2 TIMOTHI 3:3 - KA BAIBL

³ kiba khlem ieit ïa la ka kynja, kiba khlem map, kiba kren siar, ki bymsuidñiew, kiba runar, ki bymieit ïa ka babha,

Khasi CL Bible (BSI)

³ kin long ki bym lehsbun, ki bym ïamap, kiba kren sniew, kiba thala, bad kiba runar; kin isih ïa kaba bha,

2 TIMOTHI 3:3 Mawu Ofanana

JENESIS 49:7

Long ba la tim ïa ka jingbitar jong ki, naba ka la sat eh; bad ïa ka jingpynhiar kput jong ki, naba ka la i runar eh: ngan pynïakhlad ïa ki ha u Jakob, bad ngan pynsaphred ïa ki ha Israel.

SALM 15:4

Uba u riewsniew u long ba la ibeiñ ha khmat jong u; hynrei, u burom ïa kita kiba sheptieng ïa U Trai. Uba smai ïa la ka jong ka jingpynsniew, bad um kylla shuh.

SALM 22:6

Hynrei nga, nga long u khñiang, te ym u briew; ka jingkrenbeiñ jong ki briew, bad ka jingibeiñ jong u paidbah.

ISAÏAH 53:3

U la long ba la ibeiñ, bad ba la kyntait da ki briew: u briew ki jingsngewsih, bad uba tip ïa ka khuslai: bad kum uba ki briew ki ju buhrieh ïa la ka khmat na u la ibeiñ ïa u, te ngim shym la ñiew ïa u.

ISAÏAH 60:14

Bad ki khun shynrang jong kita kiba la pynjynjar ïa pha kin sa wan dem ïa pha; bad kita baroh kiba la ibeiñ ïa pha kin sa dem ngon ha ki poh'jat jong pha; te kin khot ïa pha “Ka nongbah U Trai, Ka Seïon U Bakhuid jong ki Israel.”

DANIEL 8:23

Bad ha ka bakut ka por ka hima jong ki, haba ki la biang bha ki nongleh palat, un mih uwei u syiem uba don ka khmat kaba itieng, uba sngewthuh ïa ki jingong kiba dum.

MATHAÏOS 10:21

U para te un ai noh ïa la u para ïa ka ban ïap, u kpa ruh ïa la ki khun: ki khun ruh kin ïeng ïaleh ïa ki kmie ki kpa, bad kin ïa-pynïap ruh ïa ki.

MATHAÏOS 4:1

Ynda kumta, la ïalam noh ïa U Jisu da U Mynsiem sha ka ri khlaw, ba yn pynshoi ïa u da u Soitan.

LOUKAS 10:16

“Jar uba sngew ïa phi, u sngew ïa nga; bad jar uba kyntait ïa phi, u kyntait ïa nga; bad jar uba kyntait ïa nga, u kyntait ïa uta uba la phah ïa nga.”

LOUKAS 16:14

Kita ki Pharisi ruh, kiba ieit sbai eh, ki la ïohsngew ïa kine kiei kiei baroh, te ki la pynran beiñ ïa la ki khmut ïa u.

ÏOANNIS 6:70

U Jisu u la ïathuh ha ki, “Nga ngam shym la jied ïa phi ki khat-ar ngut? Pynban, uwei na phi u long u ksuid.”

Ka Shithi U Paul Sha Ki Nong Rom 1:29

ba ki la dap da ka jingbymhok baroh, da ka jingbymman, da ka jingkhwan, da ka jingpynsniew; kiba la dap da ka jingsngewpihuiñ sat, da kaba pynïap, da kaba ïamai, da ka jingshukor, da ka jingrunar,

Ka Shithi U Paul Sha Ki Nong Rom 1:31

kiba khlem sngewthuh, ki nongpynkheiñ jutang, kiba khlem jingieit ïa la ki jong, kiba khlem jingisynei;

1 KORINTH 7:5

Wat ïashukor phi shi tnga lymda na kaba ïakut lem shi por, khnang ba phin ïoh aiti ïa lade ha kaba duwai, te to ïapoi lem pat hajuh, ba u Soitan un ym ïoh pynshoi ïa phi namar ka jingkwah awria jong phi.

