EKSODOS 12:32 - KA BAIBL

³² To shim ruh ïa la ki langbrot bad ïa la ki masi, kumba phi la ong, bad to khie noh; to kyrkhu ïa nga ruh.”

Khasi CL Bible (BSI)

³² Ïalam ïa la ki langbrot, ki blang, bad ki masi, bad khie mihnoh. Duwai ruh na ka bynta ka jingkyrkhu halor jong nga.”

EKSODOS 12:32 Mawu Ofanana

JENESIS 15:14

bad ïa kata ka jaid bynriew ruh, ïa kaba ki kin ïashakri, ngan da bishar: bad hadien kata, kin ïamih noh bad ka spah shibun.

JENESIS 27:34

Bad u Iso ynda u la ïohsngew ïa ki ktien jong u kpa, u la kyang da ka jingkyang kaba khraw bad ka bakthang eh, bad u la ong ha la u kpa, “To kyrkhu ïa nga, ho-oid keiñ ïa nga ruh, ko kpa.”

JENESIS 27:38

Bad u Iso u la kylli ha la u kpa, “Me don tang kawei ka jingkyrkhu, ko kpa? To kyrkhu ïa nga, ho-oid keiñ ïa nga ruh de, ko kpa.” Bad u Iso u la kyang eh, bad u la ïam ruh.

ESRA 6:10

ba kin ainguh ïa ki jingainguh baiwbih ha U Blei ka bneng, bad ban duwai na ka bynta ka jingim u syiem, bad ki khun jong u.

EKSODOS 10:26

Ki jingri jong ngi ruh kin ïaleit lem bad ngi; yn ym iehnoh ïa kawei ka khnap hadien; naba na kita keiñ ngin ïashim ban ïamane ïa U Trai U Blei jong ngi; te ngim tip da ei ngi dei ban mane ïa U Trai, katba ngim pat poi hangta.”

EKSODOS 10:9

Te u Moses u la ïathuh, “Ngin ïaleit bad ki samla bad ki tymmen jong ngi, lem bad ki khun jong ngi ruh shynrang bad kynthei, lem bad ki langbrot bad ki masi jong ngi ruh de ngin leit; naba ngi donkam ban rakhe Ka Jingkhawai Niam ïa U Trai.”

EKSODOS 8:28

Bad u Pharaoh u la ong, “Ngan shah ba phin ïaleit, ba phin kñia ha U Trai U Blei jong phi ha kata ka ri khlaw; hynrei, tang ba phin ym leit jngai eh: to duwai na ka bynta jong nga.”

EKSODOS 9:28

To kyrpad ïa U Trai; naba katne ki la biang ki pyrthat U Blei bad u phria; te ngan pyllait noh ïa phi, bad phin ym shong shuh.”