EKSODOS 12:36 - KA BAIBL

³⁶ te U Trai u la ai ha uta u paidbah ka jingsngewbha ha khmat ki Ijipt, ba kumta ki la ai ha ki katba ki la pan. Kumne ki la ïoh buria pat na ki Ijipt.

Khasi CL Bible (BSI)

³⁶ U Trai u pynlong ïa ki nong Ijipt ba kin ñiewburom ïa ki Israel bad ba kin ai kat ïa kaba ki pan. Dei da kumne ba ki Israel ki rah noh ïa ka spah ki nong Ijipt.

EKSODOS 12:36 Mawu Ofanana

KI KAM 7:10

bad U la pyllait ïa u na ki jingjynjar jong u baroh, bad U la ai ha u, ka jingpynieit bad ka jingstad ha khmat u Pharaoh u syiem ka Ijipt, bad u la thung nongsynshar ïa u halor ka Ijipt, bad halor ka ïing jong u baroh.

JENESIS 15:14

bad ïa kata ka jaid bynriew ruh, ïa kaba ki kin ïashakri, ngan da bishar: bad hadien kata, kin ïamih noh bad ka spah shibun.

DANIEL 1:9

Te U Blei u la pynshem ïa u Daniel ka jingsngewbha bad ka jingieit ha khmat uta u rangbah ki ïunukh.

SALM 105:37

Bad u la pynmih noh ïa ki bad ka rupa bad ka ksiar: te ym shym la don uwei uba tlot hapdeng ki jaid jong ki.

EKSODOS 11:3

U Trai ruh u la ai ha uta u paidbah ka jingsngewbha ha khmat ki Ijipt. U Moses ruh u la long u briew bakhraw eh ha ka ri Ijipt, ha khmat ki shakri u Pharaoh, bad ha khmat ki briew baroh.

JENESIS 39:21

Hynrei, U Trai u la don ryngkat bad u Joseph, bad u la pyni ïa ka jingisynei ïa u, bad u la ai ha u ka jingmonbha ha khmat u nongap ïing byndi.

KI KAM 2:47

ki da ïaroh ïa U Blei, bad ki da shem ka jingsngewbha na ki briew baroh. Bad U Trai ruh u la nang pynïasoh ha ki ha la ka sngi ïa kita kiba la lait im.

PROBERB 16:7

Haba ki lynti u briew ki pynsngewbha ïa U Trai, u pynlong wat ïa ki nongshun jong u ba kin ïasuk bad u.

EKSODOS 11:2

To kren mynta ha kaba ïohsngew u paidbah, bad to ai ba u briew baroh un pan na la u paramarjan, bad ka kynthei baroh na la ka paramarjan ïa ki jingdeng rupa bad ïa ki jingdeng ksiar.”

ESRA 1:6

Bad kita baroh kiba la don sawdong ïa ki, ki la kyrshan ïa ki kti jong ki da ki khiew ki pliang rupa, da ka ksiar, da ki mar, bad da ki jingri, bad da kiei kiei kiba kordor, nalor kata baroh ba la ai sngewbha.