1 KORINTH 7:9

Hynrei, lada kim don bor halor lade, to kin ïashongkurim noh; namar ka long kham bha ban shongkurim, ban ïa ka ban ing noh.

1 THESSALONI 4:8

Naba kumta, jar uba kyntait, um kyntait ïa u briew, hynrei, ïa U Blei, uba ai ïa U Mynsiem Bakhuid jong u ha phi.

1 TIMOTHI 3:11

Kumjuh ruh ki kynthei kin long kiba shida, ym kiba kren siar, kiba leh adkar, kiba shisha ha kiei kiei baroh.

TITOS 1:8

hynrei, uba khot ieit basa, uba ieit ïa ka babha, uba khan adkar, u bahok, u bakhuid, uba don bor halor lade;

TITOS 2:3

Ba ki kynthei tymmen kin long kumjuh, kiba leh khia leh don akor ha la ka jinglong jingim, ym kiba kren siar, lymne ïa kiba la pynlong mraw ha ka dih Waiñ shibun, ki nonghikai ïa ka babha;

JAKOB 2:6

Hynrei, ma phi pleng phi la ñiewbeiñ ïa uta u baduk. Hato kita ki bariewspah kim ban shitom ïa phi, bad kim ring ma ki hi ïa phi sha khmat ki khet bishar?

2 PETROS 2:14

kiba don ki khmat ba-dap da kaba klim, bad ki bym lah kyndiah na ka pop; ki da ïariam pah ïa ki mynsiem bymneh; kiba don ka dohnud ïa kaba la pynmlien ha ki jingikwah lalot; ki khun ka jingtim;

2 PETROS 2:19

ki da ïakular ha ki ka jinglaitluid, haba ma ki hi, ïa lade ki long ki mraw ka jingpynpyut; namar da uba la jop noh ïano ïano ruh, da uta la pynlong mraw keiñ ïa u.

2 PETROS 3:3

da kaba phi tip ïa kane nyngkong, ba ha ki sngi ki bakhatduh kin wan ki nongkrenbeiñ da ka jingkrenbeiñ, kiba ïaid katba kum ki jingkwah brai la ki jong hi,

JUDAH 1:16

Kine ki long kiba ïakren khñium, kiba ud wad daw, kiba ïaid katba kum ki jingkwah brai jong ki hi; bad ka shyntur jong ki ka kren ïa kiei kiei ba at sarong, ki da ñiew shiliang khmat ïa ki briew na ka bynta ka jingmyntoi.

JUDAH 1:18

kumno ki la ju ong ha phi, ba ha ka Ïa ka bakhatduh kin long ki nongkrenbeiñ, kiba da ïaid katba kum kita ki jingkwah brai ki bymriewblei jong ki hi.

JINGPYNPAW 13:15

Bad la ai bor ha u ban ai ka mynsiem ha kata ka dur uta u mrad khlaw, ba kata ka dur uta u mrad khlaw kan da ïoh kren ruh, bad ba kan ïoh pynlong ba kat ki ban ym mane dem ïa kata ka dur uta u mrad khlaw, yn pynïap noh ïa ki.

JINGPYNPAW 13:17

bad ba uno uno ruh un ym lah ban thied lane ban die, hynrei, tang uta uba don kata ka dak, kata ka kyrteng hi uta u mrad khlaw keiñ, lane kata ka jingkheiñ ka kyrteng jong u.

JINGPYNPAW 16:6

naba ki la ïa-pynmih noh ïa ka snam ki riewkhuid bad ki nongïathuhlypa, te me la ai ha ki ka snam ban dih: namar ki la kop hi kumta.”

JINGPYNPAW 17:6

Bad nga la ïohi ïa kata ka briew ba ka buaid da ka snam jong kita ki riewkhuid, bad da ka snam kita ki nongphla ba shahïap jong U Jisu: Te haba nga la ïohi ïa ka, nga la sngewphylla da ka jingsngewphylla bakhraw.