2 TIMOTHI 4:2 - KA BAIBL

² to men ïalap ïa kata ka ktien; to ïaiminot haba dei por, ha bymdei por de; to pynkynduh, to sneng, to kyntu da ka jingshahslem baroh bad ka jinghikai.

2 TIMOTHI 4:2 Mawu Ofanana

1 THESSALONI 5:14

Te ngi kyntu ïa phi, ko parabangeit, to sneng ïa kita kiba leh kynriang, to pynshlur ïa ki batlot mynsiem, to ïakynpham ïa ki batlot, to ïaishah slem ïa ki briew baroh.

TITOS 2:15

Ïa kine kiei kiei ruh, to kren bad to kyntu, bad to sneng kum uba don bor. Wat shah ba uno uno ruh un ibeiñ ïa me.

1 TIMOTHI 4:13

Tad ynda nga wan, to men minot ha kaba pule, ha kaba kyntu, ha kaba hikai.

JINGPYNPAW 3:19

Kat ïa kiba nga ieit, nga sneng bad nga sympat; to sngewshitrhem namar kata, bad to kylla-ka-bamut.

TITOS 1:13

Kane ka jingphla ka long kaba shisha. Namar kane ka daw, to sneng tyngeh ïa ki, khnang ba kin ïoh long janai ha kata ka jingngeit;

2 TIMOTHI 2:21

Namar kata, lada u briew u pynkhuid ïa lade na kine, un long ka pliang ba-donburom, ba la pynkyntang khuid, bad ba bit ïa ka kam u Kynrad, haba la pynkhreh ïa u ïa ka jingleh babha baroh.

GALATIA 6:6

Te to ai ba uta uba shah hikai ha ka ktien, un ïasam lem bad uta uba hikai ha kiei kiei ki babha baroh.

Ka Shithi U Paul Sha Ki Nong Rom 12:12

kiba kmen ha ka jingkyrmen; kiba ïaishah ha ka jingjynjar; kiba ïaineh minot ha ka jingduwai;

2 TIMOTHI 3:10

Hynrei, ma me, me la bud ïa ka jinghikai, ka jinglong jingim, ka jingthmu, ka jingngeit, ka jingshahslem, ka jingieit, ka jingïaishah,

1 TIMOTHI 5:20

Ïa kita kiba leh pop, to sneng ha khmat baroh, ba kita kiwei ruh kin sheptieng.

KOLOSSAI 1:25

ïa kata la pynlong nongïalap ïa nga, katba kum ka jingpynïaid niam jong U Blei ïa kaba la aiti ha nga shaphang jong phi, ban pyndep ïa ka ktien U Blei;

Ka Shithi U Paul Sha Ki Nong Rom 10:15

kumno ruh de kin ïoh ïalap lymda la phah ïa ki? kumba la thoh: “A katno ba-itynnad ki long ki kjat ki jong kita kiba wallam ïa ka gospel jong kiei kiei ki babha!”

JONAH 3:2

“To ïeng, to leit sha Ninebeh, kata ka nongbah kaba khraw, bad to ïathuhkhana ha ka, ïa ka jingïathuhkhana kaba ngan ong ma nga ha me.”

KI KAM 20:7

Te ha ka sngi nyngkong ka taïew, mynba ngi la wan ïaseng ïa ka ban kdiah kpu, u Paul u la ïalap ha ki, ba un sa leit noh lashai; te u la pynslem ïa la ka jingïalap haduh shiteng synñia.

KI KAM 16:13

Te ha ka sngi Sabbaton ngi la ïaleit shabar shnong harud ka wah, ha kaba ngi la tharai ba la don ka jaka duwai; bad ynda ngi la ïashong, ngi la kren ha ki kynthei kiba la wan ïaseng lang.

LOUKAS 9:60

Hynrei, U Jisu u la ong ha u, “Ieh ïa ki baïap ban tep ïa ki baïap jong ki; hynrei, khie leit noh ma me, bad ïalap ïa ka hima U Blei.”

LOUKAS 7:4

Ki te, haba ki la poi ha U Jisu, ki la kyrpad eh ïa U, ki da ong, “U long uba dei ba men leh ïa kane ïa u;

1 THESSALONI 5:20

Wat ñiewbeiñ ïa ki jingïathuhlypa.

LOUKAS 7:23

suk ruh uta u ban ym thut ha nga.”

SALM 40:9

Nga la pynbna ïa ka hok ha ka jingïaseng bah; ha khmih, ngan ym khang ïa la ki rmiang shyntur, A Trai, me tip.

2 TIMOTHI 2:25

ha ka jingjemnud uba sneng ïa kita kiba ïaleh pyrshah; ba lehse U Blei un ai ha ki ka jingkylla-ka-bamut ïa ka ban ithuh ïa ka jingshisha;

HEBRU 13:22

Hynrei, nga kyrpad ïa phi, ko parabangeit, to ïashahshkor ïa kane ka ktien ka jingkyntu: namar da kiba khyndiat ki ktien nga la thoh ha phi.

KI KAM 28:16

Te mynba ngi la poi ha Rom, uta u rangbah shispah u la aiti ïa kita ki nongsah byndi ha u lyngskor kynhun shipai, hynrei, la shah ïa u Paul ban shong kyrpang marwei, lem bad u shipai uba ap ïa u.

KI KAM 13:5

Te mynba ki la don ha Salamis, ki la ïalap ïa ka ktien U Blei ha ki synagog ki Jiw: te ki la ïadon ruh u Ïoannis kum u nongïarap jong ki.

KOLOSSAI 4:3

da kaba duwai lem na ka bynta jong ngi ruh, ba U Blei un plie ha ngi ka jingkhang ïa kata ka ktien, ban kren ïa ka jingmaïan ka jong U Khrist, na ka bynta jong ka, ba la khum ruh ïa nga;

1 THESSALONI 1:6

Te phi la jia long ki nongïapyrthuh bud ïa ngi, bad ïa U Trai, haba phi la pdiang ïa kata ka ktien hapdeng shibun ka jingjynjar, da ka jingkmen U Mynsiem Bakhuid: