EKSODOS 20:14 - KA BAIBL

¹⁴ “Men ym klim.

Khasi CL Bible (BSI)

¹⁴ “Wat klim.

EKSODOS 20:14 Mawu Ofanana

JENESIS 39:9

uba kham halor ïa nga ha kane ka ïing ym don; bad um shym la khang ei ei ruh na nga, hynrei, tang ïa pha keiñ, naba pha long ka tnga jong u: kumno te nga lah ban leh ïa kane kaba bymman eh, bad ban leh pop pyrshah ïa U Blei?”

2 SAMUEL 11:27

Bad haba la kut kata ka jingïambriew, u Dabid u la phah shaw ïa ka sha ka ïing jong u, bad ka la long ka tnga jong u, bad ka la kha u khun ïa u. Hynrei, kata ka kam kaba u Dabid u la leh, ka la pynsngewsih ïa U Trai.

LEBITIKOS 18:20

Bad wat thiah ryngkat bad ka tnga u paramarjan jong me, ïa ka ban pyntngit sang ïa lade namar jong ka.

LEBITIKOS 20:10

“ ‘Bad u briew uba klim bad ka tnga jong uwei pat, uba klim bad ka tnga u paramarjan, yn pynïap noh shisha ïa uta uba klim bad ïa kata kaba klim bad u.

MALAKHI 2:15

Hato ruh u la pynlong ïa kawei ne em, la ka mynsiem ka dang tam ha u? Namar balei te ïa kawei? u la wad ïa u symbai bariewblei keiñ. Namar kata, to sumar ïa la ka mynsiem, bad wat ai ïano ïano ba un shetkylla ïa ka tnga samla jong u.

MALAKHI 3:5

“Bad ngan wan hajan jong phi ïa ka jingbishar; bad ngan long u sakhi uba stet pyrshah ïa kiba leh byrtong, bad pyrshah ïa kiba klim, bad pyrshah ïa kiba smai lamler; bad pyrshah ïa kita kiba banbeiñ ïa u nongbylla ha ka bainong jong u, ïa ka riewkynthei, bad ïa u khunswet, bad kita kiba pynkynriah noh ïa u nongwei na la ka hok, bad ki bymsheptieng ïa nga,” ong U Trai ki paid.

JINGKHEIÑ 5:12

“To kren ha ki khun Israel, to ong ruh ha ki, ‘Lada ka tnga jong uno uno u briew ka ïaid lyndet ïa u, bad ka leh palat pyrshah ïa u,

MATHAÏOS 19:18

U la ong ha U, “Ïa kino?” U Jisu te u la ong: “Men ym pynïap, Men ym klim, Men ym tuh, Men ym sakhi lamler,

Ka Shithi U Paul Sha Ki Nong Rom 13:9

Namar kane, “Men ym klim, Men ym pynïap, Men ym tuh, Men ym sakhi lamler, Men ym ikwah”; lada don ruh kano kano kawei pat ka hukum, la kup kyllum ïa ka ha kane ka jingong, ha kane keiñ, “Men ieit ïa la u paramarjan kumba ïa lade.”

DEUTERONOMI 5:18

“ ‘Lymne men ym klim.

HEBRU 13:4

To ka jingshongkurim kan long kaba donburom hapdeng baroh, bad ka jingthiah ka bym da bit-tngit: naba ïa kiba awria bad ïa kiba klim U Blei un bishar.

JAKOB 2:11

Namar uta uba la ong, “Wat klim”, u la ong ruh, “Wat pynïap”. Te lada men ym klim, pynban, men pynïap, me la jia long keiñ u nongpalat ïa ka hukum.

JAKOB 4:4

Phi kiba klim, hato phim tip ba kata ka jingïalok bad ka pyrthei ka long ka jingshun ïa U Blei? namar kata, uno uno ruh uba mon ban long u lok ka pyrthei, u pynlong ïa lade uba shun ïa U Blei keiñ.

JINGPYNPAW 21:8

Hynrei, ïa kita kiba sheptieng, bad ïa ki bymngeit, bad ïa kiba ijli, bad ïa kiba pynïap bad ïa kiba kyr-eit, bad ïa kiba ai ksuid, bad ïa kiba mane bleithaw, bad ïa kita baroh kiba lamler, ka bynta jong ki kan long ha kata ka pung ïa kaba thang da ka ding bad da u kyndok; kaba long kata ka jingïap ka ba-ar.”