1 TIMOTHI 1:1 - KA BAIBL

¹ U Paul, u apostol U Khrist Jisu katba kum ka hukum U Blei U Nongpynim jong ngi, bad U Khrist Jisu ka jingkyrmen jong ngi:

Khasi CL Bible (BSI)

¹ Na u Paul, u apostol jong U Khrist Jisu kat kum ka hukum U Blei u Nongpynim jong ngi bad U Khrist Jisu uba long ka jingkyrmen jong ngi —

1 TIMOTHI 1:1 Mawu Ofanana

SALM 106:21

Ki la klet noh ïa U Blei u nongpynim jong ki, uba la lah leh ïa kiei kiei kiba khraw ha Ijipt;

ISAÏAH 12:2

“Ha khmih, U Blei u long ka jingpynim jong nga; ngan shaniah, bad ngan ym sngewsheptieng: namar U Trai Jehobah u long ka bor bad ka jingrwai jong nga; u la kylla long ruh ka jingpynim jong nga.”

ISAÏAH 43:11

Nga, ma nga hi, nga long U Trai; bad nalor jong nga ym don u nongpynim.

ISAÏAH 43:3

Namar nga long U Trai U Blei jong me, uta U Bakhuid jong ki Israel, u nongpynim jong me; nga la ai ïa ka Ijipt ban long ka jingsiewspah na ka bynta jong me, ïa ka Ethiopia bad ka Seba namar jong me.

ISAÏAH 45:15

Shisha me, me long U Blei uba buhrieh ïa lade, A Blei ki Israel, U Nongpynim.

ISAÏAH 45:21

To pynbna, bad to sei noh ïa ka; ho-oid, to kin ïasylla lang: uei ba la pyni ïa kane naduh mynhyndai? Uei ba la pynbna ïa ka naduh mynbarim? Ym ma nga U Trai? Te ym don shuh U Blei nalor jong nga; U Blei bahok bad u nongpynim; ym don nalor jong nga.

ISAÏAH 49:26

Bad ngan pynbam ïa ki nongbanbor jong pha da ka doh jong ki hi; bad kin ïabuaid da la ka jong ka snam, kumba da ka Waiñ thymmai: te ka doh baroh kan ïoh tip ba nga U Trai nga long u nongpynim jong pha, bad U Nongsiewspah jong pha, U Bakhlaiñ jong u Jakob.”

ISAÏAH 60:16

Phan buiñ ruh ïa ka buiñ jong ki jaid bynriew, bad phan buiñ ïa ka jymbuiñ jong ki syiem: te phan tip ba nga U Trai nga long U Nongpynim jong pha, bad U Nongsiewspah jong pha, U Badonbor jong u Jakob.

ISAÏAH 63:8

Namar u la ong, “Shisha, ki long ki briew jong nga, ki khun ki ban ym leh shukor:” kumta u la long U Nongpynim jong ki.

HOSIA 13:4

“Pynban, nga, nga long U Trai U Blei jong me na ka ri Ijipt: te men ym ithuh ïa uwei pat u blei lait na nga, nalor jong nga ruh ym don nongpynim shuh.

LOUKAS 1:47

bad ka mynsiem jong nga ka shadkmen ha U Blei U Nongpynim jong nga;

LOUKAS 2:11

naba ha kane ka sngi la kha ïa phi, ha ka shnong u Dabid, ïa U Nongpynim, uba long U Khrist uba U Trai:

KI KAM 9:15

Hynrei, U Trai u la ong ha u, “To khie leit noh; naba uta u long u atiar ba la jied ha nga, ïa ka ban kit ïa ka kyrteng jong nga ha khmat ki Jentil, bad ki syiem, bad ki khun Israel de;

Ka Shithi U Paul Sha Ki Nong Rom 1:1

U Paul, u shakri U Jisu Khrist, ïa uba la khot ban long apostol, ba la pynkyrpang sha ka gospel U Blei,

1 KORINTH 1:1

U Paul, ïa uba la khot u apostol U Jisu Khrist da ka mon U Blei, lem bad u Sosthenis u parabangeit.

1 KORINTH 9:17

Namar lada nga leh ïa kane da la ka mon sngewbha hi, nga ïoh ka bainong; hynrei, lada ym da la ka mon sngewbha hi, la aiti ha nga ïa ka kam jong kata ka gospel.

