1 TIMOTHI 3:3 - KA BAIBL

³ u bym shait ïamai, u bymïashoh ïadat; hynrei, uba jemnud, u bymïania, u bymieit sbai;

1 TIMOTHI 3:3 Mawu Ofanana

PROBERB 1:19

Kumta, ki long ki lynti jong uwei uwei baroh uba khwan ïa ka jingmyntoi; ka pynduh noh ïa ka jingim jong ki trai jong ka.

PROBERB 15:27

Uba khwan myntoi u pynshitom ïa la ka jong ka ïing: hynrei, uta uba isih ïa ki jingai, un im.

EKLESIASTIS 7:8

Kham bha ka jingpyndep kaei kaei ïa ka jingsdang jong ka: bad uba ïaishah ha ka mynsiem u long kham bha ban ïa uba sarong ha ka mynsiem.

ISAÏAH 28:1

Kordit ïa ka pansngiat ka jingsarong ki nongbuaid u Ephraim, bad ïa u syntiew bajlop ka burom ka jingitynnad jong u, uba long ha khlieh ka them ka basngaid jong kiba la jop da ka Waiñ!

ISAÏAH 28:7

Hynrei, kine ruh ki la bakla da ka Waiñ, bad da ka 'iad rot ki la ïaid sakma; u lyngdoh bad u nongïathuhlypa ki la bakla da ka 'iad rot, la nguid tylli ïa ki da ka Waiñ, ki la ïaid sakma da ka 'iad rot; ki bakla ha ka jingithuhpaw, ki jynthut ha ka jingbishar.

JEREMAÏAH 6:13

“Naba naduh u barit tam na ki wat haduh u bakhraw tam na ki uwei uwei baroh u la aiti ïa lade ha ka jingkwah lalot; bad naduh u prophet wat haduh u lyngdoh uwei uwei baroh u leh shukor.

JEREMAÏAH 8:10

Namar kata, ïa ki tnga jong ki ngan ai ha kiwei, bad ïa ki lyngkha jong ki ha kita ki ban ïoh ïa ki: naba uwei uwei baroh, naduh u barit tam haduh u bakhraw tam u la aiti ïa lade ha ka jingkwah lalot, naduh u prophet keiñ haduh u lyngdoh, uwei uwei baroh u leh shukor.

ESEKIEL 44:21

Lymne uno uno u lyngdoh un ym dih Waiñ, haba ki rung ha ka phyllaw kaba shapoh.

LEBITIKOS 10:9

“Me, ïa ka Waiñ bad ïa ka kyiad wat dih, bad ki khun shynrang jong me ruh, haba phi rung sha Ka Tabernakl ka jingïaseng, ba phin ym ïap noh: kane kan long ka hukum ba-neh junom ïa phi pateng la pateng:

MIKAH 2:11

Lada u briew uba ïaid ha ka mynsiem ka jingshukor u lamler, u da ong, ‘Ngan ïathuhlypa ha me ïa ka Waiñ bad ka 'iad eh;’ uta keiñ, un wan long u nongïathuhlypa ïa une u paidbah.

MIKAH 3:11

Ki rangbah jong ka ki bishar ba kin ïohnong, bad ki lyngdoh jong ka ki hikai namar ka bainong, bad ki nongïathuhlypa jong ka ki khan ba kin ïoh tyngka: pynban, ki shan ha U Trai, bad ki ong, ‘Hato U Trai um don hapdeng jong ngi? kan ym jia ka basniew ïa ngi.’

MIKAH 3:5

“Kumne u ong U Trai shaphang kita ki nongïathuhlypa kiba pynbakla ïa ki briew jong nga: kiba dait da la ki bniat bad kiba pyrta, ‘Ka jingsuk’; bad kat u bym ai bam ha ki, ki khreh ïa ka thma ïa u.

MALAKHI 1:10

“A ban da don uwei hapdeng jong phi u ban khang ïa ki jingkhang, ba phin ym lah ban sliew ding thala ha ka duwan jong nga! Ngam don jingsngewbha shuh ha phi,” ong U Trai ki paid, “lymne ngan ym pdiang ïa ka jingainguh na ka kti jong phi.

MATHAÏOS 21:13

bad u la ong ha ki, “La thoh: ‘Ïa ka ïing jong nga yn khot “ka ïing jingduwai,” ’ hynrei, phi, phi la pynlong ka krem nongtuh ïa ka.”

