1 TIMOTHI 3:4 - KA BAIBL

⁴ uba synshar bha ïa la ka jong ka ïing, uba sumar la ki khun ha ka jingkohnguh da ka jingshida baroh;

1 TIMOTHI 3:4 Mawu Ofanana

JENESIS 18:19

Naba nga ithuh ïa u, ba un hukum ïa la ki khun bad ïa la ki ïing hadien jong u, ba kin ïoh rakhe ïa ka lynti jong U Trai, ïa ka ban leh ïa ka hok bad ïa ka jingleh adkar; ba U Trai un ïoh pynwan ha u Abraham ïa kata ïa kaba u la ong shaphang jong u.”

KI KAM 10:2

u briew bariewblei, bad uba sheptieng ïa U Blei, lem bad ka ïing jong u baroh, uba la ai shibun ki jingai isynei ïa ki briew, bad uba duwai de ha U Blei khlem da pud.

EPHESOS 5:24

Hynrei, kumba kata ka balang ka pynhapoh ïa lade ha U Khrist, kumta ruh, ki kynthei kin leh ha ki tnga jong ki ha kiei kiei baroh.

PHILIPPI 4:8

Ha kaba wai noh, ko parabangeit, kiei kiei kiba shisha, kiei kiei kiba donburom, kiei kiei ki bahok, kiei kiei ki bakhuid, kiei kiei kiba itynnad, kiei kiei kiba dei ïaroh; lada don kano kano ka jingbha, bad lada don kano kano ka jingïaroh, to phin ïapyrkhat ïa kine kiei kiei ruh.

1 TIMOTHI 3:12

To ai ba ki tymmen basan kin long ki tnga jong kawei ka tnga, kiba synshar bha ïa la ki khun bad ïa la ki jong ki ïing.

TITOS 1:6

lada uno uno ruh u long uba khlem shah kynnoh pop, u tnga jong kawei ka tnga, uba don ki khun kiba ngeit, ki bym shym la budnam lane bymkohnguh.

TITOS 2:2

ba ki riewtymmen kin long kiba sharai, kiba shida, kiba khan adkar, kiba janai ha ka jingngeit, ha ka jingieit, ha ka jingïaishah.

TITOS 2:7

Ha kiei kiei baroh, da pyni ïa lade ka rukom ha ki jingleh babha: ha la ka jinghikai da pyni ïa ka jingsngur, ïa ka jingsngewkhia,

JOSHUA 24:15

Bad lada kam idei ïa phi ban shakri ïa U Trai, to jied phi ha kane ka sngi ïano phin shakri; ïa kita kiba ki kpa jong phi ki la shakri kiba la don sha shiliang kata ka Wah, lane ïa kita ki blei ki Amor, kiba phi shong ha ka ri jong ki: hynrei, ma nga bad ka ïing jong nga ngin shakri ïa U Trai.”