1 TIMOTHI 4:3 - KA BAIBL

³ kiba adong ban shongkurim, bad kiba hukum ban kyndiah noh na ki jingbam, ïa kiba U Blei u la thaw keiñ ban pdiang ïa ki da kaba ainguh da kita kiba ngeit bad kiba tip ïa ka jingshisha.

Khasi CL Bible (BSI)

³ Kiba kum kita ki briew ki hikai ba ka long ka bym dei ban shongkurim bad ban bam kyndiah ïa ki katto katne ki jait jingbam. Hynrei U Blei u la thaw ïa kito ki jingbam ban bam, hadien ka jingduwai sngewnguh, da kito kiba long kiba ngeit bad kiba la tip ïa ka jingshisha.

1 TIMOTHI 4:3 Mawu Ofanana

JENESIS 9:3

U kynja bakhih baroh ba-im un long jingbam ïa phi; kumba nga la ai ïa u kynja jhur bajyrngam, kumta keiñ nga ai baroh ha phi.

EKLESIASTIS 5:18

Ha khmih, kata kaba nga la ïohi ka babha bad ba-idei ka long ba uno uno un bam bad un dih, bad leh sngewbha ha ka jingtrei jong u baroh, ïa kaba u la trei hapoh ka sngi, baroh ki sngi ka rta jong u ïa kiba U Blei u ai ïa u: namar kane ka long ka bynta jong u.

DANIEL 11:37

Lymne un ym suidñiew ïa ki blei ki kpa jong u, lymne ïa ka jingkyrpad ki kynthei, lymne un ym ñiew ïa uno uno u blei: namar un pynkhraw ïa lade halor baroh.

MATHAÏOS 14:19

Te u la hukum ban pynshong shaniah ïa ki paidbah ha u phlang, bad u la shim ïa kita ki san tylli ki kpu bad ïa kita ki ar tylli ki dohkha, bad haba u la khmied sha bneng, u la nguh, bad u la kdiah, u la ai ïa ki kpu ha ki synran, bad kita ki synran ha ki paidbah.

MATHAÏOS 15:11

Ym dei kata kaba rung ha ka shyntur kaba pyntngit ïa u briew, hynrei, kaba mih noh na ka shyntur, kata keiñ kaba pyntngit ïa u briew.”

MATHAÏOS 15:36

Haba u la shim te ïa kita ki hynñiew tylli ki kpu bad ïa kita ki dohkha, bad haba u la nguh, u la kdiah, bad u la ai ha ki synran jong u, kita ki synran de ha uta u paidbah.

LOUKAS 24:30

Ka la jia te haba U dang shong bam bad ki, haba U la shim ïa u kpu, U la kyrkhu, bad U la kdiah, bad U la sam ha ki.

ÏOANNIS 6:23

hynrei, la poi kiwei pat ki lieng na Tiberias hajan kata ka jaka ha kaba ki la ïabam ïa uta u kpu, hadien ba U Trai u la lah nguh:

KI KAM 27:35

Te haba u la lah ong ïa kane, bad haba u la lah shim ïa u kpu, u la ainguh ïa U Blei ha khmat jong ki baroh; bad u la kdiah ïa u, bad u la sdang ban bam.

Ka Shithi U Paul Sha Ki Nong Rom 14:17

namar ka hima ka jong U Blei kam long keiñ kaba bam bad kaba dih; hynrei, ka hok, bad ka jingïasuk, bad ka jingkmen ha U Mynsiem Bakhuid.

Ka Shithi U Paul Sha Ki Nong Rom 14:3

Me uba bam, wat ñiewbeiñ noh ïa uta u bym bam; lymne me u bym bam, wat pynrem ïa uta uwei uba bam; namar U Blei u la pdiang ïa u.

Ka Shithi U Paul Sha Ki Nong Rom 14:6

Uta uba ñiew ïa kata ka sngi, u ñiew keiñ ha U Trai. Kumjuh uta uba bam, u bam keiñ ha U Trai, namar u ainguh ha U Blei; bad uta u bym bam, um bam keiñ ha U Trai, kumjuh ruh u ainguh ha U Blei.

1 KORINTH 6:13

Ki jingbam ki long ïa ka kpoh, bad kata ka kpoh ïa kita ki jingbam: hynrei, U Blei un pynjot noh bad ïa kata ruh bad ïa kita. Hynrei, kata ka met, kam long ïa ka jingleh awria, hynrei, ïa U Trai; bad U Trai ïa kata ka met.

1 KORINTH 7:28

Hynrei, wat lada me la shongkurim ruh, mem shym la leh pop; bad lada ka theisotti ka la shongkurim, kam shym la leh pop. Hynrei, pynban, kiba kum kita kin ïoh jynjar ha ka doh; hynrei, nga da leh isynei ïa phi.

1 KORINTH 8:8

Hynrei, ka jingbam kam pynïaroh ïa ngi ha khmat U Blei; namar, lada ngim bam, ngim shym duh ei ei; lane lada ngi bam ruh, ngim shym myntoi ei ei.

KOLOSSAI 2:16

Namar kata, wat ai ba uno uno ruh un bishar ïa phi ha kaba bam lane kaba dih, lane shaphang ka sngi jingkhawai, lane u 'nai thymmai, lane ka sngi Sabbaton;

KOLOSSAI 3:17

Te kaei kaei baroh kaba phi leh, ha ka ktien lane ha ka jingleh, to leh ïa baroh ha ka kyrteng U Jisu uba U Trai, da kaba ainguh ïa U Blei uba U Kpa da u.

1 TIMOTHI 2:4

uba mon ba ki briew baroh kin ïohlait im, bad ba kin poi sha ka jingtip ïa ka jingshisha.

1 TIMOTHI 4:4

Naba ka jingthaw U Blei baroh ka long ka babha, bad ym don ei ei ruh kaba yn kyntait noh, lada pdiang ïa ka bad kaba ainguh:

1 TIMOTHI 5:14

Nga mon, namar kata, ïa ki riewkynthei ba kham poh ka rta ban shongkurim, ban kha khun, ban sharai ïa la ka ïing, ban ym ai daw kaba kumno kumno ïa u nongshun ban krenbeiñ.

HEBRU 13:4

To ka jingshongkurim kan long kaba donburom hapdeng baroh, bad ka jingthiah ka bym da bit-tngit: naba ïa kiba awria bad ïa kiba klim U Blei un bishar.

HEBRU 13:9

Wat shah ban rong noh ïa phi da ki jinghikai bapher bad bakhyllah; namar ka long kaba myntoi ban pynskhem ïa ka dohnud da ka jingaiei, ym da ki jingbam, ha kiba kita kiba la ïaid ha ki kim shym myntoi.

1 SAMUEL 9:13

haba phi dang shu poi shapoh ka shnong, phin shem ïa u kumne kumne, haba um pat leit kiew sha kata ka jaka jrong ban bam: naba ki briew kin ym bam tad ynda u la poi ma u, namar un kyrkhu ma u ïa ka jingkñia; hadien kata, kin bam kita ïa kiba la khot. Namar kata, to leit kiew; namar dei hamar kane ka por ba phin shem ïa u.”