EKSODOS 24:1 - KA BAIBL

¹ Te u la ong ha u Moses, “To wan kiew sha U Trai, ma me, bad u Aaron, bad u Nadab, bad u Abihu, bad ki hynñiewphew ki tymmen basan jong ki Israel; bad to mane phi na sha jngai.

Khasi CL Bible (BSI)

¹ U Trai u ong ha u Moses, “Wan kiew sha nga shalor lum, ma me, u Aaron, u Nadab, u Abihu, lem bad hynñiewphew ngut ki nongïalam jong ki Israel; bad katba phi dang ïadon kham ha pajih, dem bad mane ïa nga.

EKSODOS 24:1 Mawu Ofanana

1 KHRONIKL 6:3

Bad ki khun u Amram: u Aaron, bad u Moses, bad ka Miriam. Bad ki khun shynrang u Aaron: u Nadab, bad u Abihu, u Eleasar, bad u Ithamar.

EKSODOS 1:5

Ki mynsiem baroh te kiba la mih na ka syngkai u Jakob ki la long jin hynñiewphew ki mynsiem; naba u Joseph u la don lypa ha ka ri Ijipt.

EKSODOS 19:20

U Trai te u la wan hiar halor u lum Sinai, halor ka khlieh uta u lum: te U Trai u la khot ïa u Moses sha khlieh uta u lum; u Moses u la leit kiew ruh.

EKSODOS 19:24

Bad U Trai u la ong ha u, “To khie, to hiar ruh; bad men wan kiew, ma me, bad u Aaron lem bad me: hynrei, wat ai ba kita ki lyngdoh bad uta u paidbah kin wan tur lyngba sha U Trai, ïoh ba u un kyntur ha ki keiñ.”

EKSODOS 19:9

Bad U Trai u la ong ha u Moses, “Ha khmih, ngan wan ha me ha u lyoh ba-dum, ba u paidbah un ïohsngew haba nga kren bad me, bad ba un ngeit ïa me ha la ka rta.” Bad u Moses u la ïathuh ïa kita ki ktien jong u paidbah ha U Trai.

EKSODOS 20:21

Uta u paidbah te u la ïaïeng na sha jngai, bad u Moses u la nang jan sha kata ka jingdum ha kaba U Blei u la don.

EKSODOS 24:15

Bad u Moses u la leit kiew sha uta u lum, bad u lyoh u la tap ïa uta u lum.

EKSODOS 24:2

Te tang u Moses hi un wan hajan ïa U Trai; hynrei, ki, kin ym wan hajan, lymne uta u paidbah un ym leit lem bad u.”

EKSODOS 24:9

Ynda kumta, u Moses u la leit kiew, bad u Aaron, u Nadab, bad u Abihu, bad hynñiewphew ngut ki tymmen basan ki Israel,

EKSODOS 28:1

“Bad to shim ha me ïa u Aaron u hynmen jong me, bad ïa ki khun shynrang jong u lem bad u, napdeng ki khun Israel, ïa ka ban kam ïa ka kam lyngdoh ïa nga, ïa u Aaron keiñ, ïa u Nadab, bad ïa u Abihu, ïa u Eleasar bad ïa u Ithamar, ki khun shynrang jong u Aaron.

EKSODOS 3:5

Te u la ong, “Wat wan hajan shane: to da loit noh ïa ki juti jong me na la ki sla'jat, naba kata ka jaka ha kaba me ïeng ka long ka khyndew bakyntang.”

EKSODOS 34:2

To khreh te hamar kaba mynstep, bad to wan kiew dang step sha u lum Sinai, bad to wan ha nga hangta ha kliar uta u lum.

EKSODOS 6:23

Te u Aaron u la shim ïa ka Elisheba ka khun u Amminadab, ka para jong u Naashon ban long ka tnga ïa u; ha u te ka la kha ïa u Nadab, bad ïa u Abihu, ïa u Eleasar, bad ïa u Ithamar.

ESEKIEL 8:11

Bad hangta, la ïeng ha khmat jong ki, hynñiewphew ngut ki rangbah na ki tymmen basan ka ïing Israel, bad hapdeng jong ki la ïeng u Jasaniah u khun u Shaphan. Man u briew bad la u khiew rah jingiwbih ha la ka kti; bad ka jingiw u lyoh ka jingiwbih thang ka la kiew artet.

JINGKHEIÑ 11:16

U Trai te u la ong ha u Moses, “To lum lang ha nga ïa ki hynñiewphew ngut na ki tymmen basan ki Israel, ïa kiba me tip hi ba ki long ki tymmen basan jong u paidlang, bad ki rangbah halor jong ki: to wallam ruh ïa ki ha Ka Tabernakl ka jingïaseng, ba kin ïaïeng hangta lem bad me.

LOUKAS 10:1

Te hadien kine kiei kiei ruh, U Trai u la thung hynñiewphew ngut kiwei pat, bad u la phah noh ïa ki ar ar ha shuwa ka khmat jong u, sha ki shnong bad ki jaka baroh, sha kiba u hi un sa leit.

LOUKAS 10:17

Te kita ki hynñiewphew ngut ki la wan phai pat da ka jingkmen, ki da ong, “Ko Trai, wat ïa ki ksuid la pyndem hapoh jong ngi ha ka kyrteng jong me.”

DEUTERONOMI 1:15

Kumta, nga la shim ïa ki rangbah ki jaid jong phi, ki briew ki bastad, bad kiba donnam, bad nga la pynlong nongbishar ïa ki halor jong phi, ki rangbah halor ki hajar, bad ki rangbah halor ki spah, bad ki rangbah halor ki sanphew, bad ki rangbah halor ki shiphew, bad ki nongsynshar hapdeng ki jaid jong phi.