EKSODOS 40:13 - KA BAIBL

¹³ bad men pynphong ïa u Aaron da kita ki jaiñkup bakyntang, bad to pynsleh ïa u, to pynkyntang ruh ïa u, ba un ïoh kam ha nga ha ka kam lyngdoh.

Khasi CL Bible (BSI)

¹³ Pynkup ïa u Aaron da ki jaiñphong lyngdoh, pynsleh ïa u, bad da kane pynkyntang ïa u, ba u lah ban shakri ïa nga kum u lyngdoh.

EKSODOS 40:13 Mawu Ofanana

EKSODOS 28:41

To men pynphong ruh ïa ki ha u Aaron u hynmen jong me, bad ha ki khun shynrang jong u lem bad u; bad men pynsleh ïa ki, bad men pynkyntang ïa ki, bad men pynkhuid ïa ki de, ba kin ïoh kam ha nga ha ka kam lyngdoh.

EKSODOS 29:7

Ynda kumta, men shim ïa ka umphniang bapynsleh, bad to theh ïa ka ruh halor ka khlieh jong u, bad pynsleh ïa u.

EKSODOS 40:14

To men wallam ruh ïa ki khun shynrang jong u, bad to pynphong ïa ki da ki sopti,

ISAÏAH 61:1

U Mynsiem U Trai U Blei u ha nga; naba U Trai u la pynsleh ïa nga ban ïalap ïa kiei kiei ki babha ha ki bajemnud; u la phah ïa nga ban spaiñ ïa kiba la pait dohnud, ban ïalap ïa ka jingpyllait noh ha kiba la ring mraw, bad ïa kaba plie ïa ka byndi ha kiba la khum;

LEBITIKOS 7:35

Kane te ka bynta kaba dei ïa ka jingpynsleh ïa u Aaron, bad ïa ka jingpynsleh ïa ki khun shynrang jong u, na ki jingkñia ainguh ki jong U Trai ba la thaw da ka ding, naduh kata ka sngi ha kaba u la pynwan ïa ki, ïa ka ban kam ïa ka jingkam lyngdoh ïa U Trai;

LEBITIKOS 7:36

ïa kaba U Trai u la hukum ban ai ha ki, na ki khun Israel, naduh kata ka sngi ha kaba u la pynsleh ïa ki, da ka hukum bajunom pateng la pateng jong ki.’ ”

LEBITIKOS 8:13

Bad u Moses u la pynwan ha khmat ïa ki khun shynrang u Aaron, bad u la pynphong ha ki, ïa ki sopti, bad u la pynpanpoh ïa ki da ki jingpanpoh, bad u la pynphong ïa ki tupia ha ki khlieh jong ki; kumba U Trai u la hukum ïa u Moses.

ÏOANNIS 17:19

Te na ka bynta jong ki; nga, nga pynkyntang ïa lade, ba ki ruh kin ïalong kiba la ïoh pynkyntang khuid da ka jingshisha.

ÏOANNIS 3:34

Naba uta ïa uba U Blei u la phah, u kren ïa ki ktien jong U Blei: naba U Blei um ai ïa U Mynsiem da ka jingthew.

HEBRU 10:10

Da kata ka mon, la pynkhuid ïa ngi da kata kaba ainguh ïa ka met U Jisu Khrist tang shi sien ai.

HEBRU 10:29

ka jingpynshitom ba kham jur katno, phi tharai, kan dei ïa uta uba la ïuh hapoh ki kjat ïa U Khun U Blei, bad ba la ñiew bymkhuid ïa ka snam ka jutang, da kaba la pynkhuid ïa u, bad ba la lehbeiñ ïa U Mynsiem ka jingaiei?

1 ÏOANNIS 2:20

Hynrei, ma phi, phi don ka jingpynsleh na uta U Bakhuid, bad phi tip ïa kiei kiei baroh.

1 ÏOANNIS 2:27

Te shaphang jong phi, kata ka jingpynsleh ïa kaba phi la pdiang na u ka ïaisah ha phi, te phim donkam shuh ba uno uno ruh un da hikai ïa phi; hynrei, kumba kata ka jingpynsleh jong u ka hikai ïa phi shaphang kiei kiei baroh, bad ka long kaba shisha, bad kam long kaba lamler, te kumta kumba la hikai ïa phi, phin ïaisah ha u.