1 SAMUEL 7:6 - KA BAIBL

⁶ Te ki la ïalum lang ha Mispah, bad ki la ïatong um, bad ki la ïatheh ha khmat U Trai, bad ki la ïashah jingit ha kata ka sngi, bad ki la ïa-ong hangta, “Ngi la leh pop ïa U Trai.” Bad u Samuel u la bishar ïa ki khun Israel ha Mispah.

Khasi CL Bible (BSI)

⁶ Kumta baroh ki ïalumlang ha Mispah. Ki tong ïa ka um bad ki theh ïa ka kum ka jingainguh ha U Trai bad ki shahjingit baroh shi sngi. Ki ong, “Ngi la leh pop pyrshah ïa U Trai.” Dei ha Mispah ba u Samuel u pynbeit ïa ki jingïakajia hapdeng ki Israel.

1 SAMUEL 7:6 Mawu Ofanana

JENESIS 31:49

bad “Mispah” ruh; naba u la ong, “U Trai un da khmih thuh hapdeng jong nga bad jong me, haba ngim ïadon shuh markhmat paralok hi.

2 SAMUEL 14:14

Naba ngi dei ban ïap noh, bad ngi long kum ka um ba la theh ha khyndew, ïa kaba ym lah shuh ban tong pat; lymne U Blei um shim noh ïa ka jingim, hynrei, u pyrkhat ïa ka lad ba uta ïa uba la beh noh un ym long uba la kyntait noh na u.

1 SYIEM 8:47

pynban, lada kin pyrkhat ïa lade ha kata ka ri sha kaba la ring mraw ïa ki, bad kin phai pat, bad kin kyrpad ha me ha ka ri kita kiba la ring mraw ïa ki, ki ïa-ong, ‘Ngi la leh pop, bad ngi la leh mutlop, bad ngi la leh bymman ruh’;

1 KHRONIKL 11:18

Bad kine ki lai ngut ki la tur lyngba u paidïapom ki Philistia, bad ki la tong um na ka pukri Bethlehem, kaba hajan ka khyrdop, ki la shim ïa ka, bad ki la wallam sha u Dabid: hynrei, u Dabid um treh ban dih ïa ka, hynrei, u la theh noh ïa ka ha U Trai,

2 KHRONIKL 20:3

Bad u Jehoshaphat u la sheptieng, bad u la aiti ïa lade ban wad ïa U Trai; bad u la pynbna ka jingshah jingit ha ka Judah baroh.

NEHEMAÏAH 9:27

Namar kata, me la ai noh ïa ki ha ka kti ki nongshun jong ki, kiba la pynjynjar ïa ki: bad ha ka por ka jingshipa jong ki, haba ki la lynñiar ha me, me la ïohsngew ïa ki na bneng; bad katba kum ki jingisynei ba bun jaid jong me, me la ai ki nongpynim ïa ki kiba la pynim ïa ki na ki kti ki nongshun jong ki.

Ka Kitab U Job 16:20

Ki lok jong nga ki rkhiebeiñ ïa nga: nga te ki khmat jong nga ki jaw ummat sha U Blei;

Ka Kitab U Job 3:24

Naba ka jingud jong nga ka wan haba ngam pat bam ja, bad la theh noh ïa ki jingkyrhuh jong nga kum ka um.

Ka Kitab U Job 33:27

U rwai ha khmat ki briew, bad u ong, ‘Nga la leh pop, bad nga la pynbakla ïa kaba dei, te kam shym pynmyntoi ïa nga.

Ka Kitab U Job 40:4

“Ha khmih, nga u barit ria; ngan ïathuh aïu ïa me? Nga tap ïa la ka kti ha la ka shyntur.

Ka Kitab U Job 42:6

namar kata, nga isih ïa lade, bad nga kylla-ka-bamut ha ka 'dewmet bad ka dpei.”

SALM 106:6

Ngi la leh pop lem bad ki kpa jong ngi, ngi la leh bymman, ngi la leh sniew.

SALM 119:136

Ki wah um ki tuid na ki khmat jong nga, namar ba kim sumar ïa ki aiñ jong me.

SALM 42:3

Ki ummat jong nga ki la long jingbam ïa nga mynsngi bad mynmiet, katba ki ïa-ong ïa nga ha la ka sngi, “Hangno uta U Blei jong me?”

SALM 6:6

Nga la thait ïan da ka jingud jong nga; man ka miet nga pynshlei ïa la ka jingthiah; nga pynjhieh ïa la ka palong da la ki ummat.

SALM 62:8

To shaniah ha u ha ki por baroh, phi ki paidbah; to theh noh ïa la ka dohnud ha khmat jong u: U Blei u long ka jaka rieh ïa ngi. Selah.

JEREMAÏAH 31:19

Shisha, hadien ba la pynphai ïa nga, nga la kylla-ka-bamut; bad hadien ba la hikai ïa nga, nga la thab ïa la ka lbong: nga la lehrain, shisha, nga la shaïong, namar nga la shah ïa ki jingkrenbeiñ ïa ka jinglong samla jong nga.’

JEREMAÏAH 36:9

Te ha ka snem ka basan jong u Jehoïakim u khun u Josaïah, u syiem ka Judah, ha u bnai u bakhyndai, ki briew baroh ha Jerusalem, bad ki briew baroh kiba la wan na ki shnong Judah sha Jerusalem, ki la pynbna ka jingshah jingit ha khmat U Trai.

