1 SAMUEL 9:7 - KA BAIBL

⁷ Te u Saul u la ong ïa la u shakri, “Ha khmih, lada ngi leit, ngin leit lam da ei ha uta u briew? naba u kpu u la lut noh na ki pliang jong ngi, bad ym don kawei pat ka jingai ban leit lam ha uta u briew jong U Blei: ngi don aïu?”

Khasi CL Bible (BSI)

⁷ “Lada ngi leit sha u, ngin ai aïu ïa u?” u Saul u kylli. “Ha pla ruh ym don kpu shuh, ban ai ei ei ïa u ruh ym don ei ei shuh?”

1 SAMUEL 9:7 Mawu Ofanana

1 SYIEM 13:7

Bad u syiem u la ong ha uta u briew U Blei, “Ale sha ïing bad nga, bad to da bam da dih, bad ngan ai jingai sngewbha ha me.”

1 SYIEM 14:3

Bad to rah bad pha shiphew tylli ki kpu, bad ki 'putharo, bad shi klong ka ngap, bad leit ha u: un sa ïathuh ha pha aïu kan jia ïa u khynnah.”

2 SYIEM 4:42

Te la wan uwei u briew na Baal-shelishah, bad u la wallam kpu ïa u briew jong U Blei na ki soh nyngkong, arphew tylli ki kpu Barli, bad u soh Kew im ha la ka byrni. U la ong te, “To ai ha kine ki briew ba kin ïabam.”

2 SYIEM 5:15

Te u la leit phai sha u briew jong U Blei, ma u bad kiba bad u baroh, ki la wan, bad ki la ïeng ha khmat jong u: bad u la ong, “Ha khmih, mynta nga tip ba ym don U Blei ha ka pyrthei baroh, hynrei, tang ha Israel: nga kyrpad ïa me te namar kata, to shim ka jingai sngewbha na u shakri jong me.”

2 SYIEM 5:5

Te u syiem ka Syria u la ong, “Khie, to leit, bad ngan phah da ka shithi ha u syiem ki Israel.” Kumta, u la leit, bad u la shim bad u, shiphew ki talent rupa, bad hynriew hajar shekel ka ksiar, bad shiphew riam ki jaiñkup jaiñsem.

2 SYIEM 8:8

U syiem te u la ong ha u Hasael, “To rah ka jingai sngewbha ha la ka kti, bad to leit ïashem ïa u briew jong U Blei, bad to ïakylli ïa U Trai da u, da kaba ong, ‘Ngan koit pat ne em na kane ka jingpang?’ ”

2 SYIEM 8:9

Kumta u Hasael u la leit ïashem bad u, bad u la rah ha la ka kti ïa ka jingai sngewbha, na ki kynja babha jong ka Damaskos baroh keiñ, sawphew kit ki ut, bad haba u la wan u la ïeng ha khmat jong u, bad u la ong ruh, “U khun jong me u Benhadad u syiem ka Syria u la phah ïa nga ha me, u da ong, ‘Ngan koit pat ne em na kane ka jingpang?’ ”

ESEKIEL 13:19

Bad phi la leh sang ïa nga hapdeng ki briew jong nga na ka bynta ki kham Barli bad ki lyngkhot kpu, ban pynïap ïa ki mynsiem ki bymdei ban ïap, bad ban ri pynim ïa ki mynsiem ki bymdei ban im, da ka jinglamler jong phi ïa ki briew jong nga kiba sngap ïa ki jinglamler.” ’ ”

NONGBISHAR 6:18

Nga kyrpad ïa me, wat leit noh nangne, tad ynda nga wan ha me, bad nga wallam ka jingainguh jong nga ban buh ha khmat jong me.” U te u la ong, “Ngan ap keiñ haduh ba men da wan pat.”