EKSODOS 2:22 - KA BAIBL

²² Ka te ka la kha khun shynrang, bad u la khot ka kyrteng jong u, “u Gershom”: naba u la ong, “nga la long u nongwei ha ka ri nongwei.”

Khasi CL Bible (BSI)

²² U Moses u ong ha lade, “nga long u sohshnong ha kane ka ri, bad kumta nga kyrteng ïa u, u Gershom.”

EKSODOS 2:22 Mawu Ofanana

JENESIS 23:4

“Nga long u nongwei bad u nongwan hap hapdeng jong phi: to ai duh ha nga ïa ka jaka tep hapdeng jong phi, khnang ba ngan ïoh tep ïa la ka baïap na khmat jong nga.”

1 KHRONIKL 16:20

bad ba ki ïaleit kylleng na kawei ka jaid bynriew sha kawei ka jaid bynriew, bad na kawei ka hima sha kawei pat ka kynja bynriew.

1 KHRONIKL 29:15

Naba ngi long ki nongwei ha khmat jong me, bad ki sohshnong, kumba ki kpa jong ngi baroh ki la long: ki sngi jong ngi ha ka khyndew ki long kum ka syrngiew, bad ym don jingshong neh.

SALM 119:19

Nga long u sohshnong ha ka khyndew: wat buhrieh ïa la ki hukum na nga.

SALM 39:12

To sngew ïa ka jingduwai jong nga, A Trai, bad to shahshkor ïa ka jingkyang jong nga; wat sngap jar ha ki ummat jong nga: naba nga long u nongwei bad me, bad u sohshnong, kumba la long ki kpa jong nga baroh.

EKSODOS 2:10

Te mynba uta u khynnah u la san, ka la wallam ïa u ha ka khun u Pharaoh, bad u la long u khun jong ka. Bad ka la khot ka kyrteng jong u, “u Moses”: namar, ka la ong, “na ka um nga la sei ïa u.”

EKSODOS 22:21

“Men ym pynshitom lane banbor ïa u nongwei: naba phi hi phi la ju long nongwei ha ka ri Ijipt.

EKSODOS 4:20

Bad u Moses u la shim ïa la ka tnga bad ïa la ki khun shynrang, bad u la buh ïa ki halor ki kadda, bad u la leit phai pat sha ka ri Ijipt: bad u Moses u la shim ïa u diengduh jong U Blei ha la ka kti.

LEBITIKOS 25:23

Ïa ka khyndew yn ym lah die duh; naba ka khyndew ka long ka jong nga: naba phi long tang ki nongwei bad ki nongwan hap ha nga.

KI KAM 7:29

Te namar kane ka jingong, u Moses u la phet noh; bad u la long u nongwanwir wanhap ha ka ri Midian, ha kaba u la pynkha ar ngut ki khun shynrang.

NONGBISHAR 18:30

Te ki khun u Dan ki la pynïeng na ka bynta ïa lade ïa kata ka dur bleithaw: bad u Jonathan, u khun u Gershom, u khun u Moses, ma u bad ki khun shynrang jong u ki la long ki lyngdoh ïa ka jaid Dan haduh ka sngi ka jingring mraw ïa kata ka ri.

1 SAMUEL 1:20

Te ynda ka Hannah ka la punkhun, haba ka la dap bnai, ka la kha khun shynrang; bad ka la kyrteng ïa u, “u Samuel”, ka da ong, “Naba na U Trai nga la pan ïa u.”