EKSODOS 5:21 - KA BAIBL

²¹ bad ki la ong ha ki, “To U Trai un khmih ha phi, bad un bishar de; namar phi la pynlong ïa ngi ban iwkhong ha khmat u Pharaoh, bad ha khmat ki shakri jong u, ba phi la ai ka waitlam ha ka kti jong ki ban pynïap ïa ngi.”

Khasi CL Bible (BSI)

²¹ Ki la ong ha u Moses bad u Aaron, “U Trai u la ïohi ïa kaei kaba phi la leh, bad un pynshitom ïa phi namar ba phi pynlong ïa u Pharaoh bad ïa ki rangbah pynïaidkam jong u ban isih ïa ngi. Phi la ai daw ïa ki ban pynïap ïa ngi.”

EKSODOS 5:21 Mawu Ofanana

JENESIS 16:5

Ynda kumta, ka Sarai ka la ïathuh ha u Abram, “Kaba shah bymdei jong nga kan long halor ka khlieh jong me: ma nga hi keiñ nga la ai ïa la ka shakri ha ka shadem jong me; te haba ka la ïohi ba ka la punkhun, ka la ibeiñ ïa nga: U Trai un da bishar hapdeng jong nga bad me.”

JENESIS 31:53

U Blei jong u Abraham bad U Blei jong u Nahor, U Blei jong u kpa jong ki, un bishar hapdeng jong ngi.” Bad u Jakob u la smai da ka jingsheptieng burom jong u Isaak u kpa jong u.

JENESIS 34:30

Ynda kumta, u Jakob u la ong ha u Simeon bad ha u Lebi, “Phi la pynshitom ïa nga da kaba phi la pynlong ïa nga uba ijli hapdeng ki trai-shnong jong kane ka ri, hapdeng ki kynja Kanaan bad ki kynja Peris keiñ: bad haba nga ruh nga long uba khyndiat briew, kin ïalang lem ban ïaleh ïa nga, bad kin pynïap noh ïa nga; kumta ïa nga yn sa pynjot noh; ma nga bad ka ïing jong nga.”

2 SAMUEL 10:6

Te haba ki khun u Ammon ki la ïohi ba u Dabid u la isih ïa ki, ki khun u Ammon ki la phah wer ïa ki Syria na Beth-rehob, bad ïa ki Syria na Sobah arphew hajar kiba ïaleh na tbian, bad ïa u syiem ka Maakah shi hajar ki briew, bad ïa ki nong Tob khat-ar hajar ki briew.

1 KHRONIKL 19:6

Bad haba ki khun u Ammon ki la ïohi ba ki la pynisih ïa lade ha u Dabid, u Hanun bad ki khun u Ammon ki la phah shi hajar talent ka rupa ban wer ïa ki, ki kali ïapom bad ki nongshong kulai na Mesopotamia, bad na Aram-maakah, bad na Sobah.

EKSODOS 14:11

Ki la ïa-ong ruh ha u Moses, “Namar bymdon ki jingtep ha ka ri Ijipt, ba me la ïalam noh ïa ngi ban ïap ha kane ka ri khlaw? balei ba me la leh kumne bad ngi ban ïalam noh ïa ngi na ka ri Ijipt?

EKSODOS 15:24

Uta u paidbah te u la khñium ïa u Moses, ki da ïa-ong, “Ngin sa dih aïu?”

EKSODOS 16:2

Bad uta u paidbah ki khun Israel baroh ki la ïakhñium ïa u Moses bad ïa u Aaron ha kata ka ri khlaw;

EKSODOS 4:31

Bad uta u paidbah u la ngeit: te mynba ki la ïohsngew ba U Trai u la wan-i ïa ki khun Israel, bad ba u la khmih ruh de ïa ka jingshitom jong ki, ynda kumta, ki la dem ïa la ki khlieh bad ki la ïamane ruh.

EKSODOS 5:20

Te ki la ïashem bad u Moses bad u Aaron, kiba la ïeng ha ka lynti, haba ki la ïawan mih noh na u Pharaoh:

EKSODOS 6:9

Te u Moses u la kren kumta ha ki khun Israel: hynrei, ki, kim shym la shahshkor ïa u Moses namar kata ka jingpisa mynsiem bad namar kata ka jingpynlong mraw bashitom eh.

EKLESIASTIS 10:1

Ki skain baïap ki pyniwtung ïa ka jingsleh bakordor u nongshna jingiwbih: kumta, khyndiat ka jingbieit ka kham lah ïa ka jingstad bad ka burom.

ISAÏAH 30:6

Ka jingkit ki mrad ba shaphang shathie. Lyngba ka ri ka jingjynjar bad ka jingpisa, na kaba mih ka sing kmie bad u sing, u 'seiñpuh bad u 'seiñher ba-meh ding, ki pynkit ïa la ki spah halor ki tyrpeng ki kadda lud, ïa la ki jingkynshew ruh halor ki syntai ki ut, sha u paidlang u ban ym pynmyntoi ïa ki.

JOEL 2:20

“Hynrei, ngan pynkynriah sha jngai na phi ïa u paidïapom ka ri shatei, bad ngan beh noh ïa u sha ka ri kaba lyngki bad kaba kynjah, ka bynta kaba sha khmat jong u sha ka duriaw mihngi, bad ka bynta kaba shadien jong u sha ka duriaw sepngi; te ka jingiwkhong jong u kan kiew, bad ka jingiwtung jong u kan kiew, namar ba u la leh ïa kiei kiei kiba khraw.

JINGKHEIÑ 14:22

Namar kita ki briew baroh kiba la ïohi ïa ka burom jong nga, bad ïa ki dak phylla jong nga ïa kiba nga la leh ha ka ri Ijipt, bad ha kata ka ri khlaw, bad kiba la pynshoi ïa nga kine shiphew sien, bad kim shym la shahshkor ruh ïa ka ktien jong nga;

JINGKHEIÑ 14:3

Te balei ba U Trai u la wallam ïa ngi sha kane ka ri, ba ngin hap da ka waitlam? ki tnga, bad ki khun jong ngi, kin long ka jinglute: hato ym kham bha, ba ngin ïaphai pat sha ka ri Ijipt?”

1 SAMUEL 13:4

Bad ki Israel baroh ki la ïohsngew ïa kaba ong ba u Saul u la pom ïa ka karod ki Philistia, bad ba ki Philistia ki la isih ïa ki Israel. Te ki paidbah ki la ïalum lang ban leit bud ïa u Saul sha Gilgal.

1 SAMUEL 27:12

Bad u Akhish u la ngeit ïa u Dabid, u da ong, “U la pyniwkhong ïa lade ha la ki jong ki briew ki Israel; namar kata, un long u shakri jong nga junom.”