2 SAMUEL 3:3 - KA BAIBL

³ bad u ba-ar jong u, u Khileab, na ka Abigail ka tnga u Nabal u nong Karmel; bad u balai, u Absalom, u khun ka Maakah kaba ka khun u Talmai u syiem ka Gesur;

Khasi CL Bible (BSI)

³ u Khileab, uba ka kmie jong u ka dei ka Abigail, ka tnga jong u Nabal uba la ïap, kaba na Karmel; u Absalom, uba ka kmie jong u ka dei ka Maakah, ka khun jong u Talmai u syiem ka Geshur;

2 SAMUEL 3:3 Mawu Ofanana

2 SAMUEL 13:1

Te hadien kane, u Absalom u khun u Dabid u la don ka para kaba bhabriew, kaba kyrteng “ka Tamar”: bad u Amnon u khun u Dabid u la ieit ïa ka.

2 SAMUEL 14:23

Bad u Joab u la ïeng bad u la leit sha Geshur, bad u la wallam ïa u Absalom sha Jerusalem.

2 SAMUEL 14:24

U syiem te u la ong, “To un phai sha la ka jong ka ïing, hynrei, un ym ïohi ïa ka khmat jong nga.” Kumta, u Absalom u la phai sha la ka jong ka ïing, bad um shym ïohi ïa ka khmat u syiem.

2 SAMUEL 14:32

U Absalom te u la ïathuh ha u Joab, “Ha khmih, nga la phah sha me, da kaba ong, ‘Ale shane, ba ngan ïoh phah ïa me sha u syiem, ïa ka ban ong, “Nga la wan noh na Geshur ïa ka ban lei? Ka la kham bha ïa nga ban sah hangto haduh mynta: mynta te, to ai ngan ïohi ïa ka khmat u syiem; bad lada don ka pop ha nga, to un pynïap ïa nga.” ’ ”

2 SAMUEL 15:7

Te ynda la dap sawphew snem, u Absalom u la ong ha u syiem, “Nga kyrpad ïa me, to shah ba ngan leit pyndep ha Hebron ïa ka kular jong nga, kaba nga la kular ha U Trai.

2 SAMUEL 15:8

Naba u shakri jong me u la kular ïa ka kular mynba nga la shong ha Geshur ha Syria, da kaba ong, ‘Lada shisha U Trai un wallam pat ïa nga sha Jerusalem, nga te ngan shakri ïa U Trai.’ ”

2 SAMUEL 18:33

Te u syiem u la sngewsih shibun, bad u la leit kiew sha kata ka kamra halor ka khyrdop, bad u la ïam: bad katba u leit, u la ong kumne, “Ko khun jong nga Absalom, ko khun jong nga, ko khun jong nga Absalom! A ban da nga la ïap ma nga na ka bynta jong me, ko Absalom, ko khun jong nga, ko khun jong nga!”

2 SAMUEL 2:2

Kumta, u Dabid u la leit kiew shatei, lem bad ki ar ngut ki tnga jong u ruh, ka Ahinoam ka nong Jesril, bad ka Abigail ka nong Karmel, ka tnga u Nabal.

1 SYIEM 1:6

Te u kpa jong u um ju pynsngewsih ïa u mynno mynno ruh ban ong, “Balei me la leh kumta?” Bad u la long ruh uba bhabriew eh; bad la kha ïa u de hadien u Absalom.

1 SYIEM 2:15

U la ong te, “Pha tip ba ka hima ka la long ka jong nga, bad ba ki Israel baroh ki la peit la ki khmat ha nga, ba ngan synshar, pynban, ka hima ka la phai da kumwei, bad ka la long ka jong u para jong nga: naba ka la long ka jong u na U Trai.

1 KHRONIKL 3:1

Kine te ki la long ki khun shynrang u Dabid, ïa kiba la kha ha u ha Hebron: u khun nyngkong, u Amnon, na ka Ahinoam ka nong Jesril; u ba-ar, u Daniel, na ka Abigail ka nong Karmel;

1 KHRONIKL 3:2

u balai, u Absalom u khun ka Maakah ka khun u Talmai u syiem ka Geshur; u basaw, u Adonijah u khun ka Haggith;

DEUTERONOMI 3:14

U Jair u khun u Manasseh, u la shim ïa ka ri Argob baroh, haduh ki phang ki Geshur bad ki Maakath; bad u la khot kyrteng ïa ki, ha la ka jong ka kyrteng, “ka Bashan Haboth-jair”, haduh kane ka sngi keiñ.)

JOSHUA 13:13

Pynban, ki khun Israel kim shym beh ïa ki Geshur, lymne ki Maakath; hynrei, ki Geshur bad ki Maakath ki la shong hapdeng ki Israel, haduh kane ka sngi.

1 SAMUEL 25:3

Te ka kyrteng uta u briew ka la long “u Nabal”; bad ka kyrteng ka tnga jong u “ka Abigail”: te kata ka briew ka la long kaba nang kaba sian, bad kaba bhabriew de: hynrei, uta u briew u la long uba eh runar, bad uba bymman ka jingleh jong u; bad u la long na ka ïing u Kaleb.

1 SAMUEL 25:42

Bad ka Abigail ka la pynkloi, bad ka la ïeng bad ka la shong halor ka kadda, bad san ngut na ki samla kynthei jong ka ki la bud ïa ka; te ka la leit bud ïa kita ki nongkit-ktien u Dabid, bad ka la long ka tnga jong u.

1 SAMUEL 27:8

Te u Dabid bad ki rangbah jong u ki la mih ïahiar thma ïa ki Geshur, bad ïa ki Geser, bad ïa ki Amalek: namar kita kiba la ju shong mynno mynno ha kata ka ri, shaphang kaba leit sha Shur, jin haduh ka ri Ijipt keiñ.