EKSODOS 32:34 - KA BAIBL

³⁴ Namar kata, to khie leit mynta, to ïalam ma me ïa uta u paidbah sha kata ka jaka ïa kaba nga la ong ha me; ha khmih, u angel jong nga un ïaid ha shuwa jong me: hynrei, ha kata ka sngi ba ngan da wan khmih, ngan pynwan keiñ ïa ka pop jong ki halor jong ki hi.”

Khasi CL Bible (BSI)

³⁴ Mynta khie leit, ïalam ïa u paidbah sha kata ka jaka kaba nga la ïathuh ïa me. Kynmaw ba u angel jong nga un ïalam ïa phi, hynrei ka por kan poi ha kaba ngan pynshitom ïa kine ki briew namar ka pop jong ki.”

EKSODOS 32:34 Mawu Ofanana

SALM 99:8

Me la phai ktien ïa ki, A Trai U Blei jong ngi: me la long U Blei uba map ïa ki, la me la pynhiar kput halor ki jinglehmon jong ki.

EKSODOS 15:17

Men wallam ïa ki shapoh, bad men thung ruh ïa ki ha u lum ka bynta skhem jong me, kata ka jaka, A Trai, ïa kaba me la khreh ïa lade ban shong duh ha ka, kata ka jaka kyntang keiñ, A Trai, ïa kaba ki kti jong me keiñ ki la pynskhem.

EKSODOS 20:5

men ym dem ïa ki, lymne shakri ïa ki: naba nga U Trai uba U Blei jong me nga long U Blei u bathut shen, uba pynwan ïa ka jingpalat ki kpa ha ki khun, haduh ka balai bad ka basaw pateng bynriew jong kiba isih ïa nga;

EKSODOS 23:20

“Ha khmih, nga phah ïa u angel ha shuwa jong me, ban sumar ïa me ha lynti, bad ban wallam ïa me sha kata ka jaka ïa kaba nga la khreh.

EKSODOS 3:17

nga la ong ruh, Ngan ïalam noh artet ïa phi na ka jingshitom ka ri Ijipt sha ka ri ki Kanaan, bad ki Hit, bad ki Amor, bad ki Peris, bad ki Hib, bad ki Jebus ruh de, sha ka ri kaba tuid da ka dud bad ka ngap.” ’

EKSODOS 33:12

Te u Moses u la ong ha U Trai, “Ha khmih, me la ong ha nga, ‘To ïalam artet ïa une u paidbah:’ bad mem shym la pyntip ïa nga ïano men phah ryngkat bad nga. Pynban me la ong, ‘Nga ithuh ïa me da ka kyrteng, bad me la shem ruh ka jingsngewbha ha khmat jong nga.’

EKSODOS 33:2

Bad ngan phah ïa u angel jong nga ha shuwa jong me; bad ngan beh noh ma nga ïa ki Kanaan, ïa ki Amor, bad ïa ki Hit, bad ïa ki Peris, ïa ki Hib, bad ïa ki Jebus:

ISAÏAH 63:9

Ha ka jingshitom jong ki baroh u la shah shitom, bad u angel na khmat jong u, u la pynim ïa ki; ha ka jingieit jong u bad ha ka jingsngewsynei jong u, u la siewspah ïa ki; te u la kynthup ïa ki, u la bah ruh ïa ki ha la ka sngi naduh mynhyndai.

JEREMAÏAH 14:10

Kumne u ong U Trai ha une u paidbah, “Kumta keiñ, ki la sngewbha ban sakma noh; kim shym khang ïa la ki kjat: namar kata, U Trai um pdiang sngewbha ïa ki; mynta un kynmaw ïa ki jingleh bymhok jong ki, bad un wan-i ïa ki pop jong ki.”

JEREMAÏAH 23:2

Namar kata, kumne u ong U Trai, U Blei ki Israel, pyrshah ïa kita ki nongaplangbrot kiba bsa ïa ki briew jong nga: “Phi la pynsakma ïa ka kynhun jong nga, bad phi la beh noh ïa ki, bad phim shym leit jngoh ïa ki; ha khmih, ngan pynwan halor jong phi ïa ka jingsniew ki jingleh jong phi,” ong U Trai.

JEREMAÏAH 5:29

Ngan ym wan-i na ka bynta kine kiei kiei?” ong U Trai: “ka mynsiem jong nga kan ym pynhiar kput ïa ka jaid bynriew kaba kum kane?”

JEREMAÏAH 5:9

Ngan ym wan jngoh na ka bynta kine kiei kiei?” ong U Trai: “ka mynsiem jong nga kan ym pynhiar kput ïa ka jaid bynriew kaba kum kane?

HOSIA 8:13

Te shaphang ki jingkñia ki jingainguh jong nga, ki kñia doh bad ki bam ïa ka; hynrei, U Trai um pdiang ïa ki: mynta, un kynmaw ïa ka jingleh bymhok jong ki, bad un wan-i ïa ki pop jong ki; kin leit phai sha Ijipt.

AMOS 3:14

“Naba ha kata ka sngi kaba ngan pynphai ïa ki jingpalat u Israel halor jong u, ngan khmih ruh ïa ki duwan ka Bethel, bad ïa ki reng jong ka duwan yn pom noh, bad kin hap ha khyndew.

AMOS 3:2

“Tang ma phi keiñ nga la ithuh na ki kur baroh ka pyrthei: namar kata, ngan pynwan phai halor jong phi ïa ki jingleh bymhok jong phi baroh.

JINGKHEIÑ 20:16

bad haba ngi la kyang duwai ha U Trai, u la shahshkor ïa ka ktien jong ngi, bad u la phah ruh ïa u angel jong u, bad u la pynmih noh ïa ngi na kata ka ri Ijipt: te ha khmih, ngi don ha Kadesh, ka shnong ha ka bakut ka pud jong me:’

MATHAÏOS 23:35

kumta, kan wanhap ha phi keiñ ïa ka snam bahok baroh ïa kaba la pynmih noh ha ka khyndew, naduh ka snam u Abel u bahok haduh ka snam u Sakharaïah u khun u Barakhaïah, ïa uba phi la pynïap marpdeng ka jaka kyntang bad ka duwan.

DEUTERONOMI 32:35

Ka jingpynhiar kput ka long ka jong nga, bad ka jingleh kylliang ruh, ka sla'jat jong ki kan tyrsiang ha ka Ïa kaba dei: namar ka sngi ka jingjynjar jong ki ka la jan, bad kita kiei kiei ruh ki ban ngat ha ki, ki nang stet nang stet.