1 TIMOTHI 1:9 - KA BAIBL

⁹ haba da tip ïa kane, ba ïa ka hukum ym shym buh ïa u bahok, hynrei, ïa kiba beiñ hukum bad ki bymkohnguh, ïa ki bymriewblei bad ki bapop, ïa ki bymkhuid bad ïa kiba leh sang, ïa ki nongshoh kpa bad ïa ki nongshoh kmie, ïa ki nongpynïap briew,

Khasi CL Bible (BSI)

^9-10 Ka long kaba dei ban kynmaw, da shisha, ba ïa ki hukum la thaw, ym na ka bynta ki briew ki babha, hynrei ïa ki nongpynkheiñ hukum bad ki riewrunar, na ka bynta kiba khlem Blei bad kiba pop, na ka bynta kito ki bymriewblei ne ki bym long kiba kynja mynsiem, kito kiba pynïap ïa la ki kpa bad ki kmie, na ka bynta ki nongpynïap briew, na ka bynta kiba leh kam ba-ijli, na ka bynta kiba awria, ki nongrahbor, na ka bynta kito kiba shukor bad kiba ai jingphla lamler lane kito kiba leh ïa kano kano kaba markhongpong ïa ka jinghikai kaba shisha.

1 TIMOTHI 1:9 Mawu Ofanana

2 SAMUEL 16:11

Bad u Dabid u la ong ha u Abishai, bad ha la ki shakri baroh, “Ha khmih, u khun jong nga, uba la mih na ka kpoh jong nga, u wad ïa ka jingim jong nga: sa katno tam te kumta une u kynja Benjamin? To iehnoh ïa u, un wat tim; naba U Trai u la hukum ïa u.

2 SYIEM 19:37

Te haba u dang mane ha ka ïing u Nisrok u blei jong u, u Adrammelek bad u Shareser ki la pom ïap ïa u da ka waitlam: bad ki la phet ïap sha ka ri Ararat. Bad u Esarhaddon u khun jong u, u la synshar ha ka jaka jong u.

2 KHRONIKL 32:21

Te U Trai u la phah ïa u angel, uba la pynïap ïa ki riewshlur badonbor baroh, bad ïa ki nongïalam bad ki kaptan, ha ka jaka shong dara u syiem ka Assyria. Kumta, u la leit phai sha la ka ri da ka khmat balehrain. Te haba u la poi hapoh ka ïing u blei jong u, kita kiba la mih na ka kpoh jong u hi ki la pynïap ïa u hangta da ka waitlam.

EKSODOS 20:13

“Men ym pynïap.

EKSODOS 21:14

Hynrei, lada u briew un da wan da ka bamut sniew lypa ïa la u paramarjan, khnang ban pynïap ïa u da ka jingshukor; to shim ïa u ïa ka ban pynïap noh, wat na ka duwan jong nga ruh.

PROBERB 20:20

Jar uba tim ïa la u kpa lane ïa la ka kmie, ïa ka sharak jong u yn pynlip ha ka jingdum baïong ngaiñ.

PROBERB 28:17

U briew uba kit ïa ka snam jong uno uno un phet ïap sha ka 'liewlep; to mano mano wat khang ïa u.

PROBERB 28:24

Jar uba lute ïa la u kpa lane ïa la ka kmie, bad u ong, “Kam long ka jingpalat;” uta u long u lok jong u nongpynjot.

PROBERB 30:11

Don ka pateng bynriew kaba tim ïa u kpa jong ki, bad ka bymkyrkhu ïa ka kmie jong ki.

PROBERB 30:17

Ka khmat kaba rkhiebeiñ ïa la u kpa, bad kaba ñiewbeiñ ban kohnguh ïa la ka kmie, ïa kata, ki tyngab ka ri them kin khlaw noh, bad ki khun pukni kin bam ïa ka.