JEREMAÏAH 9:1

A ba ka khlieh jong nga kan da la long ki um, bad ki khmat jong nga ka pukri ki ummat, ba ngan da ïoh ïam synñia sngi na ka bynta kiba la shah pynïap jong ka khun ki briew jong nga!

SNGEWSYNEI 2:11

Ki khmat jong nga ki dum noh namar ki ummat, ki snier jong nga ki khih, ïa u dohnud jong nga la theh noh halor ka khyndew, namar ka jingpynjot ka khun ki briew jong nga; namar ba ki khun rit bad kiba dang buiñ ki ïapler ha ki lynti bah ka shnong.

SNGEWSYNEI 3:49

“Ka khmat jong nga ka theh noh, kam sangeh ruh, khlem da pep,

SNGEWSYNEI 5:16

Ka pansngiat ka la hap na ka khlieh jong ngi: kordit ïa ngi! naba ngi la leh pop.

ESEKIEL 20:4

Me men bishar ïa ki, ko khun u briew, me men bishar ïa ki? To pyntip ha ki ïa ki jingijli ki kpa jong ki,

HOSIA 5:1

“To sngew ïa kane, phi ki lyngdoh, bad to sngap, phi ka ïing Israel, bad to shahshkor, ko ïing u syiem, namar ha phi long ka jingbishar; namar phi la long ka jingriam ha Mispah, bad ka jar ba la phriang halor u Tabor.

JOEL 2:12

“La kumta ruh wat mynta hi,” ong U Trai, “to phai ha nga da la ka dohnud baroh, bad da ka jingshah jingit, bad da kaba ïam, bad kaba ïam sngewsih:

LEBITIKOS 16:29

“Bad kane kan long ka hukum junom ïa phi pateng la pateng: ba ha u bnai u bahynñiew, ha ka sngi ka bashiphew jong uta u bnai, phin leh sngewsih ïa la ki mynsiem, bad phin ym kam ïa kano kano ruh ka jingkam da lei lei ruh, la u long u parakher paramer, lane u nongwei uba wanhap hapdeng jong phi:

LEBITIKOS 26:40

“Bad kin phla ïa ka jingleh bymman jong ki, bad ïa ka jingleh bymman ki kpa jong ki, bad ïa ka jingpalat ïa kaba ki la leh palat pyrshah ïa nga, bad ba ki, ki la ïaid pyrshah ïa nga,

LOUKAS 15:18

Ngan ïeng joit, bad ngan leit sha la u kpa, bad ngan ong ha u: “Ko Pa, nga la leh pop ïa ka bneng, bad ha khmat jong me;

JOSHUA 18:26

bad ka Mispeh, bad ka Khephirah, bad ka Mosah;

NONGBISHAR 10:10

Bad ki khun Israel ki la lynñiar ha U Trai, ki la ong, “Ngi la leh pop ïa me, namar ba ngi la lyndet ïa U Blei jong ngi, bad ngi la leit shakri ïa ki Baal.”

NONGBISHAR 10:15

Ki khun Israel te ki la ong ha U Trai, “Ngi la leh pop: to leh ïa ngi ïa kaei kaei ruh katba me ibit; ngi duwai ïa me, tang ba men pyllait ïa ngi ha kane ka sngi.”

NONGBISHAR 2:4

Te haba uta u angel U Trai u la kren ïa kine ki ktien ha ki khun Israel baroh, u paidbah u la kyang jam, bad u la ïam.

NONGBISHAR 20:23

(Te ki khun Israel ki la ïaleit kiew bad ki la ïam ha khmat U Trai ha ban da la janmiet; bad ki ïakylli ïa U Trai, ki da ong, “Ngan leit kiew pat ban ïaleh thma ïa ki khun u Benjamin u para jong nga?” U Trai te u la ong, “Leit kiew ban ïaleh ïa u.”)

NONGBISHAR 20:26

Ynda kumta, ki khun Israel baroh, bad u paidbah baroh, ki la ïaleit kiew, bad ki la wan sha Bethel, ki la ïam ruh, bad ki la shong hangta ha khmat U Trai, bad ki la shah jingit ha kata ka sngi ha ban da la janmiet; bad ki la ainguh da ki jingainguh thang bad ki jingainguh pynïasuk ruh ha khmat U Trai.

NONGBISHAR 3:10

U Mynsiem U Trai te u la wan ha u, bad u la bishar ïa ki Israel; bad u la mih ha ka thma, U Trai te u la ai noh ïa u Kushan-rishathaim u syiem ka Mesopotamia ha ka kti jong u: bad ka kti jong u ka la jop ïa u Kushan-rishathaim.

1 SAMUEL 1:15

Te ka Hannah ka la ïathuh ka la ong ruh, “Em, ko kynrad, hynrei, nga ka briew ka bajynjar ka mynsiem: ïa ka Waiñ lane ka kyiad ngam shym la dih, hynrei, nga la theh noh ïa la ka mynsiem ha khmat U Trai.

1 SAMUEL 10:17

Bad u Samuel u la khot lang ïa ki paidbah ha U Trai sha Mispah;

1 SAMUEL 12:10

Te ki la ïam ha U Trai, bad ki la ong, ‘Ngi la leh pop, namar ba ngi la iehnoh noh ïa U Trai, bad ngi la shakri ïa ki Baal bad ki Ashtaroth: hynrei, mynta to pynim ïa ngi na ka kti ki nongshun jong ngi, te ngin shakri ïa me.’

1 SAMUEL 7:15

Bad u Samuel u la bishar ïa ki Israel baroh ki sngi ka rta jong u.