1 TIMOTHI 2:9 - KA BAIBL

⁹ Kumjuh ruh, ba ki kynthei kin pynitynnad ïa lade ha ka jaiñkup ba don akor, lem bad ka jingshida bad ka jingsngew-adkar; ym da ka jingthain shñiuh, lane da ka ksiar, lane da ki paila, lane da ka jaiñkup bakordor;

Khasi CL Bible (BSI)

^9-10 Nga kwah ruh ba ki kynthei kin long kiba biang bad kiba sngewthuh ïa ki jaiñ ba ki riam bad ban riam da kaba dei; ym da ki jingkhyllong shñiuh bakhyllah ne da ki jingdeng ksiar ne ki paila ne da ki jaiñkup riam kiba remdor, hynrei da ki kam babha, kumba ka dei ïa ki kynthei kiba kam ba ki long kiba riewblei.

1 TIMOTHI 2:9 Mawu Ofanana

JENESIS 24:53

Bad uta u shakri u la sei noh ïa ki jingdeng rupa, bad ïa ki jingdeng ksiar, bad ïa ki jaiñkup, bad u la ai ïa ki ha ka Rebekka: bad ïa kiei kiei kiba kordor u la ai ha u hynmen jong ka bad ha ka kmie jong ka.

2 SYIEM 9:30

Te ynda u Jehu u la wan poi sha Jesril, ka Jesebel ka la bna ïa kata; te ynda ka la kyllan rong ïa la ka khmat, bad ka la pynitynnad ïa la ka khlieh, ka la khmih shabar na ka jingkhang ïit.

ESTHER 5:1

Te ha ka sngi ka balai, ka Esther ka la phong ïa la ki jaiñ syiem, bad ka la ïeng ha ka phyllaw ba kham shapoh ka ïing u syiem, kaba marpyrshah ïa ka ïing u syiem: bad u syiem u la shong halor ka khet jong u ha ka ïingsyiem, marpyrshah ka jingkhang jong kata ka ïing.

SALM 149:4

Naba U Trai u ieit sngewbha ïa la ki briew: un pynitynnad ïa kiba lui lui da ka jingpynim.

PROBERB 31:22

Ka thaw ha lade ki syngkhlieh ba la suh syntiew; ki jaiñkup jaiñsem jong ka ki long linen bani bad jaiñ saw bthuh.

PROBERB 31:25

Ka bor bad ka burom ki long ka jaiñkup jong ka; bad ka rkhie ïa ka por ka ban sa wan.

PROBERB 7:10

Te ha khmih, la ïashem bad u ka kynthei kaba la riam kum ka nuti, bad kaba sianti ka dohnud.

ISAÏAH 3:16

Te U Trai u la ong ruh, “Namar ba ki khun kynthei ka Seïon ki leh sarong, bad ki ïaid pynjrong ryndang bad ki khmat leh jyllieb, ki ïaid kynjih haba ki leit, bad ki pynriew shaw shaw da la ki kjat:

ISAÏAH 61:4

Te kin tei ïa ki jaka ba la kynjah ki barim, kin pynïeng ïa ki jingpynjot ba mynshuwa, kin shna ruh ïa ki shnong ba la long khlaw, ki jingpynjot jong shibun ki pateng bynriew.

JEREMAÏAH 2:32

Ka khynraw ka lah ban klet ïa la ki jingdeng, lane ka nongleit-kurim ïa la ka jingriam? Hynrei, u paidlang jong nga u la klet ïa nga kat bym lah ñiew sngi shuh.

JEREMAÏAH 4:30

Te pha, ynda la lute ïa pha, phan leh aïu? La pha pynkup ïa lade da ka jaiñ saw bthuh, la pha pyndeng ïa lade da ki jingdeng ksiar, la pha ai rong ïa la ki khmat, pha pynitynnad lehnohei ïa lade; ki nongieit jong pha ki ibeiñ ïa pha, ki wad ïa ka jingim jong pha.

MATHAÏOS 11:8

Hynrei, phi la leit ban ïohi aïu? ïa u briew ba la kup ki jaiñ bani? ha khmih, kita kiba kup ki jaiñ bani ki long ha ki ïingsyiem.

1 TIMOTHI 2:10

hynrei, (kaba dei keiñ ïa ki kynthei kiba pynpaw ïa ka jinglong riewblei) da ki jingleh babha.