JEREMAÏAH 23:11

“Naba u nongïathuhlypa bad u lyngdoh ki la tngit; shisha, ha ka ïing jong nga, nga shem ka jingbymman jong ki,” ong U Trai.

ESEKIEL 21:25

Bad ma me, ko u bymman ba la mynsaw ïap, u rangbah Israel, uba ka sngi jong me ka la poi, ha ka por jong ka jingbymhok jong ka bakut;”

LEBITIKOS 20:9

Bad jar uba tim ïa la u kpa lane ïa la ka kmie yn pynïap shisha ïa u: u la tim ïa la u kpa lane ïa la ka kmie; ka snam jong u kan long halor jong u hi.

MATHAÏOS 10:21

U para te un ai noh ïa la u para ïa ka ban ïap, u kpa ruh ïa la ki khun: ki khun ruh kin ïeng ïaleh ïa ki kmie ki kpa, bad kin ïa-pynïap ruh ïa ki.

Ka Shithi U Paul Sha Ki Nong Rom 1:30

ki nongkrensiar pasiaw, ki nongkrensiar blab blab, ki nongshun ïa U Blei, kiba lehbeiñ eh, kiba leh khraw eh, kiba kren sarong eh, ki nongthaw buit ïa kiei kiei ki basniew, ki bymkohnguh ïa la ki kmie ki kpa,

Ka Shithi U Paul Sha Ki Nong Rom 4:13

Namar ym da ka hukum la jia kata ka jingkular ha u Abraham, ne ha u symbai jong u, ba un ïoh long ma u, u trai ka pyrthei; hynrei, da ka hok ka jingngeit.

Ka Shithi U Paul Sha Ki Nong Rom 5:20

Bad ka hukum ka la rung nalor kata, khnang ba kata ka jingryngkang kan da mih byllien. Hynrei, ha kaba ka pop ka la roi byllien, ka jingaiei ka la roi kyrhai kham tam eh:

Ka Shithi U Paul Sha Ki Nong Rom 6:14

Namar, ka pop kan ym don bor shuh halor jong phi: naba phim long hapoh ka hukum, hynrei, hapoh ka jingaiei.

GALATIA 3:19

Ïa ka ban lei te la long kata ka hukum? La ai ïa ka hadien namar ki jingpalat, haduh ban da wan uta u symbai ha uba la ai ïa kata ka jingkular; bad la ai ïa ka da ki angel ha ka kti u ksiang.

GALATIA 5:18

Hynrei, lada la ïalam ïa phi da U Mynsiem, phim long hapoh ka hukum keiñ.

GALATIA 5:21

ki jingbishni, ka jingbuaid, ki jingdih kyiad haw haw, bad kiba kum kita; shaphang kiba nga maham lypa ïa phi, kumba nga la maham mynshuwa, ba kita kiba ïai-leh kat kita kiei kiei kin ym ïoh ïa ka hima U Blei.

GALATIA 5:23

ban ïaleh pyrshah ïa kiba kum kita, ym don ka hukum.

DEUTERONOMI 27:16

“ ‘Ka jingtim ïa uta uba lehbeiñ ïa la u kpa lane ïa la ka kmie.’ Bad uta u paidlang baroh kin ïa-ong, ‘Amen.’

2 THESSALONI 2:8

Ynda kumta, yn pynpaw noh ïa uta u bymñiew hukum, ïa uba U Trai Jisu un pynïap da ka jingpyrsad ka shyntur jong u, bad un pyndam noh thiaw da ka jingpynpaw kata ka jingwan jong u;

1 TIMOTHI 4:7

Hynrei, kyntait ïa kita ki puriskam kai bathala bad babieit; bad to men pynmlien ïa lade sha ka jingriewblei.

1 TIMOTHI 6:20

A Timothi, to sumar kyndong ïa kata kaba la aiti ha me, da kaba phai noh na kita ki ktien bieit bathala bad ki jingïaleh pyrshah jong kata ka jingtip ïa kaba la shu khot kumta;

2 TIMOTHI 2:16

Hynrei, na kita ki ktien bieit bathala to kiar noh; namar kin ïanang kham ïaid sha ka jingbymriewblei.

