1 SAMUEL 2:10 - KA BAIBL

¹⁰ Yn pynlwet jin ïa ki nongïaleh pyrshah ïa U Trai; na bneng un tied pyrthat pyrshah ïa ki: U Trai un bishar ïa ka bakut ka pyrthei; un ai bor ruh ha la u syiem, bad un pynkyntiew ïa ka reng jong uba la sleh jong u.”

Khasi CL Bible (BSI)

¹⁰ Ïa ki nongïaleh pyrshah ïa U Trai yn pynjot; kum u pyrthat na bneng un tied pyrshah ïa ki. U Trai un bishar ïa ka pyrthei baroh kawei; Un ai ka bor ha la u syiem, Un pynlong ïa u syiem ba la jied jong u ban ïoh ïa ka jingjop.”

1 SAMUEL 2:10 Mawu Ofanana

2 SAMUEL 22:14

U Trai u la riew pyrthat na bneng, bad uta U Bahakhlieh Tam u la pynjam ïa la ka ktien.

2 SAMUEL 7:13

Un tei ma u keiñ ïa ka ïing ïa ka kyrteng jong nga; nga ruh ngan pynskhem ïa ka khet ka jinglong syiem jong u junom.

2 SAMUEL 7:8

Mynta te men ong kumne ïa u Dabid u shakri jong nga, “Kumne u ong U Trai ki paid: Nga la shim ïa me na kata ka jingker, bad na kaba bud ïa ki langbrot, ïa ka ban long u nongïalam halor ki briew jong nga, halor ki Israel keiñ.

Ka Kitab U Job 40:9

Lane me don ka ksangkti kum ka jong U Blei? lane me lah ban pynmih pyrthat da la ka ktien kum ma u?

SALM 132:17

Hangta ngan pynphuh ïa ka reng u Dabid: nga la khreh ïa ka sharak ïa uba la sleh jong nga.

SALM 148:14

Bad u la pynkyntiew ïa ka reng ki briew jong u, ka jingïaroh ki riewkhuid jong u baroh; ka jong ki khun Israel keiñ, ki briew kiba hajan jong u. To ïaroh ïa U Trai.

SALM 2:2

Ki syiem ka pyrthei ki ïaïeng, bad ki nongsynshar ki ïasylla lang pyrshah ïa U Trai, bad pyrshah ïa uba la sleh jong u, ki ïa-ong,

SALM 2:6

“Pynban, nga la thung ïa la u syiem halor ka Seïon, u lum bakyntang jong nga.”

SALM 2:9

Men pynkheiñ ïa ki da u dieng synshar nar; men lympat lwit ïa ki kum u khiew khyndew.”

SALM 20:6

Mynta nga tip ba U Trai u pynim ïa uba la sleh jong u; un sngew ïa u na ka bneng bakhuid jong u da ka bor bapynim ka kti kamon jong u.

SALM 20:7

Don kiba shaniah ha ki kali, kiwei pat ruh ha ki kulai: hynrei, ngi ngin ïathuh ïa ka kyrteng U Trai U Blei jong ngi.

SALM 21:1

U syiem un leh kmen ha ka bor jong me, A Trai; bad ha ka jingpynim jong me katno kaba khraw un shadkmen!

SALM 28:8

U Trai u long ka bor jong ki, bad U long ka kut ka jingpynim ïa uba la sleh jong U.

SALM 45:7

Me la ieit ïa ka hok, bad me la isih ïa ka jingbymman: namar kata, U Blei, U Blei jong me keiñ, u la pynsleh ïa me da ka umphniang ka jingkmen tam ïa ki paralok jong me.

SALM 89:17

Naba me, me long ka burom ka bor jong ki: bad ha ka jingsngewbha jong me yn pynkyntiew ïa ka reng jong ngi.

SALM 89:24

Hynrei, ka jingshisha jong nga bad ka jingisynei jong nga kin long lem bad u; bad ha ka kyrteng jong nga yn pynkyntiew ïa ka reng jong u.

SALM 89:25

Ngan buh ïa ka kti jong u ruh halor ka duriaw, bad ka kti kamon jong u halor ki wah.

SALM 96:13

ha khmat U Trai, naba u wan; namar u wan ban bishar ïa ka khyndew; un bishar ïa ka pyrthei da ka hok, bad ïa ki kynja bynriew da ka jingshisha jong u.

SALM 98:9

ha khmat U Trai, naba u wan ïa ka ban bishar ïa ka khyndew: un bishar ïa ka pyrthei da ka hok, bad ïa ki kynja bynriew da ka jingbeit.

EKSODOS 15:6

Ka kti kamon jong me, A Trai, ka long kaba donburom ha ka bor, ka kti kamon jong me, A Trai, ka la lympat lyngkhot lyngkhai ïa ki nongshun.

EKLESIASTIS 11:9

Leh kmen, ko samla, ha la ka jinglong samla; bad to ka dohnud jong me kan pynkmen ïa me ha ki sngi ka jinglong samla jong me, bad ïaid ha ki lynti ka dohnud jong me, bad ha ka jingïohi ka khmat jong me: hynrei, kynmaw me ba U Blei un bishar ïa me shaphang kine kiei kiei baroh.

EKLESIASTIS 12:14

Namar U Blei un wallam ïa ka kam baroh ha ka jingbishar, bad ïa kaei kaei baroh ba la buhrieh, la ka long ka babha lane ka basniew.

