SEKHARAÏAH 13:2 - Khasi CL Bible (BSI)

² Ha kata ka por ngan weng noh ïa ki kyrteng jong ki bleithaw na ka ri, bad ym don mano mano ban kynmaw shuh ïa ki. Ngan weng noh ïa uno uno uba kam ba u long u nongïathuhlypa bad ngan shim noh ïa ka jingkwah ban mane ïa ki bleithaw.

KA BAIBL

² “Te ha kata ka sngi,” ong U Trai ki paid, “ngan pyndam noh ïa ki kyrteng jong kita ki dur bleithaw na ka ri, bad yn ym kynmaw shuh ïa ki: bad ngan beh noh ïa ki nongïathuhlypa bad ïa ki mynsiem bymkhuid na ka ri.

SEKHARAÏAH 13:2 Mawu Ofanana

1 SYIEM 22:22

‘Kumno?’ U Trai u kylli. U mynsiem u jubab, ‘Ngan leit bad pynlong ïa baroh ki nongïathuhlypa u Ahab ban kren lamler. U Trai u ong, leit bad shukor ïa u. Phin sa jop.’ ”

SALM 16:4

Kito kiba beh stet sha kiwei ki blei ki wallam bun ki jingjynjar halor lade hi. Ngan ym ïashim bynta ha ki jingkñia jong ki; ngan ym mane ïa ki blei jong ki.

EKSODOS 22:13

Lada dei ba la pynïap ïa ka da ki mradkhlaw, uta u briew un wallam ïa ka doh kaba sah ban pynsabut ïa kata; un ym hap siew ïa kata kaba la shah pynïap ha ki mradkhlaw.

EKSODOS 23:13

“Shahshkor ïa kaei kaei baroh kaba nga U Trai nga la kren ha phi. Wat duwai ha kiwei pat ki blei; bad tang ïa ka kyrteng jong ki ruh wat ïalap.

ISAÏAH 2:20

Haba kata ka sngi ka wan, kin bret sharud ïa ki bleithaw ksiar bad rupa ba ki la thaw, bad kin iehnoh ïa ki ha ki khnai tynjit bad ha ki lymbit.

JEREMAÏAH 29:23

Kane kan long ka kupar jong ki namar ki la shah rem na ki pop bashyrkhei — ki la leh awria bad ki la ïathuh ki jinglamler ha ka kyrteng jong U Trai. Kane ka long pyrshah ïa ka mon ka jong U Trai; u tip ïa kaei kaba ki la leh, bad u long u sakhi pyrshah ïa ki. U Trai u la kren.”

ESEKIEL 12:24

“Hapdeng ki paid Israel yn ym don shuh ki jingïohipaw ba bakla lane ki jingïathuhlypa kiba ïalam bakla.

ESEKIEL 13:23

Kumta mynta ki jingïohipaw ba bakla bad ki jingïathuhlypa ba ïalam bakla ki la kut. Nga pyllait im ïa ki briew jong nga na ka bor jong phi, khnang ba phin tip ba nga long U Trai.”

ESEKIEL 14:9

“Lada u nongïathuhlypa u shah shukor ban ai ki jubab kiba bakla, ka dei namar ma nga, U Trai Nongsynshar, nga la shukor ïa u. Ngan weng ïa u na ki paid Israel.

ESEKIEL 30:13

U Trai Nongsynshar u ong, “Ngan pynjot ïa ki bleithaw bad ïa ki blei bashukor ha Memphis. Yn ym don u ban synshar halor ka Ijipt, bad ngan pyntriem ïa ki briew baroh.

ESEKIEL 36:25

Ngan synreit ïa phi da ka um khuid, bad ngan pynkhuid ïa phi na ki bleithaw jong phi bad na baroh kiei kiei kiba la pyntngit ïa phi.

ESEKIEL 36:29

Ngan pyllait ïa phi na kata baroh kaba pyntngit ïa phi. Ngan hukum ïa u kew ba un bun kyrhai, khnang ba phin ym mad shuh ïa ki jingïapthngan.

ESEKIEL 37:23

Kin ym pyntngit shuh ïa lade da ki bleithaw kiba ijli lane pynjot ïa lade da ka pop. Ngan pyllait ïa ki na ki lynti jong ka jingleh pop bad ka jingshetkylla ïa nga. Ngan pynkhuid ïa ki, kin long ki briew jong nga, bad ngan long U Blei jong ki.

ESEKIEL 43:7

Ko khun u briew, hangne ka dei ka khet jong nga. Ngan shong hangne hapdeng ki paid Israel bad synshar halor jong ki junom. Ki paid Israel lymne ki syiem jong ki, kin ym pynjahburom shuh ïa kyrteng bakhuid jong nga da kaba mane ïa kiwei pat ki blei lane da kaba tep ïa ki metïap jong ki syiem jong ki ha kane ka jaka.