2 TIMOTHI 3:2

Namar ki briew kin long kiba ieit tang ïa lade, kiba ieit sbai, kiba kren sarong, kiba leh khraw, kiba kren sniew, ki bymkohnguh ïa la ki kmie ki kpa, ki bymsngewnguh, ki bymkhuid,

TITOS 1:10

Namar don bun ki briew ki bymkohnguh, kiba kren thala thaleiñ bad kiba shukor, kham tam kita kiba na ka jingotsher:

TITOS 1:16

Ki phla ba ki tip ïa U Blei; hynrei, ha la ki kam ki len ïa u, ba ki long kiba ijli, bad ki bymkohnguh, bad ha ki jingleh babha baroh ki bymsuidñiew.

TITOS 1:6

lada uno uno ruh u long uba khlem shah kynnoh pop, u tnga jong kawei ka tnga, uba don ki khun kiba ngeit, ki bym shym la budnam lane bymkohnguh.

TITOS 3:3

Namar ngi ruh, ngi la long mynno mynno ki babieit, ki bymkohnguh, kiba la shah shukor, kiba shong mraw ha ki bun jaid ki jingkwah brai bad ki jingsngewbha, kiba im ha ka jingsniew bad ka jingbishni, kiba isih, kiba ïashun paralok.

HEBRU 11:31

Da ka jingngeit, ym shym la pynjot noh ïa ka Rahab ka nuti lem bad kita ki bymkohnguh, haba ka la pdiang ïa kita ki nongsyntiat da ka jingsuk.

HEBRU 12:16

ïoh ba don uno uno ruh uba klim, lane uba leh beiñ niam, kum u Iso, uba, namar kaba shi sien bam jingbam u la die noh ïa ka jinglong hynmen jong u hi.

1 PETROS 2:7

Ïa phi, namar kata, kiba ngeit, don kata ka jingkordor: hynrei, ha ki bymngeit, “Ïa u maw ïa uba ki nongtei ki la kyntait noh, ïa une keiñ, la pynlong ha khlieh ka dong,”

1 PETROS 3:20

ki bym shym la kohnguh mynhyndai, mynba ka jingïaishah-slem ka jong U Blei ka la ap khmih ha ki sngi u Noah, haba u dang thaw ïa ka ïinglieng, ha kaba khyndiat ki mynsiem, kata ka long phra ngut, ki la ïohlait im da ka um.

1 PETROS 4:18

Te lada, “Da kaba eh ba pynim ïa u bahok, hangno uta u bymriewblei bad u bapop un paw?”

JUDAH 1:15

ban leh ïa ka jingbishar halor baroh, bad ban pynrem noh ïa kita baroh ki bymriewblei shaphang kita ki jingleh baroh ka jingbymriewblei jong ki, ïa kiba ki la leh bymriewblei, bad shaphang kita ki ktien barunar eh ïa kiba ki la kren ki nongpop bymriewblei pyrshah ïa u.”

JINGPYNPAW 21:8

Hynrei, ïa kita kiba sheptieng, bad ïa ki bymngeit, bad ïa kiba ijli, bad ïa kiba pynïap bad ïa kiba kyr-eit, bad ïa kiba ai ksuid, bad ïa kiba mane bleithaw, bad ïa kita baroh kiba lamler, ka bynta jong ki kan long ha kata ka pung ïa kaba thang da ka ding bad da u kyndok; kaba long kata ka jingïap ka ba-ar.”

JINGPYNPAW 22:15

Shabar ki long kita ki ksew, bad kita kiba ai ksuid, bad kita kiba kyr-eit bad kita kiba pynïap, bad kita kiba mane bleithaw, bad baroh kat kiba ieit bad bathaw ïa ka lamler.