EKSODOS 15:17 - KA BAIBL

¹⁷ Men wallam ïa ki shapoh, bad men thung ruh ïa ki ha u lum ka bynta skhem jong me, kata ka jaka, A Trai, ïa kaba me la khreh ïa lade ban shong duh ha ka, kata ka jaka kyntang keiñ, A Trai, ïa kaba ki kti jong me keiñ ki la pynskhem.

Khasi CL Bible (BSI)

¹⁷ Me wan ïalam ïa ki shapoh bad me buh ïa ki ha u lumbah jong me, ha ka jaka kaba me, ko Trai, me la jied na ka bynta ka ïing jong me, ka Templ kaba me hi me la tei.

EKSODOS 15:17 Mawu Ofanana

2 SAMUEL 7:10

Ngan buh jaka ruh ïa ki briew jong nga ki Israel, bad ngan thung ïa ki, ba kin ïoh shong ha la ka jong ka jaka, bad ba kin ym kynriah noh shuh; te ki khun ka pop kin ym ïoh pynjynjar shuh ïa ki, kumba mynshuwa,

1 SYIEM 8:13

Nga shisha nga la tei ka ïing ïa me ban shong, ka jaka ïa me ban shongneh junom.”

SALM 114:2

u Judah u la long ka ïing kyntang jong u, bad u Israel ka jingsynshar jong u.

SALM 2:6

“Pynban, nga la thung ïa la u syiem halor ka Seïon, u lum bakyntang jong nga.”

SALM 44:2

Me la beh noh ïa ki jaid bynriew da la ka kti, bad me la thung ïa ki; me la pynshitom ïa ki kynja bynriew, bad me la pynphriang ïa ki, kylleng.

SALM 68:16

Balei phi ïakhmih 'matdong, phi ki lum bajrong, ïa u lum ba u la imon U Blei ban long ka jaka shong jong u? U Trai un shong ruh ha u junom.

SALM 76:2

Ha Salem ruh ka don Ka Tabernakl jong u, bad ka jaka shong jong u ha Seïon.

SALM 80:15

bad ïa kata ka metbah kaba ka kti kamon jong me ka la thung, bad ïa ka tnat kaba me la pynkhlaiñ na ka bynta ïa lade.

SALM 80:8

Me la wallam ïa u dieng Waiñ na Ijipt: me la beh noh ïa ki jaid bynriew, bad me la thung ïa u.

EKSODOS 15:13

“Da la ka jingisynei me la ïalam noh ïa uta u paidbah ïa uba me la siewspah: me la btin ïa ki ha ka bor jong me sha ka jaka shongneh ka jingkhuid jong me.

EKSODOS 23:20

“Ha khmih, nga phah ïa u angel ha shuwa jong me, ban sumar ïa me ha lynti, bad ban wallam ïa me sha kata ka jaka ïa kaba nga la khreh.

EKSODOS 25:8

Bad to kin thaw ïa ka jaka kyntang ïa nga; khnang ba ngan ïoh shongneh hapdeng jong phi.

EKSODOS 32:34

Namar kata, to khie leit mynta, to ïalam ma me ïa uta u paidbah sha kata ka jaka ïa kaba nga la ong ha me; ha khmih, u angel jong nga un ïaid ha shuwa jong me: hynrei, ha kata ka sngi ba ngan da wan khmih, ngan pynwan keiñ ïa ka pop jong ki halor jong ki hi.”

JEREMAÏAH 2:21

Hynrei, nga la lah thung ïa me u dieng Waiñ u babha, u symbai u bahok suda: hato kumno me la kylla long ha nga u jingthung u basniew jong u dieng Waiñ u bapher?

JEREMAÏAH 31:23

Kumne u ong U Trai ki paid, U Blei ki Israel: “Te kin dang kren pat ïa kane ka ktien ha ka ri Judah, bad ha ki shnong jong ka, haba ngan pynphai pat ïa ka jinglongmraw jong ki: “ ‘U Trai un kyrkhu ïa me, A ka jaka shong jong ka hok, A u lum bah ka jingkhuid.’

JEREMAÏAH 32:41

Shisha, ngan kmen halor jong ki ïa ka ban leh bha ïa ki, bad da shisha ngan thung ïa ki ha kane ka ri da ka dohnud jong nga baroh bad da ka mynsiem jong nga baroh.”

ESEKIEL 37:26

Ngan ïathaw ruh ka jutang ka jingsuk bad ki: kan long ka jutang bymjukut bad ki: bad ngan buh ïa ki, bad ngan pynroi ïa ki, bad ngan pynïeng ïa ka jaka kyntang jong nga hapdeng jong ki junom junom.

ESEKIEL 37:28

Bad ki jaid bynriew kin ïoh tip ba nga long U Trai uba pynkyntang ïa ki Israel, haba ka jaka kyntang jong nga kan long hapdeng jong ki junom junom.”

DEUTERONOMI 33:19

Kin ïakhot ïa u paidlang sha uta u lum; hangta kin ainguh da ka jingkñia ka hok: naba kin ïakjit ïa ka jingdap jong ki duriaw, bad ïa ki jingkynshew ba la buhrieh ha u shyiap.”

JOSHUA 22:19

Hynrei, lada ka ri ka bynta jong phi ka tngit, kumta wan sha shiliang sha ka ri ka bynta U Trai, ha kaba Ka Tabernakl U Trai ka shong, bad shim bynta hapdeng jong ngi: hynrei, wat ïaleh pyrshah ïa U Trai, lymne ïaleh pyrshah ïa ngi, da kaba tei ha phi kawei pat ka duwan nalor ka duwan U Trai U Blei jong ngi.