1 SAMUEL 10:7 - KA BAIBL

⁷ Te ynda kin jia kine ki dak ïa me, to leh katba me shem lad; namar U Blei u don ryngkat bad me.

Khasi CL Bible (BSI)

⁷ Haba kine kiei kiei kin jia, leh ïa kaba U Blei u ïalam ïa me ban leh.

1 SAMUEL 10:7 Mawu Ofanana

JENESIS 21:20

Bad U Blei u la long ryngkat bad uta u khynnah; te u la nang ïoh bor, bad u la shong sah ha kata ka ri khlaw, bad u la long u nongrah ryntieh.

2 SAMUEL 7:3

Bad u Nathan u la ong ha u syiem, “Khie, to leh ïa kiei kiei baroh kiba ha ka dohnud jong me; naba U Trai u don lem bad me.”

Ka Kitab U Job 31:25

lada nga la leh kmen namar ba la khraw ka spah jong nga, bad namar ba ka kti jong nga ka la ïoh shibun;

EKSODOS 4:8

“Te kan sa jia, lada kim ïangeit ïa me, lymne sngap ïa ka jingsawa jong ka dak banyngkong, ba kin sa ngeit keiñ ïa ka jingsawa ka dak ba-ar.

EKLESIASTIS 9:10

Kaei kaei baroh ba ka kti jong me ka shem ban leh, leh ïa kata da la ka borbah; namar ym don ka kam, lymne buit, lymne ka jingtip, lymne ka jingstad, ha ka jingtep, sha kaba me leit.

ISAÏAH 7:14

Namar kata, U Trai hi un ai ka dak ïa phi: Ha khmih, ka theisotti kan punkhun, kan kha ruh ïa u khun, yn khot ruh ïa ka kyrteng jong u, ‘u Immanuel.’

MATHAÏOS 1:23

“Ha khmih, kata ka theisotti kan punkhun, kan kha ruh ïa u khun, bad kin ïakhot ïa ka kyrteng jong u, ‘U Emmanuel,’ ” kaba long, haba la batai, “U Blei lem bad ngi”.

MATHAÏOS 28:20

da hikai ïa ki ban sumar ïa kiei kiei baroh kat kiba nga la hukum ïa phi. Ha khmih ruh, nga, nga long ryngkat bad phi ha la ka sngi, haduh kaba wai noh ka pyrthei.”

LOUKAS 2:12

te kane kan long ka dak ïa phi; phin shem ïa u khunlung ba la sop da ki jaiñsop, u da thiah ha ka shyngoid.”

ÏOANNIS 6:14

Ynda kita ki briew ki la ïohi ïa kata ka kambah ïa kaba U Jisu u la leh, ki la ïa-ong, “Une u long shisha uta u nongïathuhlypa u ban sa wan ha ka pyrthei.”

DEUTERONOMI 20:1

“Haba me leit ïaleh thma ïa ki nongshun jong me, bad ba me ïohi ïa ki kulai, bad ïa ki kali ïapom, bad u paidbah uba kham bun ban ïa me, to wat sheptieng ïa ki: namar U Trai uba U Blei jong me, uba la wallam noh ïa me na ka ri Ijipt, u long ryngkat bad me.

HEBRU 13:5

To long kiba lait na kaba ieit sbai, da kaba sngewhun bad kita kiei kiei ba phi don; namar u hi u la ong: “Ngan ym iehnoh noh ïa me da lei lei, lymne ngan ym leh lyndet noh ïa me da lei lei.”

JOSHUA 1:5

Yn ym don uwei uba lah ban ïeng ha khmat jong me baroh ki sngi ka rta jong me: kumba nga la don ryngkat bad u Moses, kumta ngan don bad me ruh: ngan ym iehnoh ïa me, lymne ngan ym kyntait ïa me.

JOSHUA 1:9

Hato ngam shym la hukum ïa me? To long uba khlaiñ bad uba shlur bha; wat tieng, lymne wat kyiuh: namar U Trai U Blei jong me u don ryngkat bad me kat sha kaba me leit.”

NONGBISHAR 6:12

Te u angel U Trai u la paw ha u, bad u la ong ha u, “U Trai u don ryngkat bad me, me u briew uba shynrang.”

NONGBISHAR 9:33

te mynstep, tang shu mih ka sngi, men ïeng dang step, ban ïaleh ïa ka shnong; te ha khmih, haba ma u bad ki briew kiba bad u kin mih ïaleh ïa me, ynda kumta, men ïaleh ïa ki katba me shem lad.”

1 SAMUEL 2:34

Te kane kan long ka dak ha me, ka ban hap halor ki ar ngut ki khun shynrang jong me, halor u Hophni bad u Phinehas; ha kajuh ka sngi kin ïap noh baroh ar ngut.

1 SAMUEL 20:13

U Trai un leh kumta, bad tam ruh, ïa u Jonathan, lada u kpa jong nga un ibit ban pynsniew ïa me, bad ba ngan ym ïathuh ïa me bad pyllait noh ïa me, ba men ïoh leit ha kaba suk: te U Trai to un long lem bad me, kumba u la long bad u kpa jong nga.

1 SAMUEL 3:19

Bad u Samuel u la nang roi, bad U Trai u la don lem bad u, bad um shym shah ïa kawei na ki ktien jong u ban hap duh noh.