1 TIMOTHI 2:3 - KA BAIBL

³ Kane ka long ka babha bad kaba pdiang hun ha khmat U Blei U Nongpynim jong ngi;

Khasi CL Bible (BSI)

^3-4 Kane ka long kaba bha bad kaba pynsngewbha ïa U Blei U Nongpynim jong ngi, namar u kwah ba uwei pa uwei un ïohlait im bad ban ïoh tip ïa ka jingshisha.

1 TIMOTHI 2:3 Mawu Ofanana

ISAÏAH 45:21

To pynbna, bad to sei noh ïa ka; ho-oid, to kin ïasylla lang: uei ba la pyni ïa kane naduh mynhyndai? Uei ba la pynbna ïa ka naduh mynbarim? Ym ma nga U Trai? Te ym don shuh U Blei nalor jong nga; U Blei bahok bad u nongpynim; ym don nalor jong nga.

LOUKAS 1:47

bad ka mynsiem jong nga ka shadkmen ha U Blei U Nongpynim jong nga;

Ka Shithi U Paul Sha Ki Nong Rom 14:18

Namar uta uba shakri ïa U Khrist ha kine kiei kiei ruh, u long uba la pynsngewbha eh ïa U Blei bad ba la pdiang hun da ki briew.

PHILIPPI 1:11

kiba la pyndap da ki soh ka hok, kiba long da U Jisu Khrist, khnang ïa ka burom bad ka jingïaroh ïa U Blei.

PHILIPPI 4:18

Hynrei, nga don kiei kiei baroh, bad nga dap kyrhai; la pyndap ïa nga, haba la ïoh pdiang na u Epaphroditos ïa kiei kiei na phi, ïa ka jingiw baiwbih, ïa ka jingkñia ba pdiang hun, ba pynsngewbha eh ïa U Blei keiñ.

KOLOSSAI 1:10

ba phin ïaid kum ba dei biang ïa U Trai, ïa ka ban pynsngewbha baroh, da kaba sei soh ha ka jingleh babha baroh, bad da kaba nang roi ha ka jingtip ïa U Blei;

1 THESSALONI 4:1

Ha kaba wai noh te, ko parabangeit, ngi kyrpad bad ngi kyntu ïa phi ha U Trai Jisu, ba kat kumba phi la pdiang na ngi kumno ka dei ïa phi ban ïaid bad ban pynsngewbha ïa U Blei, kumba phi ïaid ruh, ba phin nang roi nang roi.

1 TIMOTHI 1:1

U Paul, u apostol U Khrist Jisu katba kum ka hukum U Blei U Nongpynim jong ngi, bad U Khrist Jisu ka jingkyrmen jong ngi:

1 TIMOTHI 4:10

Namar na ka bynta kane, ngi trei bad ngi ïaleh, naba ngi la buh ïa la ka jingkyrmen ha U Blei u ba-im, uba long U Nongpynim ïa ki briew baroh, kham tam ïa kita kiba ngeit.

1 TIMOTHI 5:4

Hynrei, lada kano kano ka riewkynthei ka don ki khun lane ki ksiew, to ai kin nang nyngkong ban pyni ka jingriewblei ïa ka ïing la ka jong hi, bad ban siew kylliang ha la ki kmie ki kpa: namar kane ka long ka babha bad kaba pdiang hun ha khmat U Blei.

2 TIMOTHI 1:9

uba la pynim ïa ngi, bad uba la khot ïa ngi da ka jingkhot bakhuid, ym katba kum ki jingleh jong ngi, hynrei, katba kum ka jingthmu bad ka jingaiei jong u hi, ïa kaba la ai ha ngi ha U Khrist Jisu mynshuwa ki Ïa bymjukut,

HEBRU 13:16

Hynrei, ïa kaba leh bha bad kaba ïasam isynei to wat klet phi: namar da kiba kum kita ki jingkñia, yn pynsngewbha eh ïa U Blei.

1 PETROS 2:20

Namar ka jingïaroh aïu ka long, lada, haba phi leh pop, bad ba la shoh beiñ ïa phi, phi shah jem? hynrei, lada, haba phi leh bha bad shah shitom namar kata, phi ïaishah jem, kane ka long ka jingpynsngewbha bad U Blei.

1 PETROS 2:5

ïa phi ruh, kum ki maw ba-im la tei, ban long ka ïing bakynja mynsiem, ka jinglong lyngdoh bakhuid, ban kñia ïa ki jingkñia bakynja mynsiem, ïa kiba pdiang hun ha U Blei da U Jisu Khrist.