1 SAMUEL 12:3 - KA BAIBL

³ Ha khmih ïa nga: to sakhi pyrshah ïa nga ha khmat U Trai, bad ha khmat uba la sleh jong u: u masi dab jongno nga la shim? lane ka kadda jongno nga la shim? lane ïano nga la shukor? ïano nga la banbeiñ? lane na ka kti jongno nga la shim sap ban pynmatlah ïa la ki khmat da ka? te ngan buria ïa kata ha phi.”

Khasi CL Bible (BSI)

³ Hangne nga don. Lada nga la leh ïa kano kano kaba bakla, sakhi pyrshah ïa nga ha khmat U Trai bad ha khmat u syiem uba u la pynsleh. Hato nga la shim ïa ka masi ne ka kada jongno jongno? Hato nga la shukor ne banbeiñ ïano ïano? Hato nga la bamsap nano nano? Lada nga la leh ïa kine kiei kiei ngan pynphai noh ïa kata kaba nga la shim.”

1 SAMUEL 12:3 Mawu Ofanana

2 SAMUEL 22:22

Naba nga la rakhe ïa ki lynti U Trai, bad ngam shym kiar leh bymman na U Blei jong nga.

NEHEMAÏAH 5:11

Nga kyrpad ïa phi, to ai noh pat ha ki, mynta ka sngi, ïa ki lyngkha jong ki, ïa ki brisoh Waiñ jong ki, ïa ki bri Olib jong ki, bad ïa ki ïing jong ki, bad shi bynta na ka shispah na ki tyngka, bad na u Kew, na ka Waiñ bad ka umphniang, kiba phi khrong bor na ki.”

SALM 15:5

U bym ai tyngka ban shim sut than, lymne um bamsap ïaleh ïa uba lui lui. Uta uba leh ïa kine kiei kiei yn ym pynkhih ïa u lano lano ruh.

EKSODOS 20:17

“Men ym ikwah ïa ka ïing u paramarjan jong me, men ym ikwah ïa ka tnga u paramarjan jong me, lymne ïa u mraw jong u, lymne ïa ka mraw jong u, lymne ïa u masi jong u, lymne ïa u kadda jong u, lymne ïa kaei kaei ruh kaba dei ka jong u paramarjan jong me.”

EKSODOS 22:4

Lada la shem shisha ha ka kti jong u ïa kata ka jingtuh ba dang im, la ka long u masi, ne ka kadda, ne ka langbrot; un pynburia ar shah.

EKSODOS 23:8

Wat bamsap: naba kaba bamsap ka pynmatlah ïa ki bastad, bad ka pynbakla ruh ïa ki ktien jong ki bahok.

PROBERB 15:27

Uba khwan myntoi u pynshitom ïa la ka jong ka ïing: hynrei, uta uba isih ïa ki jingai, un im.

LEBITIKOS 6:4

namar kata, lada jia ba u la leh pop, bad ba u la rem, ka dei ïa u ban ai noh pat ïa kata kaei kaei ïa kaba u la knieh da ka bor, lane ïa kata ïa kaba u la ïoh da ka jingshukor, lane ïa kata ba la ai sumar ha u, lane ïa kata ïa kaba u la ïoh ei na kaba u la kum pynjah noh u briew,

LEBITIKOS 6:5

lane ïa kaei kaei ruh ba u briew u la smai lamler shaphang jong ka; ïa kata hi keiñ, un ai pynburia noh baroh pat, bad nalor kata ruh, ka dei ba un nang ai shuh ïa ka basan bynta: bad ha kata ka sngi ba un sa kñia na ka bynta ka jingpalat, un ai noh pat ïa kata kaei kaei ruh ha u trai jong ka hi.

JINGKHEIÑ 16:15

U Moses te u la bitar lep shikatdei, bad u la ong ha U Trai, “To wat khmih ha ka jingainguh jong ki: ngam shym la shim ïa uwei u kadda na ki, bad ngam shym la pynsniew ruh ïa uwei na ki.”

MATHAÏOS 22:21

Ki ong ha u, “Ki jong u Kaisar.” Hangta u ong ha ki, “Naba kumta ai noh ha u Kaisar ïa ki jong u Kaisar, bad ha U Blei ïa ki jong U Blei.”

LOUKAS 19:8

Hynrei, haba u la ïeng joit u Sakkhaïos, u la ong ha U Trai, “Ha khmih, ïa kaba shiteng na kiei kiei ruh ki jong nga, A Trai, ngan sa ai ha ki baduk; bad lada nga la shim klop ïa kaei kaei ruh na uno uno ruh da kaba mudui lamler, ngan sa siew pat saw shah.”

