lin ïa kita ki kali ïapom, bad ïa kita ki nongshong kulai, bad ïa uta u paidïapom u Pharaoh baroh kiba la beh nadien jong ki hapdeng ka duriaw; ym shym la sah shuh tang uwei ruh na ki.

EKSODOS 3:20

Namar kata, ngan kner ïa la ka kti, bad ngan shoh ïa ka ri Ijipt da ki kam phylla jong nga baroh ïa kiba ngan sa leh hapdeng jong ka: hadien kata te, un sa pyllait noh ïa phi.

EKSODOS 9:14

Naba ha kane ka por, ngan sa phah ïa ki jingpynshitom jong nga baroh halor ka dohnud jong me, bad halor ki shakri jong me, bad halor ki briew jong me; khnang ba men ïoh tip ba ym don uba kat nga ha ka pyrthei baroh.

EKSODOS 9:16

hynrei, shisha na ka bynta kane hi nga la pynïeng ïa me, ïa ka ban pyni ha me ïa ka bor jong nga, bad ïa ka ban pynbna ïa ka kyrteng jong nga de ha ka pyrthei baroh kawei.

EKSODOS 9:3

ha khmih, ka kti U Trai kan long halor ki jingri jong me kiba ha ka lyngkha, halor ki kulai, halor ki kadda, halor ki ut, halor ki masi de, bad halor ki langbrot ruh: kan wan ka jingïapkhlam ki mrad kaba jur eh.

EKSODOS 9:6

U Trai u la leh ruh ïa kata ha kaba lashai, bad ki jingri baroh jong ka ri Ijipt ki la ïap noh: hynrei, na ki jingri jong ki khun Israel kawei ruh kam shym la ïap.

PROBERB 2:22

Hynrei, ïa ki bymman yn ot noh na ka ri, bad ïa kita kiba leh shukor yn rat noh na ka.