DANIEL 7:9 - KA BAIBL

⁹ “Nga la khmih haduh, “ba la buh ïa ki khet, bad ba uwei uba na mynhyndai kulong u la shong: ka jaiñkup jong u ka la long kaba lieh kum ka ïor, bad u 'ñiuh khlieh jong u kum u 'saiwul uba lieh; ka khet jong u ka la long da ki thylliej ding, bad ki shalyntem jong ka, ka ding kaba meh.

Khasi CL Bible (BSI)

⁹ Mynba nga dang khmih, la buh ïa ki khet ha la ki jaka. Uta uba la im junom u la shong halor kawei na ki khet. Ki jaiñ jong u ki la long kiba lieh kum ka ïor, bad u shñiuh jong u, u long kum u 'saiwul nylla. Ïa ka khet jong u, la buh halor ki shalyntem ding, kaba la klang da ka ding,

DANIEL 7:9 Mawu Ofanana

1 SYIEM 22:19

U te u la ong, “Namar kata, to sngew ïa ka ktien U Trai: nga la ïohi ïa U Trai ba u shong halor ka khet jong u, bad u paidbah bneng baroh u ïeng hajan jong u sha ka kti kamon jong u bad sha kadiang.

2 KHRONIKL 18:18

U te u la ong, “Haba kumta, to sngew ïa ka ktien U Trai: Nga la ïohi ïa U Trai ba u shong halor ka khet jong u, bad u paidbah bneng baroh u ïeng sha ka kti kamon bad sha ka kti kadiang jong u.

SALM 45:8

Ki jaiñ jong me baroh ki iw mirr, bad aloes, bad kassia; na ki ïingsyiem kiba da ki bniat hati ki jingtem ksai ki la pynkmen ïa me.

SALM 90:2

Mynba mem pat pynmih noh ïa ki lum, lymne ba mem pat thaw dur ïa ka khyndew bad ïa ka pyrthei, wat naduh bymjukut haduh bymjukut, me, me long U Blei.

SALM 93:2

Ïa ka khet jong me la pynskhem na mynbarim: me long naduh bymjukut.

ISAÏAH 6:1

Ha ka snem ba u syiem Ussiah u la ïap, nga la ïohi ïa U Trai ba u da shong halor ka khet bajrong, bad ba la pynkyntiew, bad ka jaiñ shympyiar jong u ka la pyndap ïa ka templ.

ISAÏAH 9:6

Namar ha ngi la kha ïa u khun, la ai ïa u khun ha ngi; te ka jingsynshar kan long halor ka tyrpeng jong u: bad yn khot ïa ka kyrteng jong u, “U Baphylla, U Nongsylla,” “U Blei Bakhrawbor,” “U Kpa Bymjukut,” “U Syiem ka Jingsuk.”

JEREMAÏAH 49:38

bad ngan buh ïa la ka khet ha Elam, bad ngan pynduh nangta ïa u syiem bad ïa ki rangbah,” ong U Trai.

ESEKIEL 1:26

Bad la don ka dur ka khet halor ka sahit bneng kaba haneng ka khlieh jong ki, kum ka jing-i ïa u maw Sapphir; halor ka dur kata ka khet ruh la don ka dur kaba i kum u briew halor jong ka, hangtei.

DANIEL 7:13

“Nga la ïohi ha ki jingithuhpaw mynmiet, “bad ha khmih, u la wan uwei da ki lyoh bneng kum u khun u briew, bad u la wan sha uta uba na mynhyndai kulong, bad ki la wallam ïa u hajan jong u.

DANIEL 7:22

tad ynda uta uba na mynhyndai kulong u la wan, bad u la ai ka jingbishar ha kita ki riewkhuid jong U Bahakhlieh Tam Eh; bad ka por ka la poi ba ki riewkhuid ki la shim ïa kata ka hima.

MIKAH 5:2

Hynrei, ma pha, ka Bethlehem Ephrathah, la pha long kaba rit hapdeng ki hajar Judah, na pha keiñ un mih ha nga uwei u ban sa long u nongsynshar ha Israel; uba ka jingmih jong u ka long na mynhyndai, naduh bymjukut.

