1 SAMUEL 8:3 - KA BAIBL

³ Te kita ki khun jong u kim shym ïaid ha ki lynti jong u, hynrei, ki la phai noh sha ka jinglalot, bad ki la bamsap, bad ki la pynbakla ïa ka jingbishar ruh.

Khasi CL Bible (BSI)

³ Hynrei kim shym bud ïa ka nuksa u kpa jong ki; ki im sngi tang ha kaba kamai spah, kumta ki bamsap bad kim bishar hok ïa ki jingïakajia.

1 SAMUEL 8:3 Mawu Ofanana

2 SAMUEL 15:4

U Absalom u la ju ong ruh, “A ban da la buh nongbishar ïa nga ha kane ka ri, ba uno uno u briew uba don ka kam lane ka kajia u lah ban wan ha nga, nga te ngan da leh hok ïa u!”

SALM 15:5

U bym ai tyngka ban shim sut than, lymne um bamsap ïaleh ïa uba lui lui. Uta uba leh ïa kine kiei kiei yn ym pynkhih ïa u lano lano ruh.

SALM 26:10

kiba ha ki kti jong ki ka jingpynsniew ka don, bad ka kti kamon jong ki ka dap da kaba bamsap.

EKSODOS 18:21

Ruh putet, men jied na uta u paidbah baroh ïa ki briew kiba nang basian, ki basheptieng ïa U Blei, ïa ki briew keiñ ki bahok, kiba isih ïa ka jinglalot; men thung ruh kum kine halor jong ki, ba kin long ki nongsynshar ïa ki hajar, bad ki nongsynshar ïa ki spah, bad ki nongsynshar ïa ki sanphew, bad ki nongsynshar ïa ki phew.

EKSODOS 23:6

“Ha ka jingïakajia jong u, men ym pynsniew ïa ka jingbishar u baduk jong me.

EKSODOS 23:8

Wat bamsap: naba kaba bamsap ka pynmatlah ïa ki bastad, bad ka pynbakla ruh ïa ki ktien jong ki bahok.

EKLESIASTIS 2:19

Bad uei ba tip la un long u bastad ne u babieit? Pynban, un ïoh synshar halor ka kam jong nga baroh ïa kaba nga la trei, bad ha kaba nga la pyni ka jingstad hapoh ka sngi. Kane ruh ka long kaba thala.

ISAÏAH 1:23

Ki nongsynshar jong pha ki leh kiat, bad ki long ki lok ki nongtuh; uwei uwei baroh u ieit kaba bamsap, bad u beh ïa ka myntoi; kim bishar ïa u khunswet, bad ka kam ka riewkynthei kam ju wan ha khmat jong ki.

ISAÏAH 33:15

Uta uba ïaid hok, bad uba kren beit; uta uba isih ïa ka jingïoh myntoi ka jingshukor, uba kynther ïa la ki kti na ka ban bam tyngka, uba set khop ïa la ki shkor na ka jingbna ïa ka snam, bad uba khapbrip ïa la ki khmat na kaba khmih ïa ka basniew;

MIKAH 3:11

Ki rangbah jong ka ki bishar ba kin ïohnong, bad ki lyngdoh jong ka ki hikai namar ka bainong, bad ki nongïathuhlypa jong ka ki khan ba kin ïoh tyngka: pynban, ki shan ha U Trai, bad ki ong, ‘Hato U Trai um don hapdeng jong ngi? kan ym jia ka basniew ïa ngi.’

DEUTERONOMI 16:19

Men ym pynkynriang ïa ka jingbishar; me wat ñiew shiliang khmat: wat bamsap; namar kaba bamsap, ka pynmatlah ïa ki khmat jong ki bastad, bad ka pynkylla dor ïa ki ktien jong ki bahok.

1 TIMOTHI 3:3

u bym shait ïamai, u bymïashoh ïadat; hynrei, uba jemnud, u bymïania, u bymieit sbai;

1 TIMOTHI 6:10

Namar u thied jong ki kynja basniew baroh, long kata kaba ieit sbai: ïa kaba don kiba haba ki beh eh, la ïalam bakla ïa ki na ka jingngeit, bad la dung ïa ki hi, da kiba bun ki jingsngewsih.

1 SAMUEL 12:2

Te mynta, ha khmih, u syiem u ïaid ha khmat jong phi: nga te nga la tymmen bad nga la phuh 'ñiuhlieh; bad ha khmih, ki khun jong nga ki don bad phi: bad nga la ïaid ha khmat jong phi naduh ba nga dang samla haduh kane ka sngi.

1 SAMUEL 2:35

Bad ngan pynmih ha lade ïa u lyngdoh uba ngeit, u ban leh kat kaba don ha ka dohnud jong nga bad ha ka jingmut jong nga: bad ngan tei ïa ka ïing kaba skhem ha u; bad un ïaid ha khmat uba la sleh jong nga junom.