DANIEL 10:1 - KA BAIBL

¹ Ha ka snem ka balai jong u Seiros syiem ka Persha la pynpaw ei ei ha u Daniel, ïa uba la khot “u Belteshassar”; kata ruh ka la long kaba shisha, ka thma ka bakhraw keiñ: bad u la sngewthuh ïa kata, bad u la ïoh ka jingshemphang ïa kata ka jingithuhpaw.

Khasi CL Bible (BSI)

¹ (Ha ka snem kaba lai kaba u Syros u long u patsha jong ka Persia, ïa ka khubor la pynpaw ha u Daniel, ïa uba la khot ruh u Belteshassar. Ka khubor ka long kaba shisha hynrei kaba jwat eh ban sngewthuh. La batai ïa ka ha u ha ka jingïohipaw.)

DANIEL 10:1 Mawu Ofanana

JENESIS 41:32

Pat shaphang kaba pynlong ar kyntien ïa kata ka jingphohsniew ïa u Pharaoh; ka long kumta ïa ka ban pynskhem ïa kata ka jinglong da U Blei, bad namar ba U Blei un sa pynkloi ban leh ïa kata.

2 KHRONIKL 36:22

Te ha ka snem ka banyngkong u Seiros u syiem ka Persha, ba yn pyndep ïa ka ktien U Trai da ka shyntur u Jeremaïah, U Trai u la pynkhih ïa ka mynsiem u Seiros u syiem ka Persha, katba u la pynbna ha ka hima jong u baroh, bad u la thoh ruh ïa kata, u da ong,

ESRA 3:7

Ki la ai sbai ruh ha ki misteri maw, bad ha ki misteri dieng; bad ïa ka jingbam, bad ïa ka jingdih, bad ïa ka umphniang, ha ki nong Sidon, bad ki nong Tyros, ban wallam ïa ki dieng Kedar na Lebanon ha ka duriaw sha Joppa, kat kum ka hukum ba ki la ïoh na u Seiros u syiem ka Persha.

ESRA 4:3

Hynrei, u Serubbabel, bad u Jeshua, bad kita ki rangbah ki ïing ki kpa ki Israel, ki la ong ha ki, “Phim dei ei ei bad ngi ban tei ïa ka ïing ha U Blei jong ngi; hynrei, ngi hi lang ngin ïatei ha U Trai, U Blei ki Israel, kumba u syiem Seiros u syiem ka Persha u la hukum ïa ngi.”

ESRA 4:5

bad ki la wer ïa ki nongai buit pyrshah ïa ki, ban pyndam noh ïa ka jingthmu jong ki, baroh ki sngi u Seiros u syiem ka Persha, jin haduh ka jingsynshar u Daraïos u syiem ka Persha.

ESRA 6:14

Bad ki tymmen basan ki Jiw ki la tei bad ki la roi, da ka jingïathuhlypa u Haggai u nongïathuhlypa bad u Sekharaïah u khun u Iddo. Bad ki la tei bad ki la pyndep ïa ka, katba kum ka hukum U Blei ki Israel, bad katba kum ka hukum u Seiros, bad u Daraïos, bad u Artakserksis u syiem ka Persha.

ESRA 6:3

“Ha ka snem ka banyngkong u Seiros u syiem, u Seiros u syiem u la ai hukum; shaphang ka ïing U Blei ha Jerusalem; to tei ïa kata ka ïing, ha ka jaka ha kaba ki kñia ïa ki jingkñia, bad seng skhem ïa ki nongrim jong ka; ka jingjrong jong ka, hynriewphew pruh, bad ka pyngkiang jong ka, hynriewphew pruh;

ISAÏAH 44:28

uba ong shaphang u Seiros, ‘U long u nongaplangbrot jong nga, te un pyndep ïa ka jingsngewbha jong nga baroh’: u da ong shaphang ka Jerusalem, ‘Yn tei ïa ka’; bad ha ka templ, ‘Yn pynshong nongrim ïa pha.’ ”

DANIEL 1:17

Te shaphang kine saw ngut ki samla, U Blei u la ai ïa ki ka jingtip bad ka buit ha ka jingnang bad ka jingstad baroh: bad u Daniel u la don ka jingshemphang ha ki jingithuhpaw bad ki jingphohsniew baroh.

