EKSODOS 5:22 - KA BAIBL

²² Te u Moses u la leit phai pat sha U Trai, bad u la ong, “A Trai, na ka balei ba me la pynsniew ïa une u paidbah? balei ba me la phah ïa nga?

Khasi CL Bible (BSI)

²² Nangta u Moses u la phai biang sha U Trai bad u la ong, “A Trai, balei me lehbeiñ sat ïa la ki briew? Balei me phah ïa nga shane?

EKSODOS 5:22 Mawu Ofanana

1 SYIEM 19:10

U te u la ong, “Nga la sngewskuiñ shikatdei na ka bynta U Trai, U Blei ki paid; naba ki khun Israel ki la lyndet ïa ka jutang jong me, ki la pynkyllon ïa ki duwan jong me, bad ki la pynïap ïa ki nongïathuhlypa jong me da ka waitlam: bad sa tang ma nga hi nga dang sah; bad ki wad ruh ïa ka jingim jong nga, ban shim noh ïa ka.”

1 SYIEM 19:4

Hynrei, u hi u la leit shi sngi lynti sha ka ri khlaw, te haba u la poi u la shong hapoh u dieng Ratam: bad u la duwai na ka bynta ïa lade ba un ïap noh; u la ong ruh, “Ka la biang katta; mynta A Trai, to shim noh ïa ka jingim jong nga; naba ngam long kham bha ban ïa ki kpa jong nga.”

SALM 73:25

Nga don ïano ha bneng hynrei, tang ma me? Bad ym don ha ka khyndew uba nga kwah nalor jong me.

EKSODOS 17:4

Te u Moses u la kyrpad jam ha U Trai, u da ong, “Ngan leh aïu ïa une u paidbah? Sa khyndiat kin sa lynthem ïa nga.”

JEREMAÏAH 12:1

Me long u bahok, A Trai, haba nga ïasaid bad me: la kumta ruh nga kwah ban ïasaid ïa kane ka kam ha me: namar balei ba ka lynti ki bymman ka man bha? Namar balei ba kita kiba ïashetkylla eh ki ïalong baroh kiba shongsuk?

JEREMAÏAH 20:7

A Trai, me la shukor ïa nga, te la shukor ïa nga: me kham khlaiñ ïa nga, bad me la jop: nga la long ka jingrkhiebeiñ baroh shi sngi, uwei uwei baroh u krenbeiñ ïa nga.

JEREMAÏAH 4:10

Ynda kumta, nga la ong, “A Trai U Blei! Da shisha me la shukor shikatdei ïa une u paidlang bad ïa ka Jerusalem, da kaba ong, ‘Phin ïoh ka jingsuk;’ haba ka waitlam pynban ka pei haduh ka mynsiem.”

HABAKKUK 2:3

Naba kane ka jingithuhpaw ka long, pynban, ïa ka por ba la buh, bad ka pynkloi sha ka bakut, bad kan ym lamler: la ka pynslem ruh, to ap ïa ka; naba kan poi shisha, kan ym pyntud.

JINGKHEIÑ 11:11

U Moses te u la ong ha U Trai, “Balei ba me la pynjynjar ïa la u shakri? Balei ruh ba ngam shym la shem ka jingisynei ha khmat jong me, ba me la buh ïa ka jingkit jong kine ki briew baroh halor jong nga?

JOSHUA 7:7

Bad u Joshua u la ong, “Waw! A Trai U Blei, balei ba me la shu wallam ïa une u paidbah sha shiliang Jordan, ban ai noh ïa ngi ha ka kti ki Amor, ban pynjot ïa ngi? A ban da ngi la shu hun, ba ngin da shong ruh sha shiliang ka Jordan!

1 SAMUEL 30:6

Te u Dabid u la sngewpisa eh; naba kita ki paidbah ki la ïa-ong ban lynthem maw ïa u, namar ki mynsiem jong kita ki briew baroh ki la kthang, uwei pa uwei namar la ki khun shynrang bad namar la ki khun kynthei; hynrei, u Dabid u la pynkhlaiñ ïa lade ha U Trai U Blei jong u.