HABAKKUK 1:12

Me mem long na bymjukut, A Trai U Blei jong nga, U Bakhuid jong nga? ngin ym ïap. A Trai, me la thung ïa u khnang ïa ka jingbishar; bad ma me, ko Mawsiang, me la pynskhem ïa u ïa ka jingpynshitom.

MATHAÏOS 17:2

bad la pynkylla dur ïa u ha khmat jong ki; ka khmat jong u te ka la tyngshaiñ kum ka sngi, bad ki jaiñ jong u ki la long lieh kum ka jingshai.

MATHAÏOS 28:3

Ka khmat jong u te ka la long kum ka leilieh, bad ka jaiñ jong u ka la lieh kat ka ïor.

MARKOS 9:3

ki jaiñ jong u te ki la long kiba tyngshaiñ, kiba lieh eh, kat kata ruh ym don u nongpynkhuid jaiñ ha ka pyrthei uba lah ban pynlieh.

KI KAM 2:30

Namar kata, ba u long u nongïathuhlypa, bad ba u tip ba U Blei u la lah kular da ka jingsmai ha u, ba na u soh ka syngkai jong u, un pynmih ïa uwei u ban shong ha ka khet jong u;

KI KAM 2:33

Namar kata, haba la kyntiew ïa u da ka kti kamon U Blei, bad haba u la ïoh diang na U Kpa ïa ka jingkular ïa U Mynsiem Bakhuid, u la theh noh ïa kane, ïa kaba phi mynta phi ïohi bad phi ïohsngew.

PHILIPPI 3:9

bad ba yn shem ïa nga ha u, u bymdon ka hok ka jong nga hi, kata keiñ kaba na ka hukum, hynrei, kata kaba da ka jingngeit ha U Khrist, ka hok kaba na U Blei da ka jingngeit:

1 TIMOTHI 6:16

uba tang ma u hi uba don ka jingbymïap, uba shong ha ka jingshai bym lah kot; ïa uba ym don briew uba la ïohi, lane ba lah ban ïohi; ha uba to long ka burom bad ka borbah bymjukut: Amen.

1 ÏOANNIS 1:5

Te kane ka long kata ka khubor ïa kaba ngi la ïohsngew na u, bad ngi ïa-pynbna ha phi: U Blei u long ka jingshai, bad ha u, ka jingdum kam don satia.

JINGPYNPAW 1:14

Bad ka khlieh jong u bad u shñiuh jong u kiba lieh kum u 'ñiuh langbrot balieh kat ka ïor keiñ; bad ki khmat jong u kum ka thylliej ding;

JINGPYNPAW 19:18

khnang ba phin ïoh bam ïa ka doh ki syiem, bad ïa ka doh ki rangbah shihajar, bad ïa ka doh ki bakhlaiñ, bad ïa ka doh ki kulai bad ïa ka jong kita kiba shong halor jong ki, bad ïa ka doh ki bynriew baroh, kiba laitluid ruh bad ki mraw, ki barit ruh bad ki bakhraw.”

JINGPYNPAW 20:4

Bad nga la ïohi ïa ki khet, bad don kiba la shong halor jong ki, bad la ai ka jingbishar ha ki; bad nga la ïohi ïa ki mynsiem jong kita ïa kiba la khrai khlieh na ka bynta kata ka jingphla ïa U Jisu, bad na ka bynta ka ktien U Blei, bad jar ki bym shym la ïamane dem ïa uta u mrad khlaw, lymne ïa ka dur jong u, bad kim shym la pdiang ïa kata ka dak halor ka shyllangmat jong ki bad halor ka kti jong ki; te ki la im, bad ki la synshar lem bad U Khrist, shi hajar snem.

JINGPYNPAW 4:2

Te kumne kumne ruh, nga la long ha U Mynsiem; bad ha khmih, ka khet ba la buh ha bneng, bad halor kata ka khet don uwei uba shong.