DANIEL 1:21

Te u Daniel u la sah haduh ka snem ka banyngkong u syiem Seiros.

DANIEL 1:7

Bad u rangbah ki ïunukh u la kyrteng ïa ki: ïa u Daniel u la khot “u Belteshassar”; bad ïa u Hananiah “u Shadrak”; bad ïa u Mishael “u Meshak”; bad ïa u Asariah “u Abednego”.

DANIEL 10:14

Mynta nga la wan ban pynsngewthuh ïa me shaphang kata ka ban jia ïa ki briew jong me ha ki sngi ki bakhatduh: namar ka jingithuhpaw ka long ïa kaba lawei lathai.”

DANIEL 11:2

“Te mynta, ngan pyni ha me ïa ka jingshisha. Ha khmih, sa lai ngut shuh ki syiem kin mih ha Persha; bad u basaw un long uba kham riewspah shibun ïa kita baroh: bad haba u la man khlaiñ da ki spah jong u, un pynkhih ïa baroh pyrshah ïa ka hima Gris.

DANIEL 12:4

Hynrei me, ko Daniel, to tap ïa ki ktien, bad to pyndait laha ïa ka kitab, haduh ka por jong ka bakut keiñ: bun kin long ki ban phet shane shatai, bad ka jingtip kan roi.”

DANIEL 12:9

Bad u la ong, “Koit, khie noh, Daniel: namar ïa ki ktien la tap bad la pyndait laha haduh ka por jong ka bakut.

DANIEL 2:21

bad u pynkylla ma u ïa ki por bad ïa ki aïom: u pynduh ïa ki syiem, bad u thung ïa ki syiem: u ai ka jingstad ïa ki bastad, bad ka jingtip ïa kiba don jingshemphang.

DANIEL 4:8

Hynrei, ha ka bakhatduh u la wan ha khmat jong nga u Daniel, uba kyrteng ‘u Belteshassar’, kum ka kyrteng u blei jong nga, bad uba ka mynsiem kita ki blei bakhuid ka don ha u: bad nga la ïathuh ïa kata ka jingphohsniew ha khmat jong u, nga da ong,

DANIEL 5:12

namar ïa ka mynsiem ka babha eh, bad ïa ka jingtip, bad ïa ka jingshemphang, ïa ka jingbatai ki jingphohsniew, bad ïa kaba pynpaw ïa ki jingong kiba dum, bad ïa kaba pynshai ïa ki jingeh, la shem ha une hi u Daniel, ïa uba u syiem u la kyrteng ‘u Belteshassar’. Mynta, to ai ba yn khot ïa u Daniel, bad un pyni ïa kata ka jingbatai.”

DANIEL 5:17

Ynda kumta, u Daniel u la ïathuh bad u la ong ha khmat u syiem, “Ieh ki jingai jong me kin long ki jong me hi, bad ai ïa ki nong jong me ha uwei pat; hynrei, ngan pule ha u syiem ïa kata ka jingthoh, bad ngan pyntip ha u ïa ka jingbatai.

DANIEL 6:28

Kumta, une u Daniel u la man bha ha ka jingsynshar u Daraïos, bad ha ka jingsynshar u Seiros u nong Persha.

DANIEL 8:16

Bad nga la ïohsngew ïa ka ktien briew hapdeng ka wah Ulai, kaba pyrta, bad ka ong, “Ko Gabriel, to pynsngewthuh ïa une u briew shaphang kata ka jingithuhpaw.”

DANIEL 8:26

Bad kata ka jingithuhpaw jong kita ki janmiet bad ki step ïa kaba la ïathuh ka long kaba shisha: hynrei, to pyndait noh ïa kata ka jingithuhpaw; namar ka dei ïa kaba lawei lathai.”

LOUKAS 1:20

Te ha khmih, men sngap jar, bad men ym lah ban kren, tad ynda kata ka sngi ba yn pynlong ïa kine kiei kiei ruh; namar ba mem shym la ngeit ïa ki ktien jong nga, ïa kiba yn pyndep ha ka Ïa jong ki.”

JINGPYNPAW 19:9

Bad u ong ha nga, “To thoh: Suk kita ïa kiba la khot sha kata ka jingïakhawai miet ka jingshongkurim uta U Khun langbrot.” U ong ruh ha nga, “Kine ki long ki ktien bashisha ki jong U Blei.”