EKSODOS 3:12 - KA BAIBL

¹² U te u la ong, “Shisha ngan long lem bad me; bad kane kan long ka dak ïa me, ba ma nga hi nga la phah ïa me: ynda me la ïalam noh ïa ki briew jong nga na ka ri Ijipt, phin ïoh shakri ïa U Blei halor une u lum.”

Khasi CL Bible (BSI)

¹² U Blei u jubab, “Ngan long lem bad me, bad haba me ïalam noh ïa ki briew jong nga na Ijipt, phin ïamane ïa nga ha une u lum. Kata kan long ka jingpynshisha ba nga la phah ïa me.”

EKSODOS 3:12 Mawu Ofanana

JENESIS 15:1

Ynda la lah kine kiei kiei ruh, ka ktien U Trai ka la wan ha u Abram ha ka jingïohipaw, ka da ong, “To wat sheptieng, ko Abram: Ma nga, nga long ka stieh jong me, bad ka bainong jong me kan long kaba khraw eh.”

JENESIS 15:8

U ruh u la ong, “A Trai Jehobah, hato da kaba kumno te ngan ïoh tip ba ngan ïoh pateng ïa ka?”

JENESIS 26:3

To shong nongwei katto katne ha kane ka ri, bad nga te ngan long lem bad me, bad ngan kyrkhu ïa me; namar ha me, bad ha u symbai jong me, ngan ai ïa kine ki ri baroh, bad ngan pyndep skhem ïa la ka jingsmai ïa kaba nga la smai ha u Abraham u kpa jong me.

JENESIS 31:3

Bad U Trai u la ong ha u Jakob, “To leit phai noh sha ka ri ki kpa jong me, bad sha la ki kur; ma nga ruh ngan long ryngkat bad me.”

2 SYIEM 19:29

“Te kane kan long ka dak ïa me: ha kane ka snem phin bam ïa kata kaba shu mih hi, bad ha ka snem ka ba-ar na kaba mih na kata; te ha ka snem ka balai phin bet, bad ot, bad phin thung ki brisoh, bad bam ïa u soh jong ki.

1 KHRONIKL 9:20

bad u Phinehas u khun u Eleasar u la long u nongsynshar halor jong ki mynshuwa, bad U Trai u la long ryngkat bad u.

SALM 86:17

To pyni ha nga ïa ka dak ka jinglehbha, ba kita kiba shun ïa nga kin ïohi ïa ka, bad ba kin lehrain, namar ba me, A Trai, me la ïarap ïa nga, bad me la pyntngen ïa nga.

EKSODOS 18:5

Te u Jethro, u kthaw kurim u Moses, u la wanlam ha u Moses ïa ki khun shynrang bad ïa ka tnga jong u ha kata ka ri khlaw ha kaba u la shong dara, hajan uta u lum U Blei:

EKSODOS 3:1

Te u Moses u la dang ap ïa ka kynhun u Jethro u kthaw kurim jong u, uba u lyngdoh ka ri Midian: bad u la ïalam ïa kata ka kynhun sha lyndet ka ri khlaw, bad u la wan sha u lum U Blei, sha Horeb keiñ.

EKSODOS 3:13

Bad u Moses u la ïathuh ha U Blei, “Ha khmih, haba ngan wan sha ki khun Israel, bad ngan ong ha ki, ‘U Blei ki kpa jong phi u la phah ïa nga ha phi’; bad ba kin kylli ïa nga, ‘Kaei ka kyrteng jong u?’ ngan ong aïu ha ki?”

EKSODOS 33:14

U te u la ong, “Ka khmat jong nga kan leit lem bad me bad ngan ai ka jingshongthait ruh ïa me.”

EKSODOS 4:12

Namar kata, to leit mynta, bad nga ngan long lem bad ka shyntur jong me, bad ngan hikai ïa me ïa kaei ba men kren keiñ.”

EKSODOS 4:15

Bad to men kren ha u, men buh ruh ïa kine ki ktien ha ka shyntur jong u: ma nga te ngan long lem bad ka shyntur jong u ruh, bad ngan hikai ïa phi ïa kaei ba phin leh.

EKSODOS 8:27

Lai sngi lynti ngin ïaleit sha kata ka ri khlaw, ïa ka ban kñia ha U Trai U Blei jong ngi, katba un hukum ïa ngi.”

ISAÏAH 37:30

“Te kane kan long ka dak ha me: ‘Phin bam ha kane ka snem ïa kata kaba mih hi, bad ha ka snem ba-ar ïa kata kaba mih na ka; te ha ka snem ka balai to bet phi, to ot ruh, bad thung brisoh, to bam ruh na u soh jong ki.

ISAÏAH 41:10

to wat sheptieng me, namar nga long ryngkat bad me; wat sngewma, namar nga long U Blei jong me: ngan pynshaitbor ïa me; ho-oid, ngan ïarap ïa me; ho-oid, ngan kyrshan ïa me da ka kti kamon ka hok jong nga.