ISAÏAH 29:6

U Trai ki paid un wan jngoh ïa ka da u pyrthat, bad ka jingkhynñiuh jumai, bad ka jingsawa bakhraw, da ka lyer langthari bad ka 'erïong, bad ka thylliej ding ka ding babam duh.

ISAÏAH 32:1

Ha khmih, u syiem un synshar ha ka hok, bad ki nongsynshar kin synshar ha ka jingbishar.

ISAÏAH 45:24

“Uwei un ong ha nga, ‘Tang ha U Trai ka don ka hok bad ka bor: ha u hi ki briew kin wan, kita baroh kiba sngewbitar ïa u kin sngewlehrain.’

ESEKIEL 29:21

“Ha kata ka sngi, ngan pynmih ïa ka reng ha ka ïing Israel, bad ngan ai ïa me ba men ang la ka shyntur hapdeng jong ki; bad kin ïoh tip ba nga long U Trai.”

MATHAÏOS 25:34

Ynda kumta, U Syiem un ong ha kita sha kamon jong u, ‘To wan phi ïa kiba la kyrkhu jong U Kpa jong nga, to ïoh ïa ka hima ïa kaba la pynkhreh keiñ ïa phi na myndanglong ka pyrthei.

MATHAÏOS 28:18

U Jisu te u da wan u la kren ha ki, u da ong, “La ai ha nga ka bor baroh ha bneng bad ha ka khyndew:

LOUKAS 1:69

bad U la pynmih ïa ka reng ka jingpynim ïa ngi, ha ka ïing u Dabid u shakri jong U;

LOUKAS 19:27

Hynrei, ïa kita ki nongshun jong nga, ki bym shym la mon ïa nga ban synshar halor jong ki, to wallam hangne, bad to pynïap ïa ki ha khmat jong nga.’ ”

KI KAM 10:38

shaphang U Jisu uba na Nasaret, kumno ba U Blei u la pynsleh ïa u da U Mynsiem Bakhuid, bad da ka bor, uba la ïaid kylleng u da leh babha, bad u da pynkhiah ïa kita baroh kiba la ban shitom da u Soitan; naba U Blei u long ryngkat bad u.

KI KAM 4:27

“Namar da shisha ha kane ka shnong, u Herod bad u Pontios Pilat, lem bad ki Jentil bad ki paidbah Israel, ki la ïalum lang ïa ka ban ïaleh ïa U Jisu U Khun u bakhuid jong me, ïa uba me la pynsleh,

2 KORINTH 5:10

namar ka dei ban pynïeng ïa ngi baroh ha khmat ka jingshong bishar U Khrist, ba uwei pa uwei un ïoh pdiang ha lade ïa kita kiei kiei ruh ba la leh ha ka met jong u, katba kum kita ba u la leh, la bha la sniew.

NONGBISHAR 5:31

“Kumta ai kin jot ki nongshun jong me baroh, A Trai: hynrei, ai ba kita kiba ieit ïa U kin long kum ka sngi haba ka dang ïeng ha ka bor jong ka.” Ka ri te ka la suk sawphew snem.

1 SAMUEL 12:13

Mynta te, khmih ïa u syiem ïa uba phi la jied, bad ïa uba phi la pan: bad ha khmih, U Trai u la buh syiem halor jong phi.

1 SAMUEL 12:17

Mynta kam long ka aïom ot Kew? Ngan khot kyrpad ha U Trai, te un phah ïa u pyrthat bad u slap: bad phin ïoh tip phin ïohi ruh ba kaba khraw ka jingbymman jong phi, kaba phi la leh ha khmat U Trai, ha kaba phi pan syiem.”

1 SAMUEL 12:18

Kumta u Samuel u la khot kyrpad ha U Trai; te U Trai u la phah ïa u pyrthat bad u slap ha kata ka sngi: bad u paidbah baroh u la sheptieng shikatdei ïa U Trai bad ïa u Samuel.

1 SAMUEL 12:3

Ha khmih ïa nga: to sakhi pyrshah ïa nga ha khmat U Trai, bad ha khmat uba la sleh jong u: u masi dab jongno nga la shim? lane ka kadda jongno nga la shim? lane ïano nga la shukor? ïano nga la banbeiñ? lane na ka kti jongno nga la shim sap ban pynmatlah ïa la ki khmat da ka? te ngan buria ïa kata ha phi.”

1 SAMUEL 15:28

Te u Samuel u la ong ha u, “U Trai u la kad noh ïa ka hima Israel na me ha kane ka sngi, bad u la aiti noh ïa ka ha uwei u paramarjan jong me, uba kham bha ïa me.

1 SAMUEL 16:1

Bad U Trai u la ong ha u Samuel, “Men ïambriew ïa u Saul sa katno, haba nga, nga la kyntait ïa u na kaba long syiem halor ki Israel? To pyndap ïa kata ka reng jong me da ka umphniang, bad khie leit, ngan phah ïa me sha u Jesse u nong Bethlehem, naba nga la khreh ïa nga ïa u syiem napdeng ki khun shynrang jong u.”

1 SAMUEL 7:10

Bad katba u Samuel u dang ainguh ïa kata ka jingainguh thang, ki Philistia ki la ïawan hajan ïa ka ban ïaleh ïa ki Israel: hynrei, U Trai u la tied pyrthat da ki pyrthat kiba khraw halor ki Philistia ha kata ka sngi, bad u la pynjot noh ïa ki; bad la pynïap ïa ki ha khmat ki Israel.