EKSODOS 12:26 - KA BAIBL

²⁶ Te kan jia, haba ki khun jong phi kin ong ha phi, ‘Phi mut aïu da kane ka kam?’

Khasi CL Bible (BSI)

²⁶ Haba ki khun jong phi ki kylli ïa phi, ‘Ka mut aïu kane ka jinglehniam?’

EKSODOS 12:26 Mawu Ofanana

SALM 145:4

Kawei ka pateng bynriew kan ïaroh ïa ki kam jong me ha kawei pat, bad kan pynbna ïa ki jingleh badonbor jong me.

SALM 44:1

Ngi la ïohsngew da la ki shkor, A U Blei, ki kpa jong ngi ki la ïathuh ha ngi, ïa ka kam kaba me la leh ha ki sngi jong ki, ha ki sngi mynbarim.

EKSODOS 10:2

bad ba me ruh men pynsngew ha la ki khun, bad ha u khun jong u khun jong me, ïa kiei kiei kat kiba nga la leh ha ka ri Ijipt, bad ïa ki dak phylla jong nga ïa kiba nga la trei hapdeng jong ki; khnang ba phin ïoh tip ba ma nga, nga long U Trai.”

EKSODOS 12:25

Te ynda phi la poi sha kata ka ri ïa kaba U Trai un sa ai ha phi, kumba u la kular, phin leh ïa kane ka kam.

EKSODOS 13:22

um shym la shim noh ïa uta u rishot lyoh mynsngi, lymne ïa uta u rishot ding mynmiet, na khmat uta u paidbah.

ISAÏAH 38:19

U ba-im, u ba-im keiñ, un ïaroh ïa me, kumba nga leh ha kane ka sngi: u kpa un pyntip ïa ka jingshisha jong me ha ki khun.

EPHESOS 6:4

Phi ruh ki kpa, to wat pynbitar ïa la ki khun; hynrei, to bsa pjiah ïa ki ha ka jinghikai bad ka jingsneng U Trai.

DEUTERONOMI 11:19

To phin ïaihikai ruh de ïa ki ha ki khun jong phi, da kaba kren shaphang jong ki, haba me shong ha la ïing, bad haba me ïaid ha lynti, bad haba me thiah, bad haba me khie ruh.

DEUTERONOMI 32:7

To kynmaw ïa kita ki sngi kiba mynbarim, to pyrkhat ïa ki snem la bun ki pateng bynriew: to kylli ïa la u kpa, te un pyntip ïa me; ïa la ki tymmen basan, te kin ïathuh ha me.

DEUTERONOMI 6:20

“Haba u khun jong me u kylli ïa me lashai lashisngi, u da ong, ‘Ki mut aïu kita ki jingphla, bad kita ki aiñ, bad kita ki jingbishar, ïa kiba U Trai uba, U Blei jong ngi u la hukum ïa phi?’

DEUTERONOMI 6:7

bad men ïaihikai ïa ki ha la ki khun, te men kren shaphang jong ki haba me shong ha la ïing, bad haba me ïaid ha ka lynti, bad haba me thiah ruh, bad haba me khie ruh.