1 SAMUEL 2:3 - KA BAIBL

³ Wat da kren sarong eh shuh; wat ai ban mih ka jingmeng na ka shyntur jong phi: namar U Trai u long U Blei ka jingtip, bad u ju thew ïa ki jingleh.

Khasi CL Bible (BSI)

³ Sngap noh na kaba kren kob; sngap jar na kaba kren meng. Naba U Trai u long U Blei uba tip lut, bad u bishar ïa ki jingleh ki briew baroh.

1 SAMUEL 2:3 Mawu Ofanana

1 SYIEM 8:39

te to sngew ma me ha bneng ka jaka shongneh jong me, bad to map, bad to leh, bad to ai ha u briew baroh katba kum ki lynti jong u baroh, uba ka dohnud jong u me tip; (naba me, tang ma me hi keiñ, me tip ïa ka dohnud ki khun bynriew baroh;)

Ka Kitab U Job 31:6

(To ai ba yn thew ïa nga ha ka tarajur ka bahok, ba U Blei un ïoh tip ïa ka jingjanai jong nga):

SALM 147:5

U bakhraw long U Trai jong ngi, bad u bakhlaiñ ha ka bor; ka jingshemphang jong u ka bymkut shuh.

SALM 17:10

La sop ïa ki ha la ka jong ka khleiñ: da la ka shyntur ki ïakren sarong.

SALM 31:18

Ai ba kin sngap noh jar ki rmiang shyntur kiba lamler; kiba da kaba meng ki kren pyrshah ïa ki bahok, da ka jingsarong bad ka jingñiewbeiñ.

SALM 44:21

hato, U Blei un ym wad noh ïa kata? naba u tip ïa ki jingbuhrieh ka dohnud.

SALM 75:5

Wat da kyntiew sha jrong ïa la ka reng: wat kren bad ka ryndang kaba eh.”

SALM 94:4

Ki ïakren blab blab, ki ïakren sarong: ki nongleh ïa ka bymman baroh ki kren pynkhraw ïa lade.

PROBERB 16:2

Ki lynti baroh ki jong u briew, ki long ki bakhuid ha khmat jong u hi: hynrei, U Trai u thew ïa ki mynsiem.

PROBERB 24:12

Lada me ong, “Ha khmih, ngim shym tip ïa kane:” hato uta uba thew ïa ki dohnud um pyrkhat ïa ka? bad uta uba ri ïa ka mynsiem jong me, um tip ïa ka? Bad un ai ne em ha uwei uwei baroh katba kum ka kam jong u?

PROBERB 8:13

Ka jingsheptieng ïa U Trai long ban shun ïa ka basniew: ïa ka jingsarong, bad ka jingsngewmeng, bad ka lynti ka basniew, bad ïa ka shyntur kaba mutlop, nga isih.

ISAÏAH 26:7

Ka lynti ki bahok ka long ka jingbeit: ma me uba beit, me ju ïalam ïa ka lynti jong u bahok.

ISAÏAH 37:23

“ ‘Ïano me la krenbeiñ bad me la kren sang? Pyrshah ïano ruh me la pynjam ïa la ka ktien bad me la khmied ïa la ki khmat sha jrong? Pyrshah ïa uta U Bakhuid jong u Israel keiñ.

JEREMAÏAH 17:10

“Nga U Trai uba ïit ïa ka dohnud, nga tynjuh ïa ki khyllai, kat ban ai ha uwei uwei baroh katba kum ki lynti jong u, katba kum u soh ki jingleh jong u.”

ESEKIEL 35:13

Bad da la ka shyntur phi la pynkhraw ïa lade pyrshah ïa nga, bad phi la pynbun ïa ki ktien jong phi pyrshah ïa nga: nga la ïohsngew keiñ ïa kata.’ ”

DANIEL 4:37

Mynta, nga, u Nebukhadnessar, nga ïaroh bad kyntiew nam bad pyndonburom ïa uta u syiem jong ka bneng; namar ki kam jong u baroh, ki long ka jingshisha, bad ki lynti jong u, ka jingbishar: bad ïa kiba ïaid ha ka jingsarong, u lah ban pynpoh.”

DANIEL 5:27

Tekel, la thew ïa me ha ki tarajur, bad la shem ba me duna.

MALAKHI 3:13

“Ki ktien jong phi ki la eh than pyrshah ïa nga,” ong U Trai. “Pynban, phi ong, ‘Ngi la kren aïu pyrshah ïa me?’

HEBRU 4:12

Namar ka ktien U Blei ka long kaba im, bad kaba don bor, bad kaba kham nep ban ïa kano kano ka waitlam ar liang syrti, bad kaba pei haduh kaba pynkhlad ïa ka jingim bad ïa ka mynsiem, ïa ki mat bad ïa ka khleiñ shyieng ruh, bad kaba bishar ïa ki jingmut bad ïa ki jingthmu ka dohnud.

JOSHUA 22:22

“U Trai, U Blei ki blei, U Trai, U Blei ki blei, u tip, bad u Israel un sa tip; lada ka long ha ka jingïaleh pyrshah, lane lada ha ka jingpalat ïa U Trai, (wat pynim ïa ngi ha kane ka sngi,)

JINGPYNPAW 2:23

Bad ngan pynïap noh ïa ki khun jong ka da ka jingïap; te kita ki balang baroh kin ïatip ba long ma nga uta uba ïit thuh ïa ki khyllai bad ïa ki dohnud; te ngan ai ha phi uwei pa uwei baroh katba kum ki jingleh jong phi.

NONGBISHAR 9:38

Ynda kumta, u Sebul u la ong ha u, “Shano mynta ka shyntur jong me, ba me la ong, ‘Uei uta u Abimelekh, ba ngin leit shakri ïa u?’ Une u long u paidbah ïa uba me la ibeiñ: to leit mih noh mynta, nga kyrpad, bad to ïaleh bad ki.”

1 SAMUEL 16:7

Hynrei, U Trai u la ong ha u Samuel, “Wat khmih ïa ka khmat jong u, lymne ïa ka jingjrong ka rynïeng jong u, namar nga la kyntait ïa u: naba U Blei um ju khmih kumba khmih u briew; naba u briew u ïohi tang ïa ka dur kaba shabar, hynrei, U Trai u ïohi ïa ka dohnud.”