2 TIMOTHI 1:4 - KA BAIBL

⁴ nga da kwah eh ban ïohi ïa me, haba nga kynmaw ïa kita ki jingjaw ummat jong me, ba yn ïoh pyndap ïa nga da ka jingkmen:

Khasi CL Bible (BSI)

⁴ Nga kynmaw ïa ki ummat jong me, bad nga kwah eh ban ïohi ïa me, khnang ba yn ïoh pyndap ïa nga da ka jingkmen.

2 TIMOTHI 1:4 Mawu Ofanana

2 TIMOTHI 4:9

To pynkloi ban wan shen sha nga;

2 TIMOTHI 4:21

To pynkloi noh ban wan shuwa ka tlang. U Ïubulos, bad u Puden, bad u Linos, bad ka Klaudia, bad ki parabangeit baroh, ki ïakhublei ïa me.

1 THESSALONI 2:17

Te ma ngi, ko parabangeit, haba la pynkynjah noh ïa ngi na phi katto katne, tang ha ka met, ym ha ka dohnud keiñ, ngi la kham pyrshang eh da ka jingkwah bajur ban ïohi ïa ka khmat jong phi.

PHILIPPI 1:8

Namar U Blei u long u nongsakhi jong nga, katno ba nga sngewkynmaw hir hir ïa phi baroh ha ki jingisynei bajem U Khrist Jisu.

JINGPYNPAW 21:4

te U Blei un ñiad noh ïa ka jingjaw ummat baroh na ki khmat jong ki; bad ka jingïap kan ym long shuh, lymne ka jingsngewsih, lymne ka jingïam, lymne ka jingpang, kan ym long shuh: kita kiei kiei kiba mynshuwa ki la leit noh.”

JINGPYNPAW 7:17

naba uta U Khun langbrot uba hapdeng kata ka khet un sharai ïa ki, bad un ïalam lynti ïa ki sha ki pukri um ka jingim; bad U Blei un ñiad noh ïa ka jingjaw ummat baroh na ki khmat jong ki.”

1 ÏOANNIS 1:4

Te ïa kine kiei kiei ruh ngi thoh ha phi, ba ka jingkmen jong ngi kan ïoh long kaba la dap.

PHILIPPI 2:26

Namar u la kynmaw hir hir keiñ ïa phi baroh, bad u da sngewpisa eh, naba phi la lah ïohsngew ba u la pang.

Ka Shithi U Paul Sha Ki Nong Rom 1:11

Namar nga kwah hir hir ban ïohi ïa phi, ba ngan ïoh ïasam ha phi ïa kaei kaei ka jingai ba dei mynsiem, khnang ïa ka ban pynskhem ïa phi;

KI KAM 20:31

Naba kumta, to ïasharai, da kynmaw ruh ba jin lai snem, mynmiet bad mynsngi, ngam shym la wai noh ban sneng ïa uwei pa uwei na phi da ki jingjaw ummat.

KI KAM 20:19

ba nga da shakri ïa U Trai da ka jingsngewrit baroh, bad ha ki jingjaw ummat bad ki jingtynjuh kiba la jia long ha nga da ki jingthap jong ki Jiw;

ÏOANNIS 16:24

Haduh mynta, phim pat ju pan ei ei ruh em ha ka kyrteng jong nga; to pan, te phin sa ïoh diang, ba kata ka jingkmen jong phi kan ïoh long kaba dap.

ÏOANNIS 16:22

Kumta, ma phi ruh, phi don ka jingsngewsih shisha mynta, hynrei, ngan wan-i ïa phi pat, bad ka dohnud jong phi kan sngewkmen, bad ïa kata ka jingkmen jong phi ym don u ban shim noh na phi.

JEREMAÏAH 31:13

Ynda kumta, ka theisotti kan sa kmen ha kaba shad, bad ki samla shynrang bad ki tymmen lang: namar ngan pynkylla ïa ka jingïam jong ki sha ka jingkmen bad ngan pyntngen ïa ki, bad ngan pynkmen ïa ki na ka jingsngewsih jong ki.

ISAÏAH 61:3

ban buh ha ki basngewsih ha Seïon, ban ai ha ki kaba sien syntiew ha ka jaka ki dpei, ka umphniang ka jingkmen ha ka jaka ka jingsngewsih, ka jaiñkup ka jingïaroh ha ka jaka ka mynsiem kaba khia; ba yn khot ïa ki, “ki dieng ka hok,” “u jingthung U Trai,” ba yn pyndonburom ïa U.

SALM 126:5

Kita kiba bet ha ki jingjaw ummat kin ïoh ot ha ka jingkmen.