1 SAMUEL 6:7 - KA BAIBL

⁷ Mynta te, to phin thaw ïa ka kali ka bathymmai, to shim ruh ar tylli ki masi ai dud, ha kiba ym shym la buh ïa ka lyngkor, to teh ruh ïa kita ki masi ha kata ka kali bad to wallam noh ïa ki khun masi na ki sha ïing;

Khasi CL Bible (BSI)

⁷ Kumta pynkhreh kawei ka kali thymmai bad ar tylli ki masi kynthei ha kiba ym pat ju pyndait lyngkor; teh ïa ki ha kata ka kali, bad ïalam noh ïa ki khun masi sha sem.

1 SAMUEL 6:7 Mawu Ofanana

2 SAMUEL 6:3

Bad ki la buh ïa kata ka synduk U Blei ha ka kali ka bathymmai, bad ki la wallam ïa ka na ka ïing u Abinadab, kaba ha Gibeah: te u Ussah bad u Ahio, ki khun u Abinadab, ki la ñiah ïa kata ka kali ka bathymmai.

1 KHRONIKL 13:7

Bad ki la pynkit ïa ka synduk U Blei halor ka kali thymmai, bad ki la wallam noh ïa ka, na ka ïing u Abinadab: bad u Ussa bad u Ahio ki la ïañiah ïa ka kali.

JINGKHEIÑ 19:2

“Kane ka long ka rukom jong ka hukum ïa kaba U Trai u la hukum, u da ong, ‘To kren ha ki khun Israel, ba kin wallam ha me ïa ka masi lud basaw ba-tlem, ha kaba ym don ka jingduna, bad ha kaba ym shym la buh ïa ka jwar mynno mynno ruh:

DEUTERONOMI 21:3

te kan long ha kata ka nongbah kaba kham jan ïa uta u briew ba la pynïap, ba ki tymmen basan jong kata ka nongbah kin shim da ka masi lud, ïa kaba ym shym la pyntrei, bad ka bym shym la ring hapoh ka lyngkor;

DEUTERONOMI 21:4

te ki tymmen basan jong kata ka nongbah, kin ïawallam ïa kata ka masi lud ha ka them ba sah khlaw, ïa kaba ym ju lur lymne bet, bad kin khrai khlieh ïa kata ka masi lud hangta ha kata ka them: