DANIEL 7:11 - KA BAIBL

¹¹ “Nga la khmih ha kata ka por namar ka jingsawa jong kita ki ktien kiba khraw ïa kiba kata ka reng ka la kren; nga la khmih, jin haduh ba la pynïap ïa uta u mrad, bad ba la pynjot noh ïa ka met jong u, bad la aiti noh ïa u ban thang da ka ding.

Khasi CL Bible (BSI)

¹¹ Mynba nga dang khmih, nga dang lah ban ïohsngew ïa ka reng barit ba ka kren sarong eh bad kob. Katba nga dang ap khmih, la pynïap ïa u mradkhlaw uba saw, bad ïa ka met jong u la bret sha ki thylliej ding bad ka pynjot.

DANIEL 7:11 Mawu Ofanana

DANIEL 11:45

Bad un sher ïa ki dara ka ïing jong u hapdeng ka duriaw bad uta u lum bakyntang ba-donburom; pynban, un poi sha ka bakut jong u, bad yn ym don ban ïarap ïa u.

DANIEL 7:12

Bad shaphang kita kiwei pat ki mrad, ïa ka jingsynshar jong ki la shim noh: hynrei, la pynslem ïa ka jingim jong ki kat shi aïom bad shi por.

DANIEL 7:8

Nga la dang pyrkhat shaphang kita ki reng, bad ha khmih, la mih hapdeng jong ki sa kawei pat ka reng kaba rit, ha khmat jong ka, lai tylli na kita ki reng ki banyngkong la phut noh na ki thied: bad ha khmih, ha kane ka reng, la don ki khmat kum ki khmat briew, bad ka shyntur kaba kren ïa kiei kiei kiba khraw.

DANIEL 8:25

Bad da ka buit jong u, un pynroi ïa ka jingshukor ha ka kti jong u; bad un pynkhraw ïa lade ha la ka dohnud, bad ha ka jingsngewshngain jong ki, shibun un pynjot; un ïeng ïaleh ruh ïa uta U Syiem ki syiem; hynrei, yn pynlwet ïa u ym da ka kti.

2 THESSALONI 2:8

Ynda kumta, yn pynpaw noh ïa uta u bymñiew hukum, ïa uba U Trai Jisu un pynïap da ka jingpyrsad ka shyntur jong u, bad un pyndam noh thiaw da ka jingpynpaw kata ka jingwan jong u;

2 PETROS 2:18

Namar da kaba kren ïa ki ktien ba at sarong ka jingbieit thala, ki ïariam pah ha ki jingkwah brai ka doh, da ki jingleh nuti, ïa kita kiba dang ïaphet ïap noh na kita kiba im ha ka jingïaid sakma;

JUDAH 1:16

Kine ki long kiba ïakren khñium, kiba ud wad daw, kiba ïaid katba kum ki jingkwah brai jong ki hi; bad ka shyntur jong ki ka kren ïa kiei kiei ba at sarong, ki da ñiew shiliang khmat ïa ki briew na ka bynta ka jingmyntoi.

JINGPYNPAW 18:8

Namar kane, kita ki jingïapthem jong ka kin ïawan ha kawei ka sngi, ka jingïap, bad ka jingsngewsih, bad ka 'nemsniew: bad yn thang duh ïa ka da ka ding; naba u bakhrawbor long U Trai uba U Blei uba bishar ïa ka.”

JINGPYNPAW 19:20

Te la kem ïa uta u mrad khlaw, bad lem bad u ruh ïa uta u nongïathuhlypa balamler uba la leh ïa kita ki dak khyllah ha khmat jong u, da kiba u la shukor ïa kita kiba la pdiang ïa kata ka dak uta u mrad khlaw, bad ïa kita kiba la ïamane dem ïa kata ka dur jong u. Ïa kine baroh ar, la bred im keiñ sha kata ka pung ka ding ïa kaba la thang da u kyndok.

JINGPYNPAW 20:10

Te ïa uta u Soitan uba shukor ïa ki la bred keiñ sha kata ka pung ka ding bad u kyndok, ha kaba ki don ruh uta u mrad khlaw bad uta u nongïathuhlypa balamler; bad yn pynkordit ïa ki, mynsngi bad mynmiet, sha ki bymjukut ki bymjukut.

JINGPYNPAW 20:12

Bad nga la ïohi ïa ki baïap, ki barit bad ki bakhraw, ba ki da ïeng ha khmat kata ka khet; bad la plied ïa ki kitab: bad la plied ïa kawei pat ka kitab, kaba long ka kitab ka jingim: te la bishar ïa kita ki baïap na kita kiei kiei ruh ïa kiba la thoh ha kita ki kitab, katba kum ki jingleh jong ki.

JINGPYNPAW 20:4

Bad nga la ïohi ïa ki khet, bad don kiba la shong halor jong ki, bad la ai ka jingbishar ha ki; bad nga la ïohi ïa ki mynsiem jong kita ïa kiba la khrai khlieh na ka bynta kata ka jingphla ïa U Jisu, bad na ka bynta ka ktien U Blei, bad jar ki bym shym la ïamane dem ïa uta u mrad khlaw, lymne ïa ka dur jong u, bad kim shym la pdiang ïa kata ka dak halor ka shyllangmat jong ki bad halor ka kti jong ki; te ki la im, bad ki la synshar lem bad U Khrist, shi hajar snem.