KI KAM 20:33

Ka rupa, lane ka ksiar, lane ka jaiñkup jongno jongno ruh, ngam shym la ikwah;

2 KORINTH 12:14

Ha khmih, kane ka balai sien nga la kloi ban wan ha phi; bad ngan ym ban khia ruh ïa phi; namar ngam wad ïa kiei kiei ki jong phi, hynrei, ïa phi: namar kam dei ïa ki khun ban kynshew na ka bynta ki kmie ki kpa, hynrei, ki kmie ki kpa na ka bynta ki khun.

DEUTERONOMI 16:19

Men ym pynkynriang ïa ka jingbishar; me wat ñiew shiliang khmat: wat bamsap; namar kaba bamsap, ka pynmatlah ïa ki khmat jong ki bastad, bad ka pynkylla dor ïa ki ktien jong ki bahok.

1 THESSALONI 2:10

Ma phi, phi long ki sakhi, bad U Blei de, kumno ba ngi la ïaid da ka bakhuid bad bahok bad ba khlem jingrem sha phi kiba ngeit:

1 THESSALONI 2:5

Namar ngim ju kren mynno mynno ruh da ki ktien ïaroh arsap, kumba phi ïatip, lymne da kaba tyllep ïa kaba kwah lalot; U Blei u long u sakhi;

1 PETROS 5:2

to phin bsa ïa kata ka kynhun ka jong U Blei kaba hapdeng jong phi, da kaba sharai, ym da kaba leh jubor, hynrei, da la ka mon sngewbha hi; ym da kaba khwan myntoi, hynrei, da ka jingsngew-la-kloi;

1 SAMUEL 10:1

Ynda kumta, u Samuel u la shim shi tyndong ka umphniang, bad u la theh ïa ka halor ka khlieh jong u, bad u la doh ïa u, bad u la ong, “Hato U Trai um shym la pynsleh ïa me ban long u nongïalam halor ka bynta jong u?

1 SAMUEL 12:4

Ki te ki la ong, “Mem shym la shukor ïa ngi, lymne banbeiñ ïa ngi, lymne mem shym la shim ei ei na kti jongno jongno ruh.”

1 SAMUEL 12:5

Bad u la ong ha ki, “U Trai u long sakhi pyrshah ïa phi, bad uba la sleh jong U, u long sakhi ha kane ka sngi, ba phim shym la shem ei ei ha ka kti jong nga.” Ki ruh ki la ong, “U long sakhi keiñ.”

1 SAMUEL 2:35

Bad ngan pynmih ha lade ïa u lyngdoh uba ngeit, u ban leh kat kaba don ha ka dohnud jong nga bad ha ka jingmut jong nga: bad ngan tei ïa ka ïing kaba skhem ha u; bad un ïaid ha khmat uba la sleh jong nga junom.

1 SAMUEL 24:11

Bad nalor kata ruh, to khmih, ko kpa jong nga, shisha, to khmih ïa ka rmiang ka barandi jong me ha ka kti jong nga; namar na kaba nga la ot noh ïa ka rmiang ka barandi jong me, khlem da pynïap ïa me, to tip keiñ bad to khmih ba ha ka kti jong nga ym don ka jingbymman lymne ka jingsniew, bad ba ngam shym la leh pop ïa me, pynban, ma me, me beh mrad ïa ka mynsiem jong nga khnang ban kem ïa ka.

1 SAMUEL 24:6

Bad u la ïathuh ïa la ki rangbah, “To U Trai un khang ba ngan leh ïa kane ïa la u kynrad, ïa uba la sleh jong U Trai, kat ban rah ïa la ka kti pyrshah ïa u, haba u long ïa uba la sleh jong U Trai.”

1 SAMUEL 24:7

Kumta, u Dabid u la khang ïa la ki rangbah da kine ki ktien, bad um shym shah ïa ki ban ïeng pyrshah ïa u Saul. Te u Saul u la ïeng ban mih noh na kata ka krem, bad u la leit noh.

1 SAMUEL 26:11

To U Trai un ri kyndong ïa nga ba ngan ym rah ïa la ka kti pyrshah ïa uba la sleh jong U Trai: hynrei, nga kyrpad ïa me, to shim noh mynta ïa uta u sum uba hajan ka syngkhlieh jong u, bad ïa uta u khiew um, bad ngin ïaleit noh.”

1 SAMUEL 26:9

Te u Dabid u la ong ïa u Abishai, “Wat pynjot ïa u: naba uei ba lah ban rah ïa la ka kti pyrshah ïa uba la sleh jong U Trai khlem kit pop?”