EKSODOS 19:10 - KA BAIBL

¹⁰ Te U Trai u la ong ha u Moses, “To leit sha u paidbah, to pynkhuid ruh ïa ki mynta bad lashai, bad kin sait de ïa la ki jaiñkup,

Khasi CL Bible (BSI)

¹⁰ bad U Trai u ong ha u Moses, “Khie leit sha ki paidbah bad ong ïa ki ba kin pynkhuid ïa lade mynta ka sngi bad la shai ruh khnang ba ki lah ban mane.

EKSODOS 19:10 Mawu Ofanana

JENESIS 35:2

Ynda kumta, u Jakob u la ong ha la ka ïing, bad ha kita baroh kat kiba don bad u, “To buh noh ïa kita ki blei bakhyllah kiba don hapdeng jong phi bad to pynkhuid ïa lade, bad to pli ïa la ki jaiñ;

2 SAMUEL 19:24

Bad u Mephibosheth u khun u Saul ruh u la wan hiar ban tan ïa u syiem; te um shym la sum ïa la ki kjat, lymne shna ïa la ki tmain, lymne sait ïa la ki jaiñ, naduh kata ka sngi ba u la leit noh u syiem haduh ka sngi ba u la wan sha la ïing ha kaba suk.

2 KHRONIKL 29:34

Hynrei, ki lyngdoh ki la long khyndiat eh, kumta kim lah puid snieh shuh ïa ki jingainguh thang baroh, namar kata, ki para jong ki, ki Lebi ki la ïarap ïa ki, haduh ban da la pyndep ïa ka kam, bad haduh ban da ki lyngdoh ki la lah pynkhuid ïa lade; naba ki Lebi ki la long kham beit ka dohnud ban pynkhuid ïa lade ban ïa ki lyngdoh.

2 KHRONIKL 29:5

“To sngew ïa nga, phi ki Lebi, mynta to phin pynkyntang ïa lade, bad to pynkyntang ïa ka ïing U Trai, U Blei ki kpa jong phi, bad to kit noh ïa ka jingjakhlia na ka jaka bakhuid.

Ka Kitab U Job 1:5

Te haba la dep kita ki sngi ka jingkhawai jong ki, ynda kumta u Job u la ju phah bad u la pynkhuid ïa ki, bad u la khie dang step, bad u la ainguh da ki jingainguh thang katba kum ka jingkheiñ jong ki baroh: naba u Job u la ong, “Ki khun shynrang jong nga lehse ki la leh pop, bad ki la kyntait ïa U Blei ha la ka dohnud.” Kumta u Job u la ju leh ha la ka sngi.

LEBITIKOS 11:25

bad jar uba rah ei ei na ka metïap jong ki, ka dei ba un sait ïa la ki jaiñ, bad un sah bymkhuid haduh la janmiet.

LEBITIKOS 15:5

Bad jar uba ktah ïa ka jingthiah jong u, un sait ïa la ki jaiñ, bad un sum ha um, un long bymkhuid haduh la janmiet.

JINGKHEIÑ 11:18

Namar kata, men ong ha u paidbah, ‘To phin pynkhuid ïa lade hamar lashai, te phin ïoh bam doh: namar phi la ïam lynñiar ha ki shkor U Trai, phi da ong, “Uei u ban ai doh ïa ngi ban bam? naba ngi la long suk ha ka ri Ijipt”: namar kata, U Trai un ai doh ïa phi, bad phin ïoh bam ruh.

JINGKHEIÑ 19:19

te uta u bakhuid un synreit halor uta u bymkhuid ha ka sngi ka balai, bad ha ka sngi ka bahynñiew de: te ha ka sngi ka bahynñiew, un pynkhuid ïa lade; bad un sait ruh ïa la ki jaiñ, bad un sum ïa lade ha ka um, te ha kaba la janmiet, un long bakhuid.

JINGKHEIÑ 31:23

ïa kaei kaei baroh keiñ kaba lah ban shah ding, phin syaw ha ka ding, te kan long bakhuid; pynban, yn pynkhuid ïa ka da ka um ka jingpynkyntang: te ïa kiei kiei baroh ki bym shah ding, phin pynïaid lyngba ïa ka um.

JINGKHEIÑ 31:24

Bad phin sait ïa la ki jaiñ ha ka sngi ka bahynñiew, te phin long ba khuid, hadien kata ruh phin ïoh rung hapoh ka jaka shong dara.”

JINGKHEIÑ 8:21

Bad ïa ki Lebi la pynkhuid, bad ki la sait ïa la ki jaiñ; bad u Aaron u la ainguh ïa ki, ban long ka jingainguh pynkaweh ha khmat U Trai: u Aaron ruh u la pynlong ka kuna na ka bynta jong ki, ïa ka ban pynkhuid ïa ki.

JINGKHEIÑ 8:7

Te kumne keiñ men leh ha ki ïa ka ban pynkhuid ïa ki: To synreit ïa ka um ka jingpynkhuid halor jong ki, kin khi ruh ïa ka met jong ki baroh, kin sait ïa la ki jaiñ ruh, kumta te, kin ïapynkhuid kyntang ïa lade.

1 KORINTH 6:11

Bad don na phi kiba la ju long kum kita: hynrei, la sait ïa phi, hynrei, la pynkhuid ïa phi, hynrei, la pynksan ïa phi ha ka kyrteng U Jisu Khrist uba U Trai bad da U Mynsiem U Blei jong ngi.

HEBRU 10:22

to ngin ïawan hajan da ka dohnud bashisha ha ka jingsngewskhem bha ka jingngeit, ba la synreit ïa ki dohnud jong ngi na ka jingïatiplem basniew, bad ba la sait ïa ki met jong ngi da ka um bakhuid:

JOSHUA 3:5

Te u Joshua u la ong ha u paidbah, “To pynkyntang ïa lade; namar lashai U Trai un leh ïa ki jingphylla hapdeng jong phi.”

JOSHUA 7:13

To ïeng noh, pynkhuid ïa u paidbah, to ong ruh, ‘To pynkhuid ïa lade hamar kaba lashai: naba kumne ong U Trai, U Blei ki Israel, “Don kata ka basang hapdeng jong me, ko Israel: mem lah ban ïeng ha khmat ki nongshun jong me, ha ban da phin pynmih noh ïa kata ka basang napdeng jong phi.”

JINGPYNPAW 22:14

Suk kita kiba la sait ïa la ki jaiñkup, ba kin ïoh ka hok ban wan sha uta u dieng ka jingim, bad kin ïoh leit bsut da kita ki khyrdop sha kata ka nongbah.

JINGPYNPAW 7:14

Te nga la ïathuh ha u, “Ko Kynrad, me tip ma me.” Te u la ong ha nga, “Kine ki long kita keiñ kiba wan na kata ka jingjynjar bakhraw, bad ki la sait ïa kita ki jaiñkup jong ki, bad ki la pynkhuid lieh ïa ki ha ka snam jong uta U Khun langbrot.

1 SAMUEL 16:5

U te u la ïathuh, “Ïa kaba suk keiñ: nga la wan ïa ka ban kñia ha U Trai: to pynkyntang ïa lade, bad wan bad nga sha kata ka jingkñia.” Bad u la pynkyntang ïa u Jesse bad ïa ki khun shynrang jong u, bad u la khot ïa ki sha kata ka jingkñia.