EKSODOS 36:1 - KA BAIBL

¹ “Ynda kumta, ki la ïatrei u Besalil bad u Aholiab, bad u briew baroh u bastad ka dohnud, ha kiba U Trai u la buh ka jingstad bad ka jingshemphang ban nang ban trei ïa ki kynja jingtrei baroh jong ki kam ka jaka kyntang, katba kum ïa kita baroh ba U Trai u la lah hukum.”

Khasi CL Bible (BSI)

¹ “U Besalel, u Oholiab, bad kiwei pat ki nongtrei ïa kiba U Trai u la ai ka jingtbit bad ka jingshemphang, kiba tip ban trei ïa ka kam baroh kaba ïadei bad ka jingtrei ïa ka Ïingjaiñ kaba kyntang, ki dei ban shna ïa kaei kaei baroh kumba U Trai u la hukum.”

EKSODOS 36:1 Mawu Ofanana

EKSODOS 28:3

Men kren ruh ha kita baroh kat ki bastad ka dohnud, ïa kiba nga la pyndap da ka mynsiem ka jingstad, ba kin ïathain ïa ki jaiñkup ïa u Aaron ïa ka ban pynkyntang ïa u, ban kam ïa ka kam lyngdoh ïa nga.

EKSODOS 39:1

Bad na kata ka babyrïong, bad ka basaw bthuh, bad ka basaw syng-iang, ki la ïathaw ïa ki jaiñ ban kam jingkam, ïa ka ban trei ha ka jaka bakyntang, bad ïa ki jaiñkup bakyntang ïa u Aaron, kumba U Trai u la hukum ïa u Moses.

EKSODOS 25:8

Bad to kin thaw ïa ka jaka kyntang ïa nga; khnang ba ngan ïoh shongneh hapdeng jong phi.

LOUKAS 1:6

Baroh ar ngut ruh ki la long ki bahok ha khmat U Blei, ba ki da ïaid ha ki hukum bad ki niam jong U Trai baroh khlem jingrem.

MATHAÏOS 28:20

da hikai ïa ki ban sumar ïa kiei kiei baroh kat kiba nga la hukum ïa phi. Ha khmih ruh, nga, nga long ryngkat bad phi ha la ka sngi, haduh kaba wai noh ka pyrthei.”

HEBRU 8:2

U Shakri ka jaka kyntang, bad kata Ka Tabernakl kaba shisha, ïa kaba U Trai u la pynïeng, ym u briew.

SALM 119:6

Haba kumta, ngan ym lehrain, haba nga da khmih ha ki hukum jong me baroh.

JINGKHEIÑ 7:9

Hynrei, ha ki khun shynrang u Kohath, um shym la ai satia: naba ka kam ka jaka kyntang ka la dei ha ki; ki shu ïabah ïa ka halor ki tyrpeng jong ki.

EKSODOS 36:2

Te u Moses u la khot ïa u Besalil bad ïa u Aholiab, bad ïa u briew u bastad ka dohnud baroh, ha kiba U Trai u la lah buh ka jingstad, uwei uwei baroh keiñ uba ka dohnud jong u ka la kyntu eh ïa u ban wan trei ïa kata ka kam;

1 SYIEM 7:14

Une u la long u khun kawei ka riewkynthei na ka jaid Naphtali, bad u kpa jong u, u la long u briew na Tyros, u nongthaw rnong; bad la pyndap ïa u da ka jingstad bad ka jingshemphang bad ka buit ruh, ban thaw ka jingthaw baroh ha ka tama. Bad u la wan ha u syiem Solomon, bad u la trei ïa ka kam jong u baroh.

1 KHRONIKL 28:21

Bad ha khmih, don ki jingïakylliang ki lyngdoh bad ki Lebi, ïa ka jingshakri baroh jong ka ïing U Blei: bad un don lem bad me ha kano kano ka kam baroh uwei uwei baroh u briew uba mon sngewbha, uba don ka jingnang na ka bynta kano kano ka jingshakri; ki kaptan ruh bad ki paidbah baroh kin long shitylli hapoh ka hukum jong me.”

EKSODOS 12:28

Te ki khun Israel ki la ïaleit noh bad ki la leh kumta; kumba U Trai u la lah hukum ïa u Moses bad ïa u Aaron, kumta ki la leh keiñ.

EKSODOS 31:11

bad ïa ka umphniang bapynsleh, bad ïa ka jingiwbih thang baiwbih ïa ka jaka kyntang: kin leh ïa kita baroh keiñ kat kumba nga la hukum ïa me.”

EKSODOS 38:23

lem bad u ruh la don u Aholiab, u khun u Ahisamakh, na ka jaid Dan, u nongmut-dak, u nongtrei bastad buit, bad uba nang suh pynpur ha ka babyrïong, bad ka basaw bthuh, bad ka basaw syng-iang, bad ha ka jaiñ linen bani.

1 KHRONIKL 2:20

Bad u Hur u la pynkha ïa u Uri, bad u Uri u la pynkha ïa u Besalil.