2 SAMUEL 24:4 - KA BAIBL

⁴ Pynban, ka la kham lah ka ktien u syiem ban ïa u Joab, bad ban ïa ki kaptan u paidïapom. Te u Joab bad ki kaptan u paidïapom ki la mih noh na khmat u syiem, ïa ka ban kheiñ ïa u paidbah Israel.

Khasi CL Bible (BSI)

⁴ Hynrei u syiem u pynlong ïa u Joab bad ïa ki rangbah pynïaidkam jong u ba kin kohnguh ïa ka hukum jong u; ki la mihnoh na khmat jong u bad ki la leit ban ñiew ïa ki paid Israel.

2 SAMUEL 24:4 Mawu Ofanana

KI KAM 5:29

Te u Petros bad ki apostol, ki la ïathuh bad ki la ïa-ong, “Ngi dei ban kohnguh ïa U Blei kham tam ban ïa ki briew.

EKLESIASTIS 8:4

Namar ka ktien u syiem ka don bor; bad uei u ban ong ha u, “Me leh aïu?”

1 KHRONIKL 21:4

La kumta ruh, ka la kham lah ka ktien u syiem ban ïa u Joab. Namar kata, u Joab u la leit noh, bad u la leit lyngba ka Israel baroh, bad u la wan sha Jerusalem.

EKSODOS 1:17

Hynrei, kita ki nongbat khun ki la sheptieng ïa U Blei, bad kim shym leh kumba uta u syiem ka ri Ijipt u la hukum ïa ki, hynrei, ki la ri im ïa ki khun shynrang.

2 SAMUEL 24:3

U Joab, te u la ong ha u syiem, “To U Trai U Blei jong me un pynroi ïa u paidbah shispah shah la ki long katno katno, bad to ai ba ki khmat u syiem kynrad jong nga kin ïohi ïa kata, hynrei, balei ba u syiem kynrad jong nga u mon kum ïa kane?”

2 SAMUEL 24:5

Te ki la leit sha shiliang ka Jordan, bad ki la shong dara ha Aroer, sha kamon jong kata ka shnong kaba hapdeng ka them Gad, bad haduh Jaser:

EKSODOS 30:12

“Haba me ñiew ïa kita kiba dei ban ñiew na ki khun Israel, te kin sa ai uwei baroh na ka bynta la ka mynsiem ïa ka kuna ha U Trai, haba me ñiew keiñ ïa ki; ba kan ym long ka jingïapthem hapdeng jong ki, haba me ñiew ïa ki.