EKSODOS 8:20 - KA BAIBL

²⁰ Te U Trai u la ong ha u Moses, “To khie la dang step lashai, to ïeng ruh ha khmat u Pharaoh; ha khmih, u wan mih sha kata ka um; to ong ruh ha u, ‘Kumne u ong U Trai, “To pyllait noh ïa u paidbah jong nga, ba kin ïoh shakri ïa nga.

Khasi CL Bible (BSI)

²⁰ U Trai u la ong ha u Moses, “Lashai dang step phyrngab, khie leit ap ïa u Pharaoh katba u dang leit sha ka wah, bad ïathuh ha u ba U Trai u ong, ‘Pyllait ïa ki briew jong nga ba kin ïoh mane ïa nga.

EKSODOS 8:20 Mawu Ofanana

SALM 105:31

U la kren, te ki la mih ki kynhun ki skain, bad ki jynreiñ ha ka ri jong ki kylleng baroh.

SALM 78:45

U la phah ki kynhun ki skain hapdeng jong ki, kiba la bam duh ïa ki; bad ïa ki jakoid, kiba la pynjot ïa ki.

EKSODOS 2:5

Te ka khun u Pharaoh ka la wan hiar ban sum ha kata ka wah; bad ki shakri kynthei jong ka ki la ïaid kai harud ka wah; te haba ka la ïohi ïa kata ka shang hapdeng ki kor, ka la phah shim ïa ka ha ka shakri jong ka.

EKSODOS 3:18

Ki te kin sngap ïa ka ktien jong me: bad men wan, ma me, bad ki tymmen basan jong ki Israel, sha u syiem ka ri Ijipt, bad phin ong ha u, ‘U Trai, uba U Blei jong ki Hebru, u la ïashem bad ngi: mynta te ngi kyrpad ïa me, to ai ba ngin ïaleit lai sngi lynti sha ri khlaw, ba ngin ïoh kñia ainguh ïa U Trai uba U Blei jong ngi.’

EKSODOS 4:23

bad nga la ong ha me, “To pyllait noh ïa u khun jong nga ba un ïoh shakri ïa nga;” te lada mem treh ban pyllait noh ïa u, ha khmih, ngan pynïap noh ïa u khun jong me, uba la kha nyngkong jong me keiñ.’ ”

EKSODOS 5:1

Te hadien kata, u Moses bad u Aaron ki la ïaleit hapoh, bad ki la ïathuh ha u Pharaoh, “Kumne u ong U Trai uba U Blei jong ki Israel, ‘To pyllait noh ïa u paidbah jong nga, ba kin ïoh rakhe ïa Ka Jingkhawai Niam ïa nga ha ri khlaw.’ ”

EKSODOS 5:3

Ki te ki la ïathuh, “U Blei jong ki Hebru u la ïashem bad ngi: to shah ba ngin leit, ngi kyrpad ïa me, lai sngi lynti sha kata ka ri khlaw, ba ngin ïoh kñia ainguh ha U Trai uba U Blei jong ngi; ïoh ba un pynhap halor jong ngi da ka jingïapthem, lane da ka waitlam.”

EKSODOS 7:15

To men leit ha u Pharaoh la dang step; ha khmih, u wan mih noh shabar sha kata ka um; te men ïeng harud kata ka wah hamar kaba u wan; to shim ruh ha la ka kti ïa uta u diengduh uba la kylla bseiñ.

EKSODOS 8:1

Te U Trai u la kren ha u Moses, “To leit ha u Pharaoh, to ong ruh ha u, ‘Kumne u ong U Trai, “To pyllait noh ïa u paidbah jong nga, ba kin ïoh ïashakri ïa nga.

EKSODOS 8:21

Hynrei, lada men ym pyllait noh ïa u paidbah jong nga, ha khmih, ngan phah ïa ki bun jaid ki skain ha me, bad ha ki shakri jong me, bad ha ki briew jong me ruh, bad hapoh ki ïing jong me; bad ki ïing ki Ijipt kin dap da ki bun jaid ki skain, bad kata ka khyndew ruh ha kaba ki don.

EKSODOS 9:13

Te U Trai u la ong ha u Moses, “To khie la dang step, bad to ïeng ha khmat u Pharaoh, bad to ong ha u, ‘Kumne u ong U Trai U Blei jong ki Hebru, “To pyllait noh ïa u paidbah jong nga, ba kin ïoh shakri ïa nga.