1 TIMOTHI 1:3 - KA BAIBL

³ Kumba nga la kyrpad ïa me ban ïaisah ha Ephesos, mynba nga dang leit sha Makedonia, ba men ïoh hukum ïa kita ki briew ban ym hikai ïa ki jinghikai bapher,

Khasi CL Bible (BSI)

³ Nga kwah ïa me ba men sah ha Ephesos, kumba nga la bthah ïa me mynba nga la don ha ka lynti sha Makedonia. Don na ki briew hangta kiba la ai ïa ki jinghikai lamler, bad me dei ban maham ïa ki ban sangeh.

1 TIMOTHI 1:3 Mawu Ofanana

KI KAM 18:19

Te ki la wan sha Ephesos, bad u la iehnoh sah ïa ki hangta: hynrei, u hi haba u la leit rung shapoh ka synagog, u la pyni nia ha ki Jiw.

KI KAM 18:21

hynrei, u la bidai ïa ki, u da ong, “Ngan wan phai pat ha phi lada mon U Blei.” Kumta, u la mih noh da ka lieng na Ephesos.

Ka Shithi U Paul Sha Ki Nong Rom 15:26

Namar ki la ïasngewbha eh ha Makedonia bad Akhaïa, ban ïasynñiang sbai ïa kita ki baduk napdeng ki riewkhuid kiba ha Jerusalem.

Ka Shithi U Paul Sha Ki Nong Rom 16:17

Ruh putet, nga kyrpad ïa phi, ko parabangeit, ban khmih thuh ïa kita kiba pynlong ïa kita ki jingïakhlad bad ïa kita ki jingjynthut, da kumwei pat ïa kata ka jinghikai ïa kaba phi la ïoh nang ma phi; bad to kiar noh na ki.

2 KORINTH 11:4

Namar lada shisha uta uba wan ha phi u ïalap ïa uwei pat U Jisu, ïa uba ngi ngim shym la ïalap, lane lada phi pdiang ïa uwei pat u mynsiem, ïa uba phi, phim shym la pdiang, lane ïa kawei pat ka gospel ïa kaba phi, phim shym la pdiang, phi leh bha ban ïaishah ïa u?

EPHESOS 4:14

ba kumta, ngin ym long shuh ki khynnah, ïa kiba la pynshad kynting bad ba la rong noh kylleng da ka lyer ka jinghikai baroh, da ka buit shalai ki briew, ha ka jingleh sianti, katba kum ka buit sniew ka jinghikai bakla;

PHILIPPI 2:24

hynrei, nga kyrmen ha U Trai ba ma nga hi ruh ngan wan shen.

1 TIMOTHI 4:11

Ïa kine kiei kiei ruh, to hukum bad to hikai.

1 TIMOTHI 4:6

Lada me pynkynmaw ïa kita ki parabangeit shaphang kine kiei kiei ruh, men long u shakri babha u jong U Jisu Khrist, ba la bsa ha ki ktien jong ka jingngeit bad ki jong kata ka jinghikai babha, ïa kaba me la ju bud.

1 TIMOTHI 5:7

Te ïa kine kiei kiei ruh, to hukum, ba kin ïoh long kiba khlem shah kynnoh pop.

1 TIMOTHI 6:10

Namar u thied jong ki kynja basniew baroh, long kata kaba ieit sbai: ïa kaba don kiba haba ki beh eh, la ïalam bakla ïa ki na ka jingngeit, bad la dung ïa ki hi, da kiba bun ki jingsngewsih.

1 TIMOTHI 6:17

To hukum ïa kita ki bariewspah ha kane ka pyrthei ban ym sngewmeng, lane ban ym kyrmen ha ka jingbymthikna ka spah, hynrei, ha U Blei, u ba ai kyrhai ha ngi ïa kiei kiei baroh ïa ka ban pyndonkam sngewbha ïa ki;

1 TIMOTHI 6:3

Lada uno uno ruh u hikai da kumwei, bad um kohnguh ïa kita ki ktien bajanai jong U Jisu Khrist uba U Trai jong ngi bad ïa kata ka jinghikai kaba katba kum ka jingriewblei,

2 TIMOTHI 1:18

(To U Trai un ai ha u ban shem ka jingisynei na U Trai ha kata ka sngi); bad ha kiba katno kiei kiei u la shakri ha Ephesos, me tip bha eh.

2 ÏOANNIS 1:7

Naba shibun ki nongshukor ki la ïaleit mih sha ka pyrthei, ki bymïaphla ba U Jisu Khrist u wan ha ka doh. Une keiñ, u long uta u nongshukor bad u nongïaleh pyrshah ïa U Khrist.

JINGPYNPAW 2:14

Hynrei, nga don khyndiat kiei kiei ruh pyrshah ïa pha, naba pha don hangta kiba bat ïa kata ka jinghikai u Balaam, uba la hikai ïa u Balak ban buh ïa ka jingjynthut ha khmat kita ki khun Israel, ban bam ïa kiei kiei ruh ba la kñia ïa ki bleithaw, bad ban klim sih.

JINGPYNPAW 2:20

Hynrei, nga don kane kaba pyrshah ïa pha, naba pha shah ïa kata ka briew ka Jesabel, kaba khot ïa lade “ka nongïathuhlypa”, bad ka hikai bad ka shukor ïa kita ki shakri jong nga ban klim sih, bad ban bam ïa kiei kiei ruh ba la kñia ïa ki bleithaw.