ISAÏAH 43:2

Haba me leit lyngba ïa ki um, nga ngan long lem bad me; bad lyngba ki wah, kin ym tyllep ïa me: haba me ïaid lyngba ka ding, men ym ing; lymne ka thylliej ding kan ym jliah ïa me.

ISAÏAH 7:14

Namar kata, U Trai hi un ai ka dak ïa phi: Ha khmih, ka theisotti kan punkhun, kan kha ruh ïa u khun, yn khot ruh ïa ka kyrteng jong u, ‘u Immanuel.’

JEREMAÏAH 1:8

Wat sheptieng na ka bynta jong ki: naba nga long lem bad me ïa ka ban pyllait ïa me,” ong U Trai.

JINGKHEIÑ 16:28

U Moses te u la ong, “Da kane phin ïoh tip ba u la phah U Trai ïa nga ïa ka ban leh ïa kine ki kam baroh; bad ba ngam shym la leh ïa ki, na la ka jong ka jingmut.

JINGKHEIÑ 23:21

Um ïohi ïa ka pop ha u Jakob, bad um ïohi ruh ïa ka jingpalat ha u Israel: U Trai U Blei jong u, U don ryngkat bad u, bad ka jingrisa u syiem ka hapdeng jong ki.

MATHAÏOS 28:20

da hikai ïa ki ban sumar ïa kiei kiei baroh kat kiba nga la hukum ïa phi. Ha khmih ruh, nga, nga long ryngkat bad phi ha la ka sngi, haduh kaba wai noh ka pyrthei.”

MARKOS 16:20

Ki te haba ki la mih noh, ki la ïalap kylleng sawdong, U Trai ruh U da trei lem, bad U da pynskhem ïa kata ka ktien da ki dak kiba bud. Amen.

KI KAM 11:21

Bad ka kti U Trai ka la long lem bad ki, bad bun byllien kiba la ngeit ki la wan phai sha U Trai.

KI KAM 7:7

Te ïa kata ka jaid bynriew ha kaba kin shong mraw, ngan bishar ma nga,’ ong U Blei, ‘bad hadien kata kin ïoh wan noh, bad kin shakri ïa nga ha kane ka jaka.’

Ka Shithi U Paul Sha Ki Nong Rom 8:31

Kumno te ngin ïa-ong ïa kine kiei kiei ruh? Lada U Blei u long na ka bynta jong ngi, uei uta u ban ïaleh bad ngi?

DEUTERONOMI 31:23

U la ai hukum ruh ïa u Joshua u khun u Nun, bad u la ong, “To long uba khlaiñ bad uba shlur: namar me men ïalam ïa ki khun Israel sha kata ka ri ïa kaba nga la smai ha ki; bad ngan long ryngkat bad me.”

HEBRU 13:5

To long kiba lait na kaba ieit sbai, da kaba sngewhun bad kita kiei kiei ba phi don; namar u hi u la ong: “Ngan ym iehnoh noh ïa me da lei lei, lymne ngan ym leh lyndet noh ïa me da lei lei.”

JOSHUA 1:5

Yn ym don uwei uba lah ban ïeng ha khmat jong me baroh ki sngi ka rta jong me: kumba nga la don ryngkat bad u Moses, kumta ngan don bad me ruh: ngan ym iehnoh ïa me, lymne ngan ym kyntait ïa me.

NONGBISHAR 6:12

Te u angel U Trai u la paw ha u, bad u la ong ha u, “U Trai u don ryngkat bad me, me u briew uba shynrang.”

NONGBISHAR 6:16

U Trai te U la ong ha u, “Shisha ngan long lem bad me, bad men jop ïa ki Midian kum ïa uwei u briew.”

NONGBISHAR 6:17

U la ong te ha U, “Lada kumta nga la shem sngewbha ha khmat jong me, to men pyni ka dak ha nga ba long ma me uba kren bad nga.

NONGBISHAR 6:21

Ynda kumta, u angel U Trai u la rah ïa ka tduh jong u diengduh uba ha ka kti jong u, u la pyndei ha kata ka doh bad ha ki kpu khlem thiat; te ka ding ka la mih na uta u mawsiang, bad ka la pyning duh ïa ka doh bad ïa ki kpu khlem thiat; hadien kata, u angel U Trai u la leit noh na khmat jong u.

NONGBISHAR 7:11

bad men ïohsngew ïa kaei ba ki ïa-ong; bad hadien kata, yn pynkhlaiñ ïa ki kti jong me ïa ka ban leit hiar sha uta u paidbah.” Ynda kumta, u la leit hiar bad u Purah u shakri jong u haduh khap ki nongap phira uta u paidbah.

1 SAMUEL 14:10

Hynrei, lada kin ong kumne, ‘To wan kiew sha ngi’; kumta ngin leit kiew: namar U Trai u la aiti noh ïa ki ha ka kti jong ngi: bad kane kan long ka dak ïa ngi.”