KI KAM 20:33

Ka rupa, lane ka ksiar, lane ka jaiñkup jongno jongno ruh, ngam shym la ikwah;

Ka Shithi U Paul Sha Ki Nong Rom 16:18

Namar kiba kum kita, kim shakri ïa U Jisu Khrist uba U Trai jong ngi, hynrei, ïa la ka jong ka kpoh; bad da ka ktien jali ja-um bad ka ktien ïaroh arsap, ki ïashukor ïa ki dohnud jong kiba lui lui.

EPHESOS 5:18

Bad to wat long phi kiba buaid da ka Waiñ, ha kaba don ka jingkhynwin, hynrei, to long kiba la dap da U Mynsiem;

1 THESSALONI 5:14

Te ngi kyntu ïa phi, ko parabangeit, to sneng ïa kita kiba leh kynriang, to pynshlur ïa ki batlot mynsiem, to ïakynpham ïa ki batlot, to ïaishah slem ïa ki briew baroh.

1 TIMOTHI 3:8

Kumjuh ka dei ïa ki tymmen basan ban long kiba shida, ym kiba ar kyntien, ym kiba shait dih Waiñ, ym kiba khwan myntoi;

2 TIMOTHI 3:2

Namar ki briew kin long kiba ieit tang ïa lade, kiba ieit sbai, kiba kren sarong, kiba leh khraw, kiba kren sniew, ki bymkohnguh ïa la ki kmie ki kpa, ki bymsngewnguh, ki bymkhuid,

TITOS 1:11

kiba ïa ki shyntur jong ki dei ban set noh, ki briew kiba pynkyllon ïa ki ïing baroh shi ïing da kaba hikai ïa kiei kiei ki bymdei, na ka bynta ka jingkhwan myntoi.

TITOS 1:7

Namar ka dei keiñ ïa u nongsharai ban long uba khlem shah kynnoh, kum u sordar jong U Blei; ym uba ïaid mon, ym uba bitar shen, u bym shait ïamai, u bymïashoh ïadat, u bymkhwan myntoi;

TITOS 2:3

Ba ki kynthei tymmen kin long kumjuh, kiba leh khia leh don akor ha la ka jinglong jingim, ym kiba kren siar, lymne ïa kiba la pynlong mraw ha ka dih Waiñ shibun, ki nonghikai ïa ka babha;

TITOS 3:2

ban ym kren sniew ïano ïano ruh, ban ym long kiba ïania, hynrei, kiba ïaishah da kaba pyni ka jingjemnud baroh sha ki briew baroh.

HEBRU 13:5

To long kiba lait na kaba ieit sbai, da kaba sngewhun bad kita kiei kiei ba phi don; namar u hi u la ong: “Ngan ym iehnoh noh ïa me da lei lei, lymne ngan ym leh lyndet noh ïa me da lei lei.”

JAKOB 4:1

Nangno ki wan ki jingïaleh thma, bad nangno ki jingïania hapdeng jong phi? Ym nangta hi, na kita ki jingkwah brai jong phi kiba ïaleh thma ha kita ki dkhot jong phi?

1 PETROS 5:2

to phin bsa ïa kata ka kynhun ka jong U Blei kaba hapdeng jong phi, da kaba sharai, ym da kaba leh jubor, hynrei, da la ka mon sngewbha hi; ym da kaba khwan myntoi, hynrei, da ka jingsngew-la-kloi;

2 PETROS 2:3

Bad ha ka jingkwah lalot kin ïakhaïi ïa phi da ki ktien bathawnang: ïa kiba kata ka jingpynrem na mynslem kam pyntud, bad kata ka jingpynjot noh jong ki kam samthiah.

JUDAH 1:11

Kordit ïa ki! naba ki la ïaleit ïaid ha kata ka lynti u Kain, bad ki la ïaphet kyrthep ha kata ka jingsakma u Balaam namar ka bainong, bad ha kata ka jingïaleh kiat u Korah ki la jot noh.

JINGPYNPAW 1:9

Ma nga u Ïoannis, uba u parabangeit jong phi, bad u nongïaïoh bynta lem ha ka jingjynjar, bad ha ka hima bad ka jingïaishah U Jisu Khrist, nga la don ha kata ka 'dewlynnong ïa kaba la khot “Patmos”, na ka bynta ka ktien U Blei bad na ka bynta ka jingphla ïa U Jisu Khrist.

1 SAMUEL 8:3

Te kita ki khun jong u kim shym ïaid ha ki lynti jong u, hynrei, ki la phai noh sha ka jinglalot, bad ki la bamsap, bad ki la pynbakla ïa ka jingbishar ruh.