EKSODOS 11:6 - KA BAIBL

⁶ Kan sa long te ka jinglynñiar bakhraw ha ka ri Ijipt baroh kawei, kat kata ym pat ju don, lymne kat kata ruh yn ym long shuh.

Khasi CL Bible (BSI)

⁶ Kan don ka jinglynñiar kaba jam ha kylleng ka ri Ijipt, ka bym pat ju don mynno mynno kaba kum kata lane ka ban ym don shuh lano lano.

EKSODOS 11:6 Mawu Ofanana

EKSODOS 11:7

Hynrei, ïa uwei ruh na ki khun Israel, u ksew un ym pynkhih ïa la u thylliej, ïa u briew lane ïa u mrad: khnang ba phin ïoh tip ba U Trai u buh ka jingïapher hapdeng ki Ijipt bad ki Israel.’

EKSODOS 12:30

Bad u Pharaoh u la khie mynmiet, ma u, bad ki shakri jong u baroh, bad ki Ijipt baroh; te la don ka jinglynñiar bakhraw ha ka ri Ijipt; naba ym shym la don ïing khlem da don u baïap.

EKSODOS 3:7

U Trai u la ong ruh, “Nga la ïohi shisha ïa ka jingshitom ki briew jong nga kiba ha ka ri Ijipt, bad nga la ïohsngew ïa ka jinglynñiar jong ki namar ki sordar jong ki; naba nga la tip ïa ka jingsngewsih sat jong ki;

EKSODOS 9:18

Ha khmih, lashai hamar kane ka por ngan pynhap da u phria uba jur eh, kat uta ym ju don ha ka ri Ijipt naduh ba ka dang long haduh mynta.

PROBERB 21:13

Jar uba set ïa la ki shkor na ka jinglynñiar jong u baduk, u ruh un lynñiar, hynrei, yn ym sngap ïa u.

ISAÏAH 15:8

Namar ka jingkyang ka la leit sawdong ki rud ka Moab; ka jinglynñiar jong ka shaduh ka Eglaim, ka jinglynñiar jong ka ruh shaduh Bir-elim.

ISAÏAH 19:16

Ha kata ka sngi, ka Ijipt kan long kum ki kynthei: te kan sngewkyiuh bad sheptieng namar ka jingpynkhih ka kti U Trai ki paid, kaba u pynkhih halor jong ka.

JEREMAÏAH 31:15

Kumne u ong U Trai: “Ha Ramah la ïohsngew ïa ka jingsawa ka jinglynñiar, bad kaba ïam kthang eh, ka Rakhel ka da ïam na ka bynta la ki khun; kam treh ban pyntngen ïa ka na ka bynta ki khun jong ka, namar ba kim don shuh.”

SNGEWSYNEI 3:8

Shisha, haba nga lynñiar bad nga pyrta ban ïoh jingïarap, u khang noh ïa ka jingduwai jong nga.

AMOS 5:17

Bad ha ki brisoh Waiñ baroh kan long ka jingïam: naba ngan ïaid lyngba napdeng jong me,” ong U Trai.

SEPHANAÏAH 1:10

“Bad ha kata ka sngi,” ong U Trai, “kan long ka jingsawa jingïam na Ka Khyrdop Dohkha, bad ka jinglynñiar kaw na kata kawei, bad ka jingsawa kdum kaba khraw na ki lum.

LOUKAS 13:28

Hangta kan long kaba lynñiar bad kaba kum dait bniat, ynda phin ïohi ïa u Abraham, bad ïa u Isaak, bad ïa u Jakob, bad ïa ki nongïathuhlypa baroh, ha ka hima U Blei, te ïa phi hi ba la shop noh shabar.