2 KORINTH 1:1

U Paul u apostol U Jisu Khrist da ka mon U Blei, bad u Timothi u parabangeit, Ha ka balang U Blei kaba don ha Korinth, lem bad ki riewkhuid baroh kiba don ha Akhaïa baroh:

GALATIA 1:1

U Paul, u apostol (ym na ki briew, lymne da u briew, hynrei, da U Jisu Khrist, bad U Blei uba U Kpa, uba la pynmih pat ïa u na ki baïap),

GALATIA 1:11

Hynrei, nga pyntip ha phi, ko parabangeit, shaphang kata ka gospel kaba la ïathuhkhana ma nga, ba kam long katba kum u briew.

KOLOSSAI 1:27

ha kiba U Blei u la imon ban pyntip katno ka long kata ka jingkynrei spah ka burom kane ka jingmaïan hapdeng ki Jentil; kaba long keiñ U Khrist ha phi, ka jingkyrmen ka burom;

2 THESSALONI 2:16

Te U Jisu Khrist hi uba U Trai jong ngi, bad U Blei uba U Kpa jong ngi uba la ieit ïa ngi, bad uba la ai ha ngi ïa ka jingpyntngen bymjukut, bad ïa ka jingkyrmen babha da ka jingaiei,

1 TIMOTHI 1:12

Te nga sngewnguh ïa uta uba la ai bor ïa nga, U Khrist Jisu uba U Trai jong ngi, naba u la ñiew ïa nga uba dei ban shaniah, haba u la thung ïa nga ha ka kam jong u;

1 TIMOTHI 2:3

Kane ka long ka babha bad kaba pdiang hun ha khmat U Blei U Nongpynim jong ngi;

1 TIMOTHI 2:7

Sha kaba la thung ïa nga u nongïalap bad u apostol (nga ong ïa kaba shisha ha U Khrist, ngam lamler keiñ), u nonghikai ïa ki Jentil ha ka jingngeit bad ka jingshisha.

1 TIMOTHI 4:10

Namar na ka bynta kane, ngi trei bad ngi ïaleh, naba ngi la buh ïa la ka jingkyrmen ha U Blei u ba-im, uba long U Nongpynim ïa ki briew baroh, kham tam ïa kita kiba ngeit.

TITOS 1:3

hynrei, ha ki Ïa jong u hi, u la pynpaw ïa ka ktien jong u ha ka jingïalap, ïa kaba la aiti ha nga katba kum ka hukum ka jong U Blei U Nongpynim jong ngi;

TITOS 2:10

ym kiba buit'ti, hynrei, kiba pyni ïa ka jingsngur babha baroh; ba ha kiei kiei baroh kin pynitynnad ïa kata ka jinghikai jong U Blei U Nongpynim jong ngi.

TITOS 2:13

kiba ïakhmih ïa kata ka jingkyrmen basuk, bad ïa ka jingmihpaw ka burom jong U Blei Bakhraw bad U Jisu Khrist U Nongpynim jong ngi;

TITOS 3:4

Hynrei, haba la paw ka jinglehsbun U Blei U Nongpynim jong ngi bad ka jingieit jong u sha u bynriew,

TITOS 3:6

ïa uba u la theh noh kyrhai ha ngi, da U Jisu Khrist U Nongpynim jong ngi;

1 PETROS 1:21

kiba ngeit da u ha U Blei, uba la pynmih pat ïa u na ki baïap, bad uba la ai ka burom ha u; ba kumta, kata ka jingngeit jong phi bad ka jingkyrmen kin ïoh long ha U Blei.

1 PETROS 1:3

Ka jingkyrkhu ïa U Blei bad ïa U Kpa U Jisu Khrist uba U Trai jong ngi, uba katba kum ka jingisynei ka bakhraw jong u, u la pynkha ar sien ïa ngi sha ka jingkyrmen kaba im, da ka jingmihpat U Jisu Khrist na ki baïap,

2 PETROS 1:1

U Simon Petros, u shakri bad u apostol U Jisu Khrist, Ha kita kiba la ïoh ïa ka jingngeit bakordor ryngkat bad ka jong ngi, da ka hok U Blei bad U Nongpynim jong ngi U Jisu Khrist:

1 ÏOANNIS 4:14

Bad ngi la ïoh khmih pyllaw, bad ngi ïaphla shai, ba U Kpa u la phah ïa U Khun ban long U Nongpynim jong ka pyrthei.

JUDAH 1:25

ha U Blei U Bastad tang ma u hi uba U Nongpynim jong ngi, da U Jisu Khrist uba U Trai jong ngi, to long ka burom, bad ka jingkhraw tam, ka jingsynshar bad ka bor, mynta ruh, bad sha ki bymjukut baroh: Amen.