1 SAMUEL 22:7 - KA BAIBL

⁷ ynda kumta, u Saul u la ong ha la ki shakri kiba ïeng baroh sawdong ïa u, “To sngap mynta, phi ki Benjamin; une u khun u Jesse un ai mo ha uwei uwei baroh na phi da ki lyngkha bad ki brisoh Waiñ, un pynlong ne em ïa phi baroh ki nongïalam halor ki hajar, bad ki nongïalam halor ki spah;

Khasi CL Bible (BSI)

⁷ La ïathuh ha u ba la lap ïa u Dabid bad ki nongbud jong u, bad u ong ha ki rangbah pynïaidkam jong u, “Shahshkor, ko rangbah Benjamin! Hato phi pyrkhat ba u Dabid un ai ïa ki lyngkha bad ki bri sohwaiñ ha phi baroh, bad ban thung ïa phi ki rangbah nongïalam ha ka kynhun shipai jong u?

1 SAMUEL 22:7 Mawu Ofanana

2 SAMUEL 18:1

Bad u Dabid u la ñiew ïa u paidbah uba la don bad u, bad u la buh ki rangbah shihajar bad ki rangbah shispah halor jong ki.

2 SAMUEL 20:1

Te la jia ba la don hangta u briew u Belial uba kyrteng “u Sheba”, u khun u Bikhri, u kynja Benjamin: une te u la put ïa ka ronsing, bad u la ong, “Ngi ngim don ka bynta ha u Dabid, lymne ngim don ka bynta ba hap ha u khun u Jesse: to uwei uwei baroh sha la ki ïingjaiñ, ko Israel.”

1 SYIEM 12:16

Te haba ki Israel ki la ïohi ba u syiem um pynshahshkor ha ki, u paidbah u la ïathuh ha u syiem, u da ong, “Ngi don bynta aïu ha u Dabid? lymne ngim don ka jingïoh ei ei ha u khun u Jesse: ïa, sha la ki ïingjaiñ, ko Israel; mynta te to khmih hi ïa la ka ïing, ko Dabid.” Kumta, ki Israel ki la leit noh sha la ki ïingjaiñ.

1 KHRONIKL 12:16

Bad la don na ki khun Benjamin bad Judah kiba la wan sha ka kut ha u Dabid.

ISAÏAH 11:1

Te un mih u tnat lung na ka metbah u Jesse, bad u tnat na ki thied jong u un sei soh:

ISAÏAH 11:10

Te kan jia ha kata ka sngi, ba u thied u Jesse, uba long kum ka lama ïa ki kynja bynriew; ha u ki jaid bynriew kin ïawad; bad ka jaka shongthait jong u kan long kaba donburom.

1 SAMUEL 18:14

Te u Dabid u la ïaid leh sian ïa lade ha ki lynti jong u baroh; bad U Trai u la don lem bad u.

1 SAMUEL 20:27

Te ha kaba lashai u bnai u bathymmai, ka sngi ka ba-ar keiñ, ka jaka u Dabid ka la long suda; bad u Saul u la ong ha u Jonathan u khun jong u, “Balei ba u khun u Jesse um shym wan sha ka jingbam mynhynnin, bad mynta ruh?”

1 SAMUEL 20:30

Ynda kumta, ka jingbitar u Saul ka la meh lep ïa u Jonathan, bad u la ong ha u, “Me u khun jong kata ka bakiat bad bamutlop, nga ngam tip ba me la jied ïa une u khun u Jesse ban long ka jingjahburom ïa me, bad ban long ka jinglehrain ïa ka jinglyngkhuit ka kmie jong me?

1 SAMUEL 22:13

Te u Saul u la ong ha u, “Na ka balei phi la ïashet buit lem pyrshah ïa nga, ma me bad u khun u Jesse, ha kaba me la ai kpu ïa u, bad ka waitlam, bad ba me la ïakylli jingkylli na U Blei na ka bynta jong u, ba kumta un ïeng ïaleh ïa nga, ban ap thap, kumba ha kane ka sngi?”

1 SAMUEL 22:9

Ynda kumta, uta u Doeg u nong Edom, ïa uba la buh halor ki shakri u Saul, u la ïathuh, bad u la ong, “Nga la ïohi ïa u khun u Jesse ba u wan sha Nob, ha u Ahimelekh u khun u Ahitub.

1 SAMUEL 25:10

Te u Nabal u la ïathuh ha kita ki shakri u Dabid, bad u la ong, “U Dabid u long uei? Bad uei u khun u Jesse? don bun ki shakri ha kine ki sngi kiba phet noh uwei pa uwei na la u kynrad.