ESEKIEL 6:6

Ïa baroh ki nongbah ka Israel yn pynjot noh, kumta ba ïa ki duwan jong ki bad ki bleithaw jong ki yn pynpait lyngkhot lyngkhai, ïa ki duwan jingiwbih jong ki yn pynpra lyngkhot lyngkhai, bad ïa ki jingtei jong ki baroh yn sa pynjot noh.

HOSIA 14:8

Ki paid Israel kim don bynta ei ei shuh bad ki bleithaw; ngan jubab ïa ki jingduwai jong ki bad sumar ïa ki; kum u dieng ba ïai jyrngam ngan kah tngen ïa ki; nga long u tynrai jong ki jingkyrkhu jong ki baroh.”

HOSIA 2:17

Ngan ym shah shuh ba kan dang kren ïa ka kyrteng u Baal.

HOSIA 2:19

Ko Israel, ngan pynlong ïa pha ka tnga jong nga; ngan lehhok bad ïaineh; ngan pyn-i ïa pha ïa ka jingieit baneh bad ïa ka jingisynei bad ngan pynlong ïa pha ka jong nga junom.

MIKAH 2:11

“Kine ki briew ki kwah ïa u jait nongïathuhlypa uba ïaid kylleng uba dap da ka lamler bad jingshukor bad u ong, ‘Nga ïathuhlypa ba ka waiñ bad ka kyiad kin tuid na ka bynta jong phi.’

SEPHANAÏAH 2:11

U Trai un pynshyrkhei ïa ki. Un pynhiar ïa ki blei jong ka pyrthei sha ka bym long ei ei, bad kumta kawei pa kawei ka jaitbynriew kan mane ïa u, kawei kawei ha la ka jong ka ri.

MATHAÏOS 12:43

“Haba u mynsiem bymkhuid u la mihnoh na u briew, u ïaid napdeng ka jaka ryngkhiang da kaba khmih ïa ka jaka ban ïoh pynjahthait. Lada um lah ban shem ïa kano kano,

MATHAÏOS 7:15

“To sumar ïa lade na ki nongïathuhlypa balamler; ki wan sha phi ki da i kum ki langbrot ha kaba shabar, hynrei ha kaba shapoh ki long shisha kum ki suri barunar.

LOUKAS 11:20

Em, ka long pynban da ka bor ka jong U Blei ba nga beh noh ïa ki ksuid, bad kane ka pynshisha ba ka Hima jong U Blei ka la da wan ha phi.

DEUTERONOMI 12:3

Pynpra ïa ki duwan jong ki bad pynpait pharia ïa ki maw blei jong ki. Thang ïa ki dur jong ka blei Asherah bad mait ïa ki bleithaw jong ki, khnang ba kin ym mane shuh ha kito ki jaka.

DEUTERONOMI 18:20

Hynrei lada uno uno u nongïathuhlypa u nud ban kren ha ka kyrteng jong nga ïa ka khubor kaba ngam shym la hukum ïa u, u dei ban ïap namar kata; bad uno uno u nongïathuhlypa uba kren ha ka kyrteng jong kiwei pat ki blei u ruh u dei ban ïap.’

JOSHUA 23:7

Wat klet ïa kano kano ka bynta jong ka, bad nangta phin ym ïakhleh bad kine ki briew kiba dang sah hapdeng jong phi lane ïakren ïa ki kyrteng jong ki blei jong ki lane pyndonkam ïa kito ki kyrteng ha kaba shim smai lane mane ïa kito ki blei lane nguh dem ïa ki.

JINGPYNPAW 18:2

U la pyrta ha ka sur kaba jam: “Ka la kyllon! Ka Babilon Bakhraw ka la kyllon! Mynta ka la long ka jaka shong ki ksuid bad ki mynsiem bymkhuid; baroh ki jait sim kiba jakhlia bad kiba isaitmet ki shong ha ka.

JINGPYNPAW 19:20

Ïa u mradkhlaw la ring koidi, lem bad ïa u nongïathuhlypa lamler uba la leh ki kambah ha ka jingdon ryngkat jong u. (Ka la long da kito ki kambah ba u la shukor ïa kito kiba la don ïa ka shab jong u mradkhlaw bad ïa kito kiba la mane ïa ka dur jong u mradkhlaw.) Ïa u mradkhlaw bad ïa u nongïathuhlypa lamler la bret im sha ka pung ding kaba